Фарстыты асыкк
◼ Филиалмӕ кӕнӕ ӕндӕр ахӕм ранмӕ куы фӕцӕуӕм, уӕд нӕ уӕлӕдарӕс цавӕр хъуамӕ уа?
Паддзахады залтӕ, Конгрессты залтӕ, Вефилтӕ ӕмӕ филиалтӕ сты Йегъовӕйӕн лӕггад кӕнынӕн. Сты хуымӕтӕг, сыгъдӕг ӕмӕ аив. Сайтаны дунейы цы уынӕм, уымӕй тынг хицӕн кӕнынц. Уӕдӕ ахӕм рӕттӕм куы цӕуӕм, уӕд хъуамӕ нӕ уӕлӕдарӕсӕй бӕрӕг уа, Йегъовӕйы лӕггадгӕнджытӕ кӕй стӕм.
Мах «алы ӕгъдауӕй дӕр ӕвдисӕм, Хуыцауы лӕггадгӕнджытӕ кӕй стӕм, уый» ӕмӕ уымӕ хауы нӕ аив дарӕс ӕмӕ конд дӕр (2 Кор. 6:3, 4). Стӕй ма хъуамӕ нӕхи дарӕм, куыд ӕмбӕлы, афтӕ. Кӕддӕриддӕр нӕ конд ӕмӕ нӕ бакаст хъуамӕ ууыл дзурӕг уа, Йегъовӕйы Ӕвдисӕнтӕ кӕй стӕм. Уӕлдайдӕр та нӕ уый хъуамӕ ма рох кӕна, Нью-Йорчы нӕ организацийы сӕйраг хайадмӕ, стӕй иннӕ филиалтӕм куы цӕуӕм, уӕд.
Чиныджы «Организованы, чтобы исполнять волю Иеговы» фыст ис, уацамынды ӕмӕ ӕмбырдтӕм цӕугӕйӕ куыд ахсджиаг у, цӕмӕй нӕ буар уа сыгъдӕг, нӕ уӕлӕдарӕс хӕдӕфсарм ӕмӕ нӕ бакаст та – аив. Стӕй 138 фарсыл 2 абзацы фыст ис: «Уӕ зӕрдыл дарут, дзырд Вефил кӕй нысан кӕны „Хуыцауы хӕдзар“. Уымӕ гӕсгӕ Вефилмӕ куы фӕцӕуӕм, уӕд нӕ конд ӕмӕ нӕхи куыд дарӕм, уый хъуамӕ ма хицӕн кӕна, Паддзахады залы куыд вӕййӕм, уымӕй». Афтӕ хъуамӕ уа, ӕввахс кӕнӕ нӕм дард цы Вефилтӕ сты, уырдӕм куы фӕцӕуӕм, уӕд дӕр. Афтӕмӕй равдисдзыстӕм, Йегъовӕйӕн кӕй аргъ кӕнӕм ӕмӕ йын кӕй кад кӕнӕм, уый (Пс. 29:2).
Нӕ уӕлӕдарӕсӕй хъуамӕ бӕрӕг уа, «йӕхи Хуыцауӕн кувӕг чи хоны», уыцы адӕмӕй кӕй стӕм (1 Тим. 2:10). Нӕ конд ӕмӕ нӕ бакаст зӕрдӕмӕдзӕугӕ куы уой, уӕд адӕм хуыздӕр цӕстӕй кӕсдзысты рӕстдзинадмӕ. Фӕлӕ, куыд бафиппайдтам, афтӕмӕй иуӕй-иу хотӕ ӕмӕ ’фсымӕртӕ филиалтӕм, офистӕм кӕнӕ ӕндӕр ахӕм рӕттӕм куы бацӕуынц, уӕд вӕййынц куыдфӕнды кӕндтытӕ кӕнӕ сӕ уӕлӕдарӕс вӕййы ӕгӕр гом. Ахӕм уӕлӕдарӕс Йегъовӕйы Ӕвдисӕнтӕн кӕдфӕнды дӕр аив нӕу. Ацы хъуыддаджы ӕмӕ чырыстон царды ӕппӕт хъуыддӕгты мах фӕнды алцыдӕр аразын Хуыцауы кадӕн, цӕмӕй бӕрӕг уа йӕ адӕм кӕй стӕм ӕмӕ нын ацы дунеимӕ иумӕйагӕй кӕй ницы ис (Ром. 12:2; 1 Кор. 10:31).
Уӕдӕ нӕ кӕд нӕ отпусчы рӕстӕг фӕнды Санкт-Петербурджы филиалмӕ кӕнӕ ӕндӕр офисмӕ ацӕуын, уӕд ахъуыды кӕнӕм: «Мӕ уынд ӕмӕ мӕ кондӕй бӕрӕг у, хӕдӕфсарм, сыгъдӕгуарзаг кӕй дӕн ӕмӕ кӕдӕм цӕуын, уыцы бынатӕн кӕй кад кӕнын? Мӕ уынд ӕмӕ мӕ конд Хуыцауы зӕрдӕмӕ фӕцӕудзӕн? Иннӕтӕ та мӕ цы ахъуыды кӕндзысты?» Цӕй уӕдӕ нӕ уӕлӕдарӕс ӕмӕ нӕ бакастӕй «алы хъуыддаджы дӕр нӕ Ирвӕзынгӕнӕг Хуыцауы ахуырад... фидауын кӕнӕм»! (Тит. 2:10).