Ӕмбырды ног фембӕлды программӕ
1, 2. Цы фӕивдзӕн нӕ фембӕлдты 2009 азы январӕй?
1 2008 азы 21 апрелӕй райдайгӕ къуыри нӕ хотӕ ӕмӕ не ’фсымӕртӕ ӕппӕт зӕххы къорийыл фехъуыстой диссаджы хабар: «2009 азы 1 январӕй фӕстӕмӕ ӕмбырды чиныгахуыр уыдзӕн Хъусынгӕнджыты скъола ӕмӕ Хъусын кӕныны фембӕлдимӕ иумӕ. Ацы фембӕлд „ӕмбырды чиныгахуыр“ нал хуындзӕн, фӕлӕ „Библийы ахуыр ӕмбырдимӕ“».
2 Ног фембӕлды программӕ. Ацы фембӕлд зарджытӕ ӕмӕ куывдимӕ цӕудзӕн 1 сахат ӕмӕ 45 минуты. Ӕмбырд райдайдзӕн зарӕг ӕмӕ куывдӕй (5 мин.), стӕй уыдзӕн Библийы ахуыр ӕмбырдимӕ (25 мин.). Уый фӕстӕ Хъусынгӕнджыты скъола (30 мин.). Скъолайы фӕстӕ уыдзӕн зарӕг (5 мин.) ӕмӕ зарӕджы фӕстӕ райдайдзӕн Хъусын кӕныны фембӕлд (35 мин.). Ӕмбырд фӕуыдзӕн зарӕг ӕмӕ куывдӕй (5 мин.). Цӕмӕй ацы фембӕлдтӕм нӕхи цӕттӕ кӕнӕм, уый тыххӕй алы мӕй дӕр «Нӕ хъусын кӕныны хъуыддаджы» мыхуыр кӕндзысты ацы фембӕлдты программӕ.
3. Куыд цӕудзӕн Библийы ахуыр ӕмбырдимӕ?
3 Библийы ахуыр ӕмбырдимӕ. Ацы фембӕлд цӕудзӕн, «Хъахъхъӕнӕн мӕсыг»-ы ахуыр куыд фӕцӕуы, афтӕ. Уый размӕ къуыри дзырд цӕуыл цыд, уый ногӕй зӕрдыл ӕрлӕууын кӕнын ӕнӕмӕнг нӕу. Хуыздӕр уаид фембӕлдӕн цыбыр разныхас скӕнын. Афтӕмӕй фылдӕр хъусынгӕнджытӕн сӕ бон уыдзӕн дзуапп дӕттын. Сӕ дзуаппытӕ хъуамӕ уой цыбыр. Сӕрдариуӕггӕнӕг цӕстдарӕг йӕ хъус дардзӕн, цӕмӕй ацы фембӕлд алы къуыри дӕр ӕндӕр хистӕр нӕлгоймаг уадза.
4. Хъусын кӕныны фембӕлды цы фӕивдзӕн?
4 Хъусын кӕныны фембӕлд. Ацы фембӕлды ницы фӕивдзӕн, ӕрмӕст уыдзӕн цыбырдӕр. Хъусинӕгтӕ уыдзысты 5 минуты бӕрц. Бакӕсдзысты-иу ахсджиагдӕр хъусинӕгтӕ ӕмӕ фыстӕджытӕ филиалӕй. Уацамындон фембӕлдты ӕмӕ ӕхцайы хыгъды тыххӕй, зал чи ӕфснайдзӕн, кӕнӕ филиалӕй арӕх цы писмотӕ вӕййы, уыцы хъусинӕгтӕ нал кӕсдзысты, уыдзысты-иу хъусинӕгты фӕйнӕгыл, цӕмӕй сӕ алкӕмӕндӕр йӕ бон бакӕсын уа. Хӕслӕвӕрд кӕмӕн уа, уый йӕ хъуамӕ амындтӕм гӕсгӕ дзӕбӕх бацӕттӕ кӕна ӕмӕ рӕстӕгӕй ма хиза.
5. Районон цӕстдарӕг ӕмбырд куы бӕрӕг кӕна, уӕд фембӕлдтӕ куыд цӕудзысты?
5 Районон цӕстдарӕг ӕмбырд куы бӕрӕг кӕна. Районон цӕстдарӕджы программӕйы ницы фӕивдзӕн. Дыццӕджы Хъусынгӕнджыты скъола ӕмӕ Хъусын кӕныны фембӕлдтӕ райдайдзысты зарӕгӕй. Уый фӕстӕ районон цӕстдарӕгӕн уыдзӕн раныхас (30 мин.). Библийы ахуыр ӕмбырдимӕ та уыдзӕн ӕндӕр бон, раздӕр куыд уыди, афтӕ. Уыцы фембӕлд дӕр райдайдзӕн зарӕгӕй, уый фӕстӕ уыдзӕн районон цӕстдарӕджы раныхас ӕмӕ фӕуыдзӕн зарӕг ӕмӕ куывдӕй.
6. Къорды цӕстдарӕгӕн йӕ хӕс цы у?
6 Уацамындон фембӕлдтӕ. Къордты цӕстдарджыты нысан кӕндзысты хистӕр нӕлгоймӕгты советтӕ, цӕмӕй къордтӕн уацамынды разамынд дӕттой ӕмӕ алкӕмӕн дӕр ӕххуыс кӕной. Уыцы хӕс кӕстӕриуӕггӕнӕг ӕфсымӕрӕн куы бахӕс кӕной, уӕд уый хуындзӕн «къорды лӕггадгӕнӕг».
7. Ног фембӕлды фӕрцы нӕ къухы цы бафтдзӕн?
7 Нӕ фембӕлдты ахӕм ивддзинӕдтӕ кӕй ӕрцыд, уый фӕрцы нӕ уырнындзинад фидар кӕндзӕн, уыдзыстӕм хуыздӕр хъусынгӕнджытӕ ӕмӕ ахуыргӕнджытӕ, ӕмӕ нын фылдӕр ӕнтысдзӕн (Еф. 4:13, 14; 2 Тим. 3:17).
8. Фембӕлдтӕм нӕхи рагацау куы цӕттӕ кӕнӕм, уӕд уый не ’ппӕтӕн дӕр куыд фӕахъаз уыдзӕн?
8 Фембӕлдтӕм нӕхи рагацау куы цӕттӕ кӕнӕм, уӕд нын алкӕддӕр ӕнцон уыдзӕн сӕйраг хъуыдытӕ нӕ зӕрдыл бадарын. Нӕ бон уыдзӕн нӕ хъуыдытӕ сӕрибарӕй дзурын ӕмӕ кӕрӕдзийы ныфсыл ныфс ӕфтауын (Ром. 1:11, 12; Дзут. 10:24). Мах фӕнды, цӕмӕй нын «не ’нтыстдзинад алчидӕр уына» ӕмӕ нӕ зоной, «ӕцӕгдзинады ныхас раст чи амоны, ахӕм кусджытӕй» (1 Тим. 4:15; 2 Тим. 2:15).
9. Цы кӕнын нӕ фӕнды ӕмӕ цӕмӕн?
9 Махӕн тынг ӕхсызгон у, фембӕлдты ахӕм ивддзинӕдтӕ кӕй ӕрцыд, уый. Цӕй уӕдӕ дарддӕр дӕр «ӕууӕнкджын ӕмӕ зондджын цагъары» разамындмӕ хъусӕм ӕмӕ ӕнгомдӕр кӕнӕм нӕ Фыййаумӕ, уымӕн ӕмӕ нӕ цӕттӕ кӕны, тӕккӕ къӕсӕрыл чи ис, уыцы стыр «бӕллӕхмӕ» (Матф. 24:21, 45; Дзут. 13:20, 21; Рарг. 7:14).