Хъусинӕгты фӕйнӕгмӕ бакӕсын дӕ нӕ ферох вӕййы?
Хистӕр нӕлгоймӕгтӕ, кӕстӕриуӕггӕнӕг ӕфсымӕртӕ ӕмӕ ма ӕмбырды цавӕрдӕр хӕстӕ кӕуыл ис, уыдон ӕдзухдӕр хъусинӕгты фӕйнӕгмӕ бакӕсынц, цӕмӕй базоной, хӕслӕвӕрд сын кӕд уыдзӕн, уый. Фӕлӕ ма дзы вӕййы, ӕмбырды алкӕмӕдӕр чи хауы, ахӕм информаци дӕр. Зоныс, дӕ къорд Паддзахады зал кӕд ӕфснайдзӕн, уый? Мыййаг уе ’мбырд цӕуӕг цӕстдарӕгӕй кӕнӕ филиалӕй писмо райста? Зоныс ӕй, ацы къуыри уын цы раныхас уыдзӕн, уый куыд хуыйны, цӕмӕй йӕм дӕ бон уа, Библи кӕимӕ ахуыр кӕныс, уый фӕхонын? Мыййаг, уе ’мбырды кӕнӕ уӕ уацамындон къорды график фӕивта? Хъусинӕгтӕн сӕ фылдӕр ӕмбырды нал хъусын кӕнынц, стӕй хистӕр нӕлгоймӕгтӕн дӕр сӕ бон нӕу, цӕмӕй сӕ алы хъусынгӕнӕгӕн дӕр хицӕнӕй фехъусын кӕной. Уымӕ гӕсгӕ-иу нӕ хъуамӕ рох ма уа хъусинӕгты фӕйнӕгмӕ бакӕсын. Алы хатт дӕр хъусинӕгты фӕйнӕгмӕ куы кӕсӕм, уӕд нӕм алцыдӕр уыдзӕн «уаг ӕмӕ ӕгъдауыл» (1 Кор. 14:40).