Ныфсджындӕр у: рӕстӕг дын куы нӕ уа
1. Иуӕй-иутӕ адӕмӕн Библи ахуыр кӕныны тыххӕй цӕуылнӕ фӕзӕгъынц?
1 Иуӕй-иутӕ адӕймагӕн Библи ахуыр кӕныны тыххӕй нӕ фӕзӕгъынц, кӕй сӕ нӕ февдӕлы, уый тыххӕй. Цӕмӕй адӕймагӕн рӕстдзинады фӕндагыл слӕууынӕн баххуыс кӕнай, уый тыххӕй хъӕуы рӕстӕг. Рӕстӕг фӕхъӕуы ахуырмӕ бацӕттӕ кӕнынӕн, йӕ ауадзынӕн, стӕй ахуыргӕнинагӕн ӕххуыс кӕнынӕн, цӕмӕй йӕ зындзинӕдты сӕрты хиза. Апостол Павел загъта, йӕ уд раттынмӕ дӕр цӕттӕ кӕй уыд, цӕмӕй Фессалоникӕйы цӕрджытӕн баххуыс кодтаид Йегъовӕйы базонынӕн (1 Фес. 2:7, 8). Нӕ бон цы у аразын, цӕмӕй искӕимӕ Библи ахуыр кӕнӕм, рӕстӕг нын куы нӕ уа, уӕддӕр?
2. Йегъовӕйы кӕй уарзӕм, уый куыд ӕндавы, нӕ рӕстӕгӕй куыд пайда кӕнӕм, ууыл?
2 Йегъовӕйӕн лӕггад кӕнынӕн хъӕуы рӕстӕг. Цӕмӕй Йегъовӕйӕн лӕггад кӕнӕм, уый тыххӕй хъӕуы рӕстӕг. Зӕгъӕм, рӕстӕг ссарӕм ӕмбырдтӕм цӕуынӕн, хъусын кӕнынӕн, Библи кӕсынӕн ӕмӕ кувынӕн. Адӕймаг, цыфӕнды ӕнӕвдӕлонӕй дӕр, йӕ цардӕмбалӕн рӕстӕг ӕхсызгонӕй ссары. Уӕдӕ мах, Йегъовӕйы кӕй уарзӕм, уый тыххӕй цас зӕрдиагдӕрӕй хъуамӕ «ӕлхӕнӕм» рӕстӕг ацы хъуыддӕгтӕн! (Еф. 5:15–17; 1 Иоан. 5:3). Йесойы ныхӕстӕм гӕсгӕ, ахуыргӕнинӕгтӕ цӕттӕ кӕныны хъуыддаг у нӕ лӕггады ахсджиаг хай (Матф. 28:19, 20). Йӕ ныхӕстыл ын куы хъуыды кӕнӕм, уӕд адӕмимӕ Библи ахуыр кӕнынӕн цыфӕндыйӕ дӕр рӕстӕг ардзыстӕм.
3. Нӕ уавӕртӕ нӕ куы нӕ амоной, уӕддӕр нӕ бон цы у аразын, цӕмӕй искӕимӕ Библи ахуыр кӕнӕм?
3 Фӕлӕ нын куыстыл бирӕ рӕстӕг куы цӕуа кӕнӕ рынчын куы уӕм, йе та нын ӕмбырды бирӕ хӕстӕ куы уа, уӕд та? Иуӕй-иу хъусынгӕнджытӕн ахӕм фадат ис, цӕмӕй Библийы ахуыр уадзой телефонӕй кӕнӕ компьютерӕй. Йӕ низы тыххӕй хӕдзарӕй йӕ бон рацӕуын кӕмӕн нӕу, уыцы хъусынгӕнджытӕ сӕ ахуыргӕнинӕгтимӕ баныхас кӕнынц, цӕмӕй сӕм хӕдзармӕ цӕуой. Чидӕртӕ та ӕндӕр хъусынгӕнджытимӕ баныхас кӕнынц, цӕмӕй-иу, куы бахъӕуа, уӕд сӕ бӕсты Библийы ахуыр ауадзой.
4. Искӕимӕ Библи куы ахуыр кӕнӕм, уӕд цавӕр арфӕдзинӕдтӕй уыдзыстӕм хайджын?
4 Павелӕн стыр цины хос уыд, йӕ рӕстӕг ӕмӕ йӕ тыхтӕ иннӕтӕн кӕй не ’вгъау кодта, цӕмӕй рӕстдзинад базыдтаиккой (Хъуыд. 20:35). Фессалоникӕйы рӕстдзинад базонынӕн кӕмӕн баххуыс кодта, уыдоныл куы хъуыды кодта, уӕд Йегъовӕйӕн бузныг дзырдта (1 Фес. 1:2). Рӕстӕг нын куы нӕ уа, фӕлӕ адӕмимӕ Библи ахуыр кӕныныл куы архайӕм, уӕд нын нӕ лӕггад стырдӕр циндзинад ӕмӕ удӕнцой хӕсдзӕн.