Хъусын кӕй кӕнӕм, уый фӕрцы нӕ уырнындзинад у фидар
1. Хъусын кӕй кӕнӕм, уый нын цы пайда у?
1 Ӕппӕт хъарутӕй куы хъусын кӕнӕм, уӕд нӕ уырнындзинад фидардӕр кӕндзӕн ӕмӕ нӕ циныл цин ӕфтдзӕн. Кӕй зӕгъын ӕй хъӕуы, фыццаджыдӕр хорз хабар уый тыххӕй хъусын кӕнӕм, цӕмӕй Йегъовӕйы зӕрдӕ рухс кӕнӕм. Йегъовӕйы фӕдзӕхст, «хъусын кӕн дзырд», зӕгъгӕ, куы ӕххӕст кӕнӕм, уӕд нын арфӕ кӕндзӕн ӕмӕ ма ӕндӕр хъуыддӕгты дӕр ӕнтыстджын уыдзыстӕм (2 Тим. 4:2; Ис. 48:17, 18). Хъусын кӕныны фӕрцы нӕ уырнындзинад фидардӕр куыд кӕндзӕн ӕмӕ амондджындӕр куыд уыдзыстӕм?
2. Хъусын кӕй кӕнӕм, уый нӕ куыд фидар кӕны?
2 Арфӕгонд стӕм ӕмӕ нӕ уырнындзинад у фидар. Хъусын кӕй кӕнӕм, уый фӕрцы нӕ зындзинӕдтыл ӕгӕр нӕ фӕтыхсӕм, фӕлӕ Хуыцауы Падддзахад цы ӕрхӕсдзӕн, уымӕ не ’ргом саразӕм (2 Кор. 4:18). Библийы ахуырӕдтӕ иннӕтӕн кӕй ӕмбарын кӕнӕм, уый фӕрцы тынгдӕр феууӕндӕм, Йегъовӕ нын ныфс цӕмӕй ӕвӕры, ууыл, ӕмӕ рӕстдзинад кӕй зонӕм, уымӕн ноджы стырдӕр аргъ кӕнӕм (Ис. 65:13, 14). Иннӕтӕн куы ’ххуыс кӕнӕм, цӕмӕй Йегъовӕмӕ ӕнгомдӕр кӕной ӕмӕ ацы дунейӕ ма уой, уӕд ацы дунейӕ нӕхӕдӕг дӕр дард лӕудзыстӕм (Иоан. 17:14, 16; Ром. 12:2).
3. Хъусын кӕй кӕнӕм, уый фӕрцы нӕм цавӕр миниуджытӕ фӕзыны?
3 Кӕй хъусын кӕнӕм, уый нын ӕххуыс кӕны, цӕмӕй нӕ удыхъӕды чырыстон миниуджытӕ фидар кӕнӕм. Зӕгъӕм, алыхуызон адӕмы зӕрдӕтӕм фӕндаг ссарыныл кӕй архайӕм, уый руаджы ахуыр кӕнӕм, цӕмӕй сӕрныллӕгдӕр уӕм (1 Кор. 9:19–23). «Ӕнӕфыййау фыстау, ӕфхӕрд ӕмӕ дзӕгъӕл» чи у, ахӕм адӕмимӕ ныхас кӕнгӕйӕ ахуыр кӕнӕм иннӕты ӕмбарыныл ӕмӕ сын тӕригъӕд кӕныныл (Матф. 9:36). Куы нӕ нӕм фӕхъусынц кӕнӕ нӕ ныхмӕ куы фӕцӕуынц, уӕд та ахуыр кӕнӕм бирӕфӕразондзинадыл. Иннӕтӕн ӕххуыс кӕныны тыххӕй нӕхиуыл кӕй нӕ ауӕрдӕм, уый нын стыр цины хос у (Ап. хъ. 20:35).
4. Хъусын кӕныны хъуыддагмӕ цы цӕстӕй кӕсыс?
4 Цы стыр кад у иунӕг ӕцӕг Хуыцауы ном кадджын кӕнын! Хъусын кӕныны хъуыддаг нӕ фидар кӕны. «Хуыцауы стыр хорзӕхы тыххӕй хорз хабар адӕмӕн бӕстон хъусын кӕныныл» ӕппӕт хъарутӕй чи архайы, уыдон хайджын сты стыр арфӕдзинӕдтӕй (Ап. хъ. 20:24).