Зӕронд журналтӕ ӕмӕ брошюрӕтӕй пайда кӕн

Зӕронд журналтӕ ӕмӕ брошюрӕтӕ ницы пайда уыдзысты, куы сӕ ӕмбырд кӕнӕм кӕнӕ сӕ куы ӕппарӕм, уымӕ гӕсгӕ сӕ хъуамӕ парахат кӕнӕм. Суанг иу журналы кӕнӕ иу брошюрӕйы фӕрцы дӕр адӕймаг рӕстдзинад базондзӕн ӕмӕ Йегъовӕмӕ йӕ номӕй кувын райдайдзӕн (Ром. 10:13, 14). Куыд сӕ ис парахат кӕнӕн, уый тыххӕй цалдӕр уынаффӕйы.

• Арӕх кӕм нӕ хъусын кӕнынц, ахӕм территорийы хъусын кӕнгӕйӕ хӕдзары кӕй нӕ баййафай, уымӕн ныууадзӕн ис иу номыр, ӕцӕг ӕй афтӕ сӕвӕр, цӕмӕй ӕддӕмӕ ма зына.

• Бирӕ адӕм кӕм вӕййы, уым хъусын кӕнгӕйӕ, зӕгъӕм, остановкӕты ӕмӕ вокзалты, адӕмы бафӕрсӕн ис, бакӕсын сӕ ницы фӕнды, ӕмӕ сын стӕй равдисӕн ис журналтӕ кӕнӕ брошюрӕтӕ, цӕмӕй дзы сӕхицӕн исты равзарой.

• Уе ’мбырды территорийы прачечнитӕ, зӕрӕдты хӕдзӕрттӕ, рынчындӕттӕ кӕнӕ ӕндӕр ахӕм бынӕттӕ куы уа, уӕд дзы ныууадзӕн ис зӕронд номыртӕ. Фӕлӕ хорз уаид, фыццаг уал хицауӕй бар куы ракурис, кӕд йӕ бынаты уа, уӕд. Нӕ публикацитӕ кӕм уа, уым-иу ӕндӕртӕ мауал ныууадз.

• Дыккаг бацыдтӕм цӕттӕ кӕнгӕйӕ-иу ахъуыды кӕн, алы адӕймаджы дӕр цы бацымыдис кӕндзӕн, ууыл. Бинонтӕ йын ис? Ӕндӕр искуыдӕм цӕуын уарзы? Зӕххы куыст кӕнын уарзы? Зӕронд номыртӕм-иу лӕмбынӕг ӕркӕс, ӕмӕ-иу дзы ссар, адӕймаджы зӕрдӕмӕ чи фӕцӕуа, ахӕм статьятӕ ӕмӕ-иу сӕ стӕй ратт.

• Бирӕ рӕстӕг хӕдзары кӕй нӕ баййӕфтай, ахӕм адӕймагыл куы фембӕлай, уӕд-иу ын ратт, уыцы рӕстӕг цы номыртӕ рацыд, уыдонӕй искӕцытӕ.