Фарстыты асыкк

◼ Ӕмбырды нын цы куыст бахӕс кӕнынц, уымӕ цы цӕстӕй хъуамӕ кӕсӕм?

Иегъовӕйы адӕмы ӕмбырды ис уаг ӕмӕ ӕгъдау, иумӕ, ӕмвӕнд-ӕмзондӕй кӕй архайынц, уый тыххӕй (1 Кор. 14:33, 40). Ахъуыды ма кӕн, ӕрмӕст иу фембӕлд ауадзынӕн цас цыдӕртӕ хъӕуы. Программӕйӕ уӕлдай ма, фембӕлды размӕ ӕмӕ йӕ фӕстӕ ис бирӕ куыст, ӕмӕ йӕ кӕнынц ӕфсымӕртӕ ӕмӕ хотӕ. Ахсджиаг сты, иннӕтӕ кӕй нӕ уынынц, уыцы хъуыддӕгтӕ дӕр. Ацы хъуыддаджы нӕ алкӕй бон дӕр куыд у баххуыс кӕнын?

Дӕхиуыл фӕстӕмӕ ма хӕц. Ӕнӕзивӕг чи у, уый ӕгуыст никуы уыдзӕн (Пс. 109:3). Рынчынтӕ ӕмӕ ацӕргӕтӕн кӕстӕриуӕг кӕн. Паддзахады зал ӕфснайынӕн ӕххуыс кӕн. Ӕнӕ цумайӕ дӕр бирӕ хорз хъуыддӕгтӕ ис саразӕн. Ӕххуыс кӕнын нӕ фӕндгӕ кӕнӕд, уый йеддӕмӕ куыст алкӕддӕр уыдзӕн.

Бонзонгӕ у. Бонзонгӕ адӕймагӕн ӕхсызгон у иннӕтӕн кӕстӕры лӕггад кӕнын (Лук. 9:48). Бонзонгӕ куы уӕм, уӕд нӕхимӕ, нӕ бон цас у, уымӕй фылдӕр хӕстӕ нӕ исдзыстӕм. Стӕй, махмӕ цы хъуыддаг нӕ хауы, уый аразӕг нӕхи нӕ кӕндзыстӕм (Ӕмб. 11:2).

Ӕууӕнкджын у. Рагон Израилы Моисейӕн бауынаффӕ кодтой, цӕмӕй разамынд дӕттынӕн равзӕрстаид «ӕууӕнкджын» лӕгты (Рац. 18:21). Уыцы миниуӕг ӕнӕмӕнг хъӕуы абон дӕр. Цыфӕнды дын ма бахӕс кӕной,— ӕнӕзӕрдӕхудтӕй йӕ араз (Лук. 16:10). Йӕ саразын дӕ бон куы нӕ уа, уӕд бацархай, цӕмӕй йӕ дӕ бӕсты ӕндӕр исчи бакӕна.

Дӕ бон цыдӕриддӕр у, уый араз. Ӕнӕуи куыстыл куы фӕцӕуы дзырд, уӕд чырыстӕтты Библи разӕнгард кӕны, цӕмӕй йӕ аразой зӕрдиагӕй (1 Кор. 3:22—24). Ӕмӕ уӕд Хуыцауы Паддзахадӕн та хъуамӕ ноджы зӕрдиагдӕрӕй ма кусӕм? Алы куыст дӕр нӕ сӕрмӕ куы хӕссӕм ӕмӕ йӕ бӕстон куы кӕнӕм, уӕд не ’мбырд бирӕ арфӕдзинӕдтӕй уыдзӕн хайджын.

Алыхатт дӕр нын исты куы бахӕс кӕнынц, уӕд нын уый вӕййы хорз фадат, Иегъовӕйы ӕмӕ не ’фсымӕрты кӕй уарзӕм, уый равдисынӕн (Матф. 22:37—39). Цӕй уӕдӕ, цыдӕриддӕр нын бахӕс кӕнынц, уый ӕнӕзӕрдӕхудтӕй аразӕм!