Чиныг «Рассуждение»-йӕ пайда кӕныс?
1. Куыд ахуыр кодтой адӕмы апостол Павел ӕмӕ Йесо?
1 Апостол Павел архайдта, цӕмӕй «адӕмимӕ ныхас кодтаид Фыстадмӕ гӕсгӕ» (Ап. хъ. 17:2, 3; 18:19). Афтӕ кӕй кодта, уымӕй фӕзмыдта Йесойы, уый дӕр-иу арӕх пайда кодта Фыстадӕй ӕмӕ хаста цӕстуынгӕ цӕвиттонтӕ, цӕмӕй адӕм Хуыцауы фӕндон ӕмбӕрстаиккой (Матф. 12:1–12). Чиныг «Рассуждение с помощью Писаний» дӕр раугътой, цӕмӕй адӕмӕн Хуыцауы фӕндон ӕмбарын кӕнӕм.
2. Куыд нын баххуыс кӕндзӕн чиныг «Рассуджение» адӕмимӕ ныхас райдайынӕн?
2 Нӕ ныхас цӕмӕй райдайдзыстӕм. Чиныг «Рассуждение с помощью Писаний»-йы 9–15 фӕрстыл ис, адӕмы чи бацымыдис кӕна, ахӕм ныхӕстӕ. Алы хатт дӕр-иу нӕ ныхас иухуызон куы нӕ райдайӕм, уӕлдайдӕр та, арӕх кӕм хъусын кӕнӕм, ахӕм участокты, уӕд нын фылдӕр ӕнтысдзӕн ӕмӕ нын ӕнцондӕр уыдзӕн адӕмимӕ ныхас кӕнын. Телефонӕй кӕнӕ домофонӕй куы хъусын кӕнӕм, уӕд нӕ бон у комкоммӕ чиныгӕй кӕсын дӕр.
3. Чиныг «Рассуждение»-йы 16–24 фӕрстыл цы фыст ис ӕмӕ нын уый уацамынды куыд ӕххуыс кӕны?
3 Нӕ ныхас нын ӕрдӕгыл куы аскъуыной. Нӕ ныхас нын ӕрдӕгыл чи аскъуына, уыдонӕн цы зӕгъдзыстӕм? Хорз уаид, рагацау куы ’ркӕсиккам чиныджы 16–21 фӕрстӕм. Чи зоны, хӕдзары хицау буддист, индус, дзуттаг кӕнӕ пысылмон разына. Уыдонимӕ цӕуыл ис аныхас кӕнӕн, уый фыст ис чиныджы 21–24 фӕрстыл.
4. Исчи нӕм фарст куы ратта кӕнӕ исты дзырддаг фарстыл дзырд куы цӕуа, уӕд нын чиныг «Рассуждение» куыд баххуыс кӕндзӕн?
4 Фарстытӕн дзуаппытӕ. Чиныг «Рассуждение» ма нын баххуыс кӕндзӕн, исчи нӕм фарст куы ратта кӕнӕ исты дзырддаг фарстыл дзырд куы цӕуа, уӕд. Дӕ бон у, ӕмӕ адӕймагӕн зӕгъай, цӕмӕй ӕркӕса, ацы чиныджы йӕ фарсты тыххӕй цы фыст ис, уымӕ. Темӕтӕ алфавитмӕ гӕсгӕ хаст кӕй сты, уымӕ гӕсгӕ дӕ бон у, фарстӕн дзуапп ссарӕн кӕм ис, уыцы темӕ сӕргӕндты фенын. Уый фӕстӕ ӕркӕс ставдӕй фыст фарстытӕм. Цы фарст агурыс, уый дӕ бон тагъд ссарын куы нӕ уа, уӕд чиныджы кӕрон индекс рафӕлдах ӕмӕ йӕ уым бацагур. Куы йӕ ссарай, уӕд ӕй комкоммӕ уырдыгӕй бакӕс. Фыстады кӕцыдӕр бӕлвырд стихыл дзырд куы цӕуа, уӕд ӕй дӕ бон у ссарын 445 фарсыл, ис дзы ахӕм сӕргонд: «Стихи, которые часто понимают неправильно».
5. Куыд ма ис чиныг «Рассуждение»-йӕ пайда кӕнӕн?
5 Куыд ма дзы ис пайда кӕнӕн. Иуӕй-иутӕ ацы чиныг семӕ райсынц куыстмӕ кӕнӕ скъоламӕ, цӕмӕй сӕ бон уа дзуапп дӕттын алыхуызон фарстытӕн, зӕгъӕм, бӕрӕгбӕттӕ цӕуылнӕ кӕнут, зӕгъгӕ. Ӕрыгӕттӕ исты хӕслӕвӕрд куы фӕцӕттӕ кӕнынц, уӕд хорз хъуыдытӕ ссарынц ахӕм сӕргӕндты: «Сотворение» ӕмӕ «Эволюция». Мыййаг дӕ бон у, рынчын чи у кӕнӕ йе ’ввахс адӕймаг кӕмӕн фӕзиан, ахӕм адӕймаджы бабӕрӕг кӕнын? Уӕд сӕ дӕ бон уыдзӕн бафидар кӕнын, сӕргонд «Утешение и ободрение»-йы Фыстадӕй цы хъуыдытӕ ис, уыдонӕй. Чиныг «Рассуждение» ма стыр ӕххуыс у, раныхӕстӕ кӕнӕ уацамындон фембӕлдтӕ чи фӕцӕттӕ кӕны, уыдонӕн дӕр.
6. Хъусын кӕнгӕйӕ нӕ нысан цы у?
6 Мах уый тыххӕй нӕ хъусын кӕнӕм, цӕмӕй искӕуыл ныхасӕй фӕтых уӕм кӕнӕ ӕрмӕст цыдӕртӕ радзурӕм. Фӕнды нӕ, цӕмӕй адӕмимӕ Фыстадӕй ныхас кӕнӕм. Ацы чиныгӕй куы пайда кӕнӕм, уӕд бӕрӕг уыдзӕн, иннӕты куыд ахуыр кӕнӕм, уымӕ нӕ хъус кӕй дарӕм (1 Тим. 4:16).