Хорз кӕсын чи нӕ зоны, уыдонӕн ӕххуыс кӕнӕм
1. Хъусын кӕнгӕйӕ цавӕр зындзинадыл сӕмбӕлӕм?
1 Куы фӕхъусын кӕнӕм, уӕд иуӕй-иу хатт сӕмбӕлӕм, хорз кӕсын чи нӕ зоны, ахӕм адӕмыл ӕмӕ нын зын вӕййы семӕ Библи ахуыр кӕнын. Ахӕм уавӕры цы ис саразӕн?
2. Хорз чи нӕ кӕсы, уыдонӕн цӕмӕн хъуамӕ аргъ кӕнӕм ӕмӕ уый цӕмӕй бӕрӕг уыдзӕн?
2 Аргъ сын кӕнӕм. Йегъовӕ нӕ кӕсы, адӕймаг ахуыргонд у ӕви нӕ, уымӕ, фӕлӕ йын кӕсы йӕ зӕрдӕмӕ (1 Сам. 16:7; Ӕмб. 21:2). Уымӕ гӕсгӕ мах дӕр уӕлейӕ дӕлӕмӕ нӕ кӕсӕм, ахуыргонд чи нӕу, уыдонмӕ. Куы сын аргъ кӕнӕм ӕмӕ семӕ фӕразон куы уӕм, уӕд Хуыцауы Ныхас зӕрдиагдӕрӕй ахуыр кӕндзысты (1 Пет. 3:15). Стӕй ахӕм адӕймагӕн йӕхицӕн нӕ кӕсын кӕндзыстӕм стих кӕнӕ абзац. Библийӕ цас фылдӕр базона, уыйас ӕй тынгдӕр фӕнддзӕн, цӕмӕй хорз кӕсын сахуыр уа ӕмӕ йын ӕхсызгон уа Хуыцауы Ныхас «ӕхсӕвӕй-бонӕй лӕмбынӕг кӕсын» (Пс. 1:2, 3).
3. Хорз чи нӕ кӕсы, уыдонӕн нӕ бон куыд у баххуыс кӕнын?
3 Алыхуызон мадзӕлттӕй пайда кӕнӕм. Нӕ бон у адӕймаджы нывты фӕрцы ахуыр кӕнын ӕмӕ йын баххуыс кӕнын, цы базыдта, уый бахъуыды кӕнынӕн. Дӕ бон ӕй у бафӕрсын, нывы цы уыныс, зӕгъгӕ. Уый фӕстӕ йӕм бӕлвырд фарстатӕ ратт, цӕмӕй бамбара, нывӕй цӕуыл ахуыр кӕны, уый. Нывы цы хъуыды ис, уый фӕбӕлвырддӕр кӕнынӕн Библийӕ хъӕугӕ стих бакӕс. Нывты фӕрцы ма дӕ бон у ӕрмӕг йӕ зӕрдыл ӕрлӕууын кӕнын дӕр. Иу хаттӕн бирӕ ӕрмӕг ма ӕвзар. Йӕ хъус-иу ын ӕрдар, цӕуыл ныхас кӕнут ӕмӕ дзы цы сӕйраг хъуыдытӕ ис, уыдонмӕ, фӕлӕ ӕрмӕгмӕ цы нӕ хауы, ууыл-иу ма ныхас кӕн. Стихтӕ-иу комкоммӕ Библийӕ бакӕс ӕмӕ йӕм ахӕм фарстатӕ ратт, цӕмӕй базонай, бамбӕрста сӕ ӕви нӕ. Уый фӕрцы йӕ бафӕнддзӕн, цӕмӕй хорз кӕсын сахуыр уа ӕмӕ йӕхӕдӕг Библи иртаса.
4. Кӕимӕ ахуыр кӕнӕм, уыдонӕн нӕ бон куыд у баххуыс кӕнын, цӕмӕй хорз кӕсын сахуыр уой?
4 Адӕмы хорз кӕсын куыд сахуыр кӕнӕм? Хорз кӕсынмӕ чи нӕ арӕхсы кӕнӕ рӕвдз кӕсын сахуыр кӕныны фадат кӕмӕн нӕ уыд, уыдонӕн сӕ бон вӕййы ӕрмӕг хорз ӕмбарын ӕмӕ йӕ бахъуыды кӕнын. Ахӕм адӕмы баразӕнгард кӕн, цӕмӕй нӕ организацийы дисктӕ ӕмӕ кассетӕтӕм хъусой. Хъусгӕ-хъусын чиныг кӕнӕ журналмӕ куы кӕсой ӕмӕ ныхӕстӕ йӕ фӕстӕ куы дзурой, уӕд хуыздӕр кӕсын ахуыр кӕндзысты. Иуӕй-иу рӕтты хистӕр нӕлгоймӕгтӕн сӕ бон у ӕмбырды ахӕм кълӕстӕ саразын, цӕмӕй адӕмы хуыздӕр кӕсын ахуыр кӕной. Ацы уынаффӕты фӕрцы нӕ бон у баххуыс кӕнын, ӕвзӕр чи кӕсы, уыдонӕн, цӕмӕй сӕ бон уа «сыгъдӕг Фыстытӕ» ӕмбарын ӕмӕ уый фӕрцы аирвӕзын (2 Тим. 3:15).