Нӕ сайт – арӕзт у махӕн дӕр ӕмӕ иннӕтӕн дӕр
Йесо нын бафӕдзӕхста Хуыцауы Паддзахады тыххӕй хорз хабар хъусын кӕнын «ӕгас зӕххы цъарыл дӕр, цӕмӕй уый тыххӕй ӕппӕт адӕмтӕ дӕр фехъусой» (Матф. 24:14). Цӕмӕй нӕ «лӕггады рохуаты мацы уадзӕм», уый тыххӕй watchtower.org, jw-media.org ӕмӕ jw.org баиу кодтам ӕмӕ дзы сарӕзтам иу сайт jw.org (2 Тим. 4:5).
«Ӕгас зӕххы цъарыл дӕр». Ӕгас зӕххыл дӕр цы адӕм цӕры, уыдонӕн се ’ртыккаг хай пайда кӕны Интернетӕй. Бирӕ адӕм, уӕлдайдӕр та ӕрыгӕттӕ, ног хабӕрттӕ базонынц уырдыгӕй. Нӕ сайты ис, Библи бӕлвырд дзуапп кӕмӕн дӕтты, бирӕ ахӕм фарстатӕ. Уым фыст ис, Йегъовӕйы организаци куыд архайы, уый тыххӕй. Стӕй дзы адӕймагӕн йӕ бон у курдиат байдзаг кӕнын, цӕмӕй йемӕ Библи лӕвар ахуыр кӕнын райдайой. Уый фӕрцы хорз хабар базонынц, хъусын кӕнынӕн фадӕттӕ кӕм нӕй, ахӕм рӕтты.
«Ӕппӕт адӕмтӕ дӕр». Цӕмӕй «ӕппӕт адӕмтӕ» хорз хабар фехъусой, уый тыххӕй хъуамӕ Библийы рӕстдзинад хъусын кӕнӕм алыхуызон ӕвзӕгтыл. Сайты jw.org ӕнцонӕй ис ссарӕн информаци иу-400 ӕвзагыл, ӕмӕ ацы хъуыддаджы нӕ сайтӕн ӕмбал нӕй.
Пайда дзы кӕн. Нӕ ног сайт jw.org ӕрмӕст уый тыххӕй арӕзт нӕу, цӕмӕй, Хуыцауӕн чи нӕ лӕггад кӕны, уыдонӕн хорз хабар фехъусын кӕнӕм. Уый у Йегъовӕйы Ӕвдисӕнтӕн дӕр. Кӕд дӕм Интернет ис, уӕд дӕ нӕ сайтмӕ jw.org зӕрдиагӕй хонӕм. Дӕлдӕр цы уынаффӕтӕ ис, уыдонӕй базондзынӕ, куыд архайын дзы хъӕуы, уый.
[Схемӕ 3 фарсыл]
(Мыхуыры куыд рацыд, уый фенӕн ис публикацийы)
Бафӕлвар
1 Дӕ компьютеры адрис кӕм фӕфыссынц, уым «www.jw.org» бафысс.
2 Сайтмӕ лӕмбынӕг ӕркӕс: бакӕс ын йӕ закладкӕтӕ, менюйы опцитӕ ӕмӕ ссылкӕтӕ.
3 Кӕд дӕ телефоны, смартфоны кӕнӕ планшеты Интернет ис, уӕд бафӕлвар бацӕуын нӕ сайтмӕ jw.org. Нӕ сайты ӕддаг бакаст дзы хицӕн кӕны, фӕлӕ дзы информаци къаддӕр нӕй.