Хуымӕтӕгӕй ахуыр кӕн
1. Цӕмӕй адӕм Хуыцауы Ныхас хорз ӕмбарой, уый тыххӕй ахсджиаг цы у?
1 Цӕмӕй адӕм Хуыцауы Ныхас хорз ӕмбарой, уый тыххӕй тынг ахсджиаг у хуымӕтӕг ӕвзагӕй амонын. Ӕппӕты хуыздӕр Ахуыргӕнӕг Чырысти адӕмы куыд ахуыр кодта, уымӕ куы ’ркӕсӕм, уӕд мах дӕр ноджы «арӕхстджындӕрӕй ахуыр кӕндзыстӕм» (2 Тим. 4:2; Иоан. 13:13).
2. Хуымӕтӕг ӕвзагӕй амонынмӕ цы хауы, ӕмӕ хуымӕтӕгӕй амонын хорз цӕмӕн у?
2 Хуымӕтӕгӕй дзур. Йесо хохыл кӕй дзырдта, уыцы зындгонд ныхӕсты ис арф хъуыдытӕ, фӕлӕ сты ӕнцонӕмбарӕн (Матф. 5–7 сӕртӕ). Чырыстимӕ чи хъуыста, уыдон «дисӕй мардысты, куыд сӕ ахуыр кодта, ууыл». Цы хъахъхъӕнджытӕ йӕ хъуамӕ ӕрцахстаиккой, уыдон дӕр загътой: «Уыцы адӕймаг куыд дзуры, афтӕ никуыма ничи дзырдта» (Матф. 7:28, 29; Иоан. 7:46). Цӕмӕй адӕймаг нӕ ныхӕстыл баууӕнда, уый тыххӕй хъуамӕ хуымӕтӕгӕй дзурӕм ӕмӕ бирӕ лыстӕгдзинӕдтӕ кӕм ис, ахӕм цӕвиттонтӕ ма хӕссӕм. Рӕстдзинад бӕстон бамбарын кӕнӕн ис хуымӕтӕг ныхӕстӕй.
3. Иуӕй-иутӕ адӕймагӕн ӕгӕр бирӕ цыдӕртӕ цӕмӕн фӕдзурынц, ӕмӕ уымӕй нӕхи куыд бахизӕм?
3 Иу хаттӕн цас ӕрмӕг хъӕуы ӕвзарын? Чырысти зыдта, чи йӕм хъуыста, уыдонӕн иу хаттӕн сӕ бон цас уыди бамбарын, уый ӕмӕ уымӕй фылдӕр нӕ дзырдта (Иоан. 16:12). Уӕдӕ мах дӕр хъуамӕ лӕмбынӕг ӕмӕ ӕмбаргӕ уӕм, уӕлдайдӕр нӕ хиуӕттимӕ, ахуыр кӕнын ӕрӕджы чи райдыдта, уыдонимӕ кӕнӕ сывӕллӕттимӕ куы ныхас кӕнӕм, уӕд. Адӕймагӕн ӕгӕр бирӕ цыдӕртӕ дзурын нӕ хъӕуы, лӕмбынӕг нӕм куы хъуса, уӕддӕр. Сыгъдӕгзӕрдӕ адӕмӕн сӕ бон уыдзӕн дарддӕр дӕр Йегъовӕ Хуыцауы тыххӕй фылдӕр базонын (Иоан. 17:3; 1 Кор. 3:6).
4. Сӕйраг хъуыдытыл ныхас кӕнын ахсджиаг цӕмӕн у?
4 Сӕйраг хъуыдытыл ныхас кӕн. Йесо Чырысти адӕмы куы ахуыр кодта, уӕд сын алцыдӕр лыстӕг хабӕртты онг нӕ дзырдта. Афтӕ куы загъта, «ингӕнты чидӕриддӕр ис, уыдон ын фехъусдзысты йӕ хъӕлӕс, ӕмӕ рацӕудзысты», зӕгъгӕ, уӕд сын нӕ загъта, цӕрынӕн райгас уыдзысты ӕви тӕрхон баййафынӕн (Иоан. 5:28, 29). Искӕимӕ Библи куы ахуыр кӕнӕм, уӕд ын йе ’ргом здахӕм сӕйраг хъуыдытӕм, ӕмӕ ӕрмӕгмӕ цы нӕ хауы, уый ма дзурӕм.
5. Хуымӕтӕгӕй куы амонӕм, уӕд куыд арфӕгонд уыдзыстӕм?
5 Мах бузныг стӕм Йегъовӕйӕ, цы хъуамӕ зонӕм, уыдӕттӕ нын хуымӕтӕгӕй кӕй амоны, уый тыххӕй! (Матф. 11:25). Цӕй уӕдӕ мах дӕр иннӕты афтӕ хуымӕтӕгӕй ахуыр кӕнӕм, ӕмӕ нын уӕд фылдӕр ӕнтысдзӕн ӕмӕ зӕрдӕрухс уыдзыстӕм.