Иннӕты кӕй фӕрцы ахуыр кӕнӕм, ахӕм кусӕнгӕрзтӕ
1. Хъусынгӕнджытӕ ӕрмгуыстгӕнӕджы хуызӕн цӕмӕй сты?
1 Ӕрмгуыстгӕнӕг фӕпайда кӕны алыхуызон кусӕнгӕрзтӕй. Иуӕй-иутӕ дзы фӕхъӕуынц цавӕрдӕр сӕрмагонд куыстытӕн, иннӕтӕ та – ӕдзухдӕр. Дӕсны ӕрмгуыстгӕнӕгмӕ алкӕддӕр вӕййы сӕйраг кусӕнгӕрзтӕ, ӕмӕ сӕ арӕхстджынӕй фӕпайда кӕны. Библи алы чырыстоны дӕр разӕнгард кӕны, цӕмӕй хъусын кӕныны хъуыддаджы ӕппӕт хъарутӕй архайа, цӕмӕй суа, «йӕ куысты тыххӕй йӕ цӕсгом кӕмӕн нӕ судзы... ахӕм кусӕг» (2 Тим. 2:15). Нӕ кусӕнгӕрзтӕй ӕппӕты сӕйрагдӕр кӕцы у? Уый у Хуыцауы Ныхас – ахуыргӕнинӕгтӕ цӕттӕ кӕнгӕйӕ ӕдзухдӕр кӕмӕй фӕпайда кӕнӕм, уыцы кусӕнгарз (Матф. 28:19, 20). Уӕдӕ хъуамӕ архайӕм, цӕмӕй «рӕстдзинады ныхас раст... амонӕм ӕмӕ йӕ раст... ӕмбарын кӕнӕм». Фӕлӕ ма нӕм ис, арӕх кӕмӕй фӕпайда кӕнӕм, ӕндӕр ахӕм кусӕнгӕрзтӕ дӕр, ӕмӕ уыдонӕй дӕр хъуамӕ сахуыр уӕм арӕхстджынӕй пайда кӕнын, цӕмӕй иннӕтӕн рӕстдзинад амонӕм (Ӕмб. 22:29).
2. Иннӕты кӕй фӕрцы ахуыр кӕнӕм, уыцы сӕйраг кусӕнгӕрзтӕ цы сты?
2 Нӕ сӕйраг кусӕнгӕрзтӕ. Библийӕ уӕлдай ма цавӕр кусӕнгӕрзтӕй хъуамӕ пайда кӕнӕм? Ис нӕм цалдӕр ахӕм кусӕнгарзы. Зӕгъӕм, буклеттӕ «Адӕмимӕ Библи ахуыр кӕнӕм». Нӕ сӕйраг кусӕнгӕрзтӕм ма хауынц иуӕй-иу брошюрӕтӕ. Цӕмӕй адӕймагимӕ Библи ахуыр кӕнын райдайӕм, уый тыххӕй нӕм цы публикацитӕ ис, уыдонӕй иу у брошюрӕ «Хуыцауы Ныхасы цы фыст ис». Уый фӕстӕ адӕймагимӕ фӕахуыр кӕнӕм чиныг «Хуыцауы уарзтӕй дӕхи ӕнӕхай ма фӕкӕн», цӕмӕй сахуыр уа Библийы уагӕвӕрдтӕм гӕсгӕ архайын. Уымӕ гӕсгӕ хъуамӕ сахуыр уӕм уыцы публикацитӕй арӕхстджынӕй пайда кӕнын. Кӕд нӕ территорийы ахӕм адӕм цӕры, ӕмӕ кӕсын хорз нӕ зонынц кӕнӕ, се ’взагыл нӕ публикацитӕ бирӕ йе та ӕппындӕр нӕй, уӕд нӕ бон у пайда кӕнын брошюрӕтӕй «Хуыцаумӕ хъус» ӕмӕ «Хуыцаумӕ хъус, ӕмӕ ӕнустӕм цӕрай». Иннӕ сӕйраг кусӕнгарз та у брошюрӕ «Абон зӕххыл Йегъовӕйы фӕндон чи ӕххӕст кӕны?», ӕмӕ уый фӕрцы, Библи кӕимӕ ахуыр кӕнӕм, уыдонӕн ӕххуыс кӕнӕм, цӕмӕй нӕ организациимӕ базонгӕ уой. Ахуыргӕнинӕгтӕ цӕттӕ кӕнынӕн стыр ӕххуыс сты видеороликтӕ «Библи ахуыр кӕнын цӕмӕн хъӕуы?» ӕмӕ «Паддзахады залы цы вӕййы?», ӕмӕ сӕ хъуамӕ хорз пайда кӕнын сахуыр уӕм.
3. Иннӕ мӕйты «Нӕ хъусын кӕныны хъуыддаджы» цы уынаффӕтӕ уыдзӕн, уыдон нын куыд баххуыс кӕндзысты?
3 Иннӕ мӕйты «Нӕ хъусын кӕныны хъуыддаджы» дзырд цӕудзӕн, нӕ бон куыд у иннӕты ахуыр кӕнгӕйӕ ацы сӕйраг кусӕнгӕрзтӕй ноджы хуыздӕр пайда кӕнын. Ацы уынаффӕтӕм гӕсгӕ куы архайӕм, уӕд афтӕмӕй хъусдзыстӕм, Хуыцау нын цы зӕгъы, уымӕ: «Ӕдзухдӕр дӕхимӕ кӕс, стӕй дӕ хъус дар, иннӕтӕн куыд ӕмӕ цы амоныс, уымӕ. Ацы хъуыддӕгты лӕуд у алкӕддӕр, уымӕн ӕмӕ афтӕмӕй дӕхи дӕр фервӕзын кӕндзынӕ ӕмӕ дӕм чи хъусы, уыдоны дӕр» (1 Тим. 4:16).