Хъахъхъӕн де ’фсарм

1. 2013 лӕггады азы иубонон конгресс цы хуыйны ӕмӕ йӕ нысан цы у?

¹ Алы бон дӕр ахӕм уавӕрты бахауӕм, ӕмӕ не ’фсармӕн фӕчъизи кӕнынӕй тӕссаг вӕййы. Раст уый тыххӕй 2013 лӕггады азы иубонон конгресс хуыйны «Хъахъхъӕн де ’фсарм» (1 Тим. 1:19). Конгресстӕ райдайдзысты 2012 азы 1 сентябрӕй. Ацы конгрессы программӕ махӕй алкӕмӕн дӕр баххуыс кӕндзӕн, цӕмӕй лӕмбынӕг ахъуыды кӕнӕм, не Сфӕлдисӕг нын цы диссаджы лӕвар скодта, ууыл – не ’фсармыл.

2. Конгрессы цавӕр ахсджиаг фарстатӕн базондзыстӕм дзуапп?

² Дзырд дзы цӕуыл цӕудзӕн. Ацы конгрессы дзуапп базондзыстӕм авд ахсджиаг фарстайӕн ӕфсармы тыххӕй:

• Не ’фсармӕн тӕссаг цӕмӕй у?

• Не ’фсарм куыд ахуыр кӕнӕм?

• Ӕппӕт адӕмы тугӕй дӕр сыгъдӕг кӕд уыдзыстӕм?

• Нӕ хъуыдытӕ ӕмӕ нӕ хъуыддӕгтӕ Библийы уагӕвӕрдтӕм гӕсгӕ куы уой, уӕд уый цӕуыл дзурӕг уыдзӕн?

• Цы ис аразӕн, цӕмӕй ӕфсармимӕ баст хъуыддӕгты иннӕтӕн къуылымпыйы хос ма уӕм?

• Ӕрыгӕттӕ, куы уӕ рӕдийын кӕной, уӕд уӕ бон куыд у фидар фӕлӕууын?

• Йе ’фсарм Библимӕ гӕсгӕ чи ахуыр кӕны ӕмӕ йӕм чи хъусы, уыдон цавӕр арфӕдзинӕдтӕй сты хайджын?

3. Ацы конгресс нын цы пайда уыдзӕн?

³ Сайтан архайы, цӕмӕй не ’фсармы сӕрты ахизӕм, фӕлӕ Йегъовӕйы фӕрцы нӕ бон у йӕ ныхмӕ фидар фӕлӕууын. Нӕ уарзӕгой уӕларвон Фыд нын йӕ Ныхас ӕмӕ йӕ организацийы уылты дзуры: «Мӕнӕ фӕндаг. Цӕут ацы фӕндагыл» (Ис. 30:21). Ацы конгрессы дӕр нын Йегъовӕ дӕтты ахӕм разамынд. Уымӕ гӕсгӕ бацархайӕм, цӕмӕй программӕйӕ иу хай дӕр ма фӕцух кӕнӕм. Лӕмбынӕг-иу хъусӕм ӕмӕ хъуыды кӕнӕм, цы фехъусӕм, уымӕй нӕ царды куыд спайда кӕнӕм, ууыл. Конгрессы цы базонӕм, ууыл-иу нӕ бинонтимӕ аныхас кӕнӕм. Цы уынаффӕтӕ фехъусӕм, уыдонмӕ гӕсгӕ куы цӕрӕм, уӕд нӕ тынгдӕр фӕнддзӕн, цӕмӕй нӕ «цӕсгом сыгъдӕг уа» ӕмӕ нӕхи хизӕм Сайтаны дунейы рӕстӕгмӕйы ирхӕфсӕнтӕй (1 Пет. 3:16).