Уацамынды нӕ сайтӕй пайда кӕн. «Библи: фарстатӕ ӕмӕ дзуаппытӕ»

Сайты jw.org «Библийы ахуырӕдтӕ» кӕм ис фыст, уым ис ахӕм вкладкӕ, «Библи: фарстатӕ ӕмӕ дзуаппытӕ», зӕгъгӕ. Уыцы фарстатӕ хорз куы зонӕм ӕмӕ, фылдӕр базонын кӕй фӕнды, ахӕм адӕймагыл куы сӕмбӕлӕм, уӕд ын нӕ бон у нӕ сайты равдисын, йӕ фарстайӕн Библийӕ дзуапп кӕм ис, уыцы ӕрмӕг. Ацы фарстаты фӕрцы ма нӕ бон у уацамынды нӕ ныхас райдайын дӕр. Нӕ бон равзарын у, нӕ участокты цӕрӕг адӕмы цы фарстатӕ тыхсын кӕны, уыдонӕй искӕцы, ӕмӕ нын адӕймаг йӕ хъуыды куы зӕгъа, уӕд ын нӕ бон у сайты фӕрцы бамбарын кӕнын, Библи уый фӕдыл цы дзуры. Уый фӕстӕ йын нӕ бон у зӕгъын йе та равдисын, ӕрмӕг ссарӕн кӕм ис. Кӕнӕ та йын нӕ бон у йӕхицӕн бакӕсын кӕнын, сайты цы ӕрмӕг ис, уый. Иу цӕуӕг цӕстдарӕджы бинойнаг йӕ ныхас райдайы афтӕ: «Бирӕтӕ фӕфӕрсынц, кӕй хъизӕмар кӕнӕм, уый Хуыцауы аххос у, зӕгъгӕ. Фӕнды дӕ ацы фарстайӕн 51 секундмӕ дзуапп базонын?» Стӕй иумӕ байхъусынц, нӕ сайтӕй йӕ смартфонмӕ кӕй рафыста ӕмӕ уыцы фарстайӕн дзуапп кӕм ис, уыцы аудиозаписьмӕ. Ӕмӕ йын фӕстагмӕ, адӕмимӕ Библи кӕй фӕрцы фӕахуыр кӕнӕм, уыцы публикацийӕ бӕлвырд сӕр равдисы.