Хуыцауы Паддзахады тыххӕй хорз хабар хъусын кӕнынӕн алы фадатӕй дӕр пайда кӕн!
1. Давиды цӕвиттонӕй цӕуыл ахуыр кӕнӕм?
1 Паддзах Давид цыфӕнды уавӕрты ма уыдаид, уӕддӕр йӕ ныфс асӕттын никуы бауагъта. Зӕгъӕм, Давиды фӕндыд Йегъовӕйы номыл хӕдзар саразын. Хуыцау ын уый бар куы нӕ радта, уӕд йе ’ргом ӕндӕр цӕмӕдӕр раздӕхта – йӕ фырт Соломонӕн кувӕндон саразынӕн ӕххуыс кӕнын райдыдта (1 Пад. 8:17–19; 1 Аз. 29:3–9). Давидӕн йӕ бон цы нӕ уыд, ууыл нӕ хъуыды кодта, фӕлӕ, йӕ бон цы уыд, ууыл. Нӕ бон куыд у Давиды фӕзмын, хъусын кӕнынӕн фадӕттӕ агургӕйӕ?
2. Нӕ бон цӕуыл у ахъуыды кӕнын?
2 Дӕ бон цы у, уый араз. Бирӕтӕ сӕ цард фӕхуымӕтӕгдӕр кодтой, цӕмӕй сӕ бон суыдаид ӕххуысгӕнӕг кӕнӕ ӕххӕстрӕстӕг пионертӕй лӕггад кӕнын (Матф. 6:22, фип.). Дӕуӕн та дӕ бон у пионерӕй лӕггад кӕнын? Хуыцаумӕ куы скувай ӕмӕ дӕ уавӕртыл куы ахъуыды кӕнай, уӕд фендзынӕ, дӕ разы «лӕггад кӕнынӕн стыр дуар» кӕй байгом. Уыцы фадатӕй-иу ӕнӕмӕнгӕй спайда кӕн! (1 Кор. 16:8, 9).
3. Кӕд нӕ бон пионертӕй лӕггад кӕнын нӕу, уӕддӕр нӕ бон цавӕр фадӕттӕй у пайда кӕнын?
3 Кӕд дӕ уавӕртӕм гӕсгӕ дӕ бон пионерӕй лӕггад кӕнын нӕу, уӕд та? Ма рох кӕн, ӕндӕр фадӕттӕ дӕр дын кӕй ис, уый. Зӕгъӕм, кӕд дӕ куысты ӕнӕуырнӕг адӕмыл сӕмбӕлыс, уӕд уый хорз фадат у хъусын кӕнынӕн. Кӕнӕ кӕд рынчын дӕ ӕмӕ дохтыртӕм фӕцӕуыс, уӕд-иу уыцы фадатӕй дӕр спайда кӕн. Стӕй уый дӕр ма рох кӕн, ӕмӕ, ацӕргӕтӕй кӕнӕ, уӕззау низӕй рынчын чи у, уыдонӕй йӕ бон бирӕ хъусын кӕнын кӕмӕн нӕу, уыдонӕн сӕ бон у сӕ хыгъды 15 минуты дӕр ныффыссын. Мӕйы кӕрон-иу хыгъды ӕнӕмӕнг ныффысс, фадат-иу дын куы фӕзынд, уӕд цас хъусын кодтай ӕмӕ цал публикацийы радтай, стӕй, цал буклеты ӕмӕ Ӕрымысӕн изӕрмӕ ӕмӕ конгресмӕ цал хуынды гӕххӕтты радтай, уый дӕр. Кӕд дӕм афтӕ кӕсы, ӕмӕ цас балӕггад кодтай, уыцы рӕстӕг хыгъды фыссыны аккаг дӕр нӕу, уӕддӕр-иу ӕй ныффысс, ӕмӕ уӕд, чи зоны, дис дӕр бакӕнай, бынтон гыццыл кӕй нӕ балӕггад кодтай, ууыл.
4. Цы дӕ фӕнды аразын?
4 Цыфӕнды уавӕры ма уӕм, уӕддӕр архайӕм, цӕмӕй хорз хабар хъусын кӕнынӕн алы фадатӕй дӕр пайда кӕнӕм. Хъусын кӕныны хъуыддаджы нӕ бон цыдӕриддӕр у, уый куы аразӕм, уӕд нӕ лӕггадӕй райгонд уыдзыстӕм (Мар. 14:8; Лук. 21:2–4).