Киноныв «Библия. Сила, изменяющая нашу жизнь»
Милуангай адӕймӕгтӕн Библи баххуыс кодта сӕ цард хуыздӕрырдӕм аивынӕн. Абоны зын рӕстӕджы нын Библийӕ цавӕр уагӕвӕрдтӕ ӕххуыс кӕнынц? Ацы фарстайӕн дзуапп базондзынӕ, кинонывмӕ «Библия. Сила, изменяющая нашу жизнь» куы бакӕсай, уӕд. Ацы киноныв ис дискыл «Библия – книга фактов и пророчеств» ӕмӕ у, цы ’ртӕ кинонывы дзы ис, уыдонӕй дыккаг. Дӕ хорзӕхӕй, кинонывмӕ бакӕс ӕмӕ дзуапп ратт, дӕлдӕр цы фарстатӕ ис, уыдонӕн:
1) Библи ӕрмӕст хорз чиныг схонӕн цӕуылнӕ ис? (Дзут. 4:12). 2) Кӕд Библийӕн йӕ бон у адӕмы цард фӕхуыздӕр кӕнын, уӕд уыйбӕрц зындзинӕдтӕ цӕмӕн ӕвзарынц? 3) Библийы сӕйраг темӕ цы у? 4) Кинонывы цы бинонты ӕвдисынц, уыдонӕн цавӕр стихтӕ баххуыс кодтой, цӕмӕй сахуыр уыдаиккой а) кӕрӕдзи ӕмбарын ӕмӕ ӕ) сӕхиуыл хӕцын? 5) Лӕг ӕмӕ ус чырыстон уагӕвӕрдтӕм гӕсгӕ куы архайой, уӕд уый сӕ цардыл хуыздӕрырдӕм куыд фӕзындзӕн? (Еф. 5:28, 29). 6) Йегъовӕ ныййарджытӕн фӕзминаг цӕмӕй у? (Марчы 1:9–11). 7) Ныййарджытӕн сӕ бон цы у саразын, цӕмӕй Библийы ахуыр бинонтӕн се ’ппӕтӕн дӕр циндзинад хӕсса? 8) Ныййарджытӕ сӕ сывӕллӕттимӕ Библи кӕй ахуыр кӕнынц, уымӕй дарддӕр ма сын сӕ бон цавӕр хъуыддаджы у баххуыс кӕнын? 9) Мӕгуыр бӕстӕты чи цӕры, уыцы бинонтӕн Библийы уынаффӕтӕ куыд ӕххуыс кӕнынц, цӕмӕй сӕхицӕн къӕбӕры фаг кусой? 10) Библи сыгъдӕгдзинад, наркотиктӕ, фырнозт ӕмӕ стрессы тыххӕй цы дзуры, ӕмӕ уыцы уынаффӕтӕ ӕнӕниздзинад фӕхуыздӕр кӕнынӕн куыд ӕххуыс кӕнынц? 11) Библийӕ нын кӕцы стихтӕ сты ныфсы хос? (Иов 33:25; Пс. 145:16). 12) Библийы ахуырӕдты руаджы дӕ цард куыд фӕхуыздӕр? 13) Ацы кинонывы фӕрцы иннӕтӕн куыд баххуыс кӕнӕн ис?