Сахуыр у ныхас кӕнын
1 «Ныхас кӕнын» у «раст хъуыды кӕнын, раст хатдзӕгтӕ кӕнын». Цӕмӕй лӕггаддзинады ӕнтыстджын уӕм, уый тыххӕй хъуамӕ зонӕм ныхас кӕнын, уацамынды кӕуыл ӕмбӕлӕм, уыдонимӕ (Ап. к. 17:2—4, НД). Куыд?
2 Райдай хъуыды кӕнынӕй. Библийы ӕцӕгӕдтӕ ахуыргӕнгӕйӕ хорз уаид ӕрмӕгыл хъуыды кӕнын. Исты дзы куы нӕ бамбарай, уӕд рӕстӕг ссар, цӕмӕй йӕ раиртасай ӕмӕ дзуаппытыл ахъуыды кӕнай. Архай, цӕмӕй хорз бамбарай, ӕрмӕст ӕрмӕг куыд цӕуы ӕмбӕрстгонд уый нӕ, фӕлӕ ма Библийы стихтӕ уыцы ӕрмӕг куыд ӕмбарын кӕнынц, уый дӕр.
3 Цӕттӕ кӕн уацамындмӕ. Ахъуыды кӕн, алыхуызон адӕмимӕ куыд ныхас кӕндзынӕ, ууыл. Цӕмӕй искӕй бацымыдис кӕнай, уый тыххӕй сӕм ратт, хъуыды кӕнынмӕ сӕ чи сразӕнгард кӕна, ахӕм фарст. Сбӕлвырд кӕн, куыд ӕй ис библион стихимӕ сбӕттӕн ӕмӕ йыл куыд ис ахъуыдыгӕнӕн. Ахъуыды кӕн, дӕ ныхмӕ цы зӕгъдзысты ӕмӕ сын дзуапп куыд ратдзынӕ, ууыл дӕр. Цы публикаци дӕттай, уым ссар ахӕм бынат, цыран цӕуыл дзурай, уый хорз ӕмбӕрстгонд цӕуа.
4 Йесойы фӕзм. Фыстады руаджы куыд ис ныхасгӕнӕн, уымӕн Йесо ныууагъта диссаджы цӕвиттон. Ахъуыды кӕн, куыд ахуыр кодта, ууыл; равзар Лукайы 10:25—37-ӕм стихты фыст цау. Цӕуыл нӕ ахуыр кӕны: 1) адӕмы фарстытӕн дзуапп куы дӕттай, уӕд пайда кӕн Библийӕ; 2) разӕнгард сӕ кӕн сӕ хъуыдытӕ дзурынмӕ ӕмӕ сӕ ӕппӕл сӕ хорз дзуаппыты тыххӕй; 3) бацархай, цӕмӕй сӕйраджыдӕр дзурат, фарст ӕмӕ Фыстады ’хсӕн цы бастдзинад ис, ууыл; 4) зӕрдӕмӕ чи бахъара, ахӕм цӕвиттон ӕрхӕсс, цӕмӕй сбӕлвырд кӕнай, адӕймаг дзуаппы нысаниуӕг бамбӕрста ӕви нӕ, уый. (Кӕс «Хъахъхъӕнӕг мӕсыг», 1986 аз 1 август, 18, 19 фӕрстӕ, 8—10 абзацтӕ, уырыссаг.)
5 Пайда кӕн, цы кусӕнгарз нӕм ис, уымӕй. Брошюрӕ «Куыд райдайӕм ӕмӕ куыд адарддӕр кӕнӕм нӕ ныхас» (уырыс.) мыхуыры рацыд куыд ӕххуысгӕнӕн ӕрмӕг уацамындӕн. Хуыздӕр ныхас кӕнынӕн нын баххуыс кӕндзӕн, ныхас куыд ис райдайӕн ӕмӕ нӕ ныхмӕ куы дзурой, уӕд сын цы ис зӕгъӕн, уый. Ацы брошюрӕ хорз фӕрӕз у ӕмӕ йӕ немӕ уацамындмӕ хӕссӕм ӕмӕ дзы пайда кӕнӕм, ныхас куыд ис райдайӕн ӕмӕ нӕ ныхмӕ куы дзурой, уӕд сын цы ис зӕгъӕн, уый тыххӕй дзы цы ӕрмӕг ис, уымӕй дӕр.
6 Ныхас кӕнын куы сахуыр уай, уӕд ӕнтыстджын уыдзынӕ уацамынды ӕмӕ ма искӕй дӕр сахуыр кӕндзынӕ. Уый ӕрхӕсдзӕн стыр арфӕдзинад дӕуӕн дӕр ӕмӕ ма уацамынды кӕуыл ӕмбӕлай, уыдонӕн дӕр.