Ацы ныхӕстӕ хъуамӕ уой дӕ зӕрдӕйы

Ныййарджыты абарӕн ис фыййӕуттимӕ. Хъуамӕ сӕ сывӕллӕттыл зӕрдиагӕй тыхсой, уымӕн ӕмӕ хатт ӕнцонтӕй адзӕгъӕл вӕййынц, ӕмӕ Хӕйрӕджы амӕттаг бавӕййынц (Ӕмб. 27:23). Ныййарджытӕн сӕ бон куыд у сӕ хӕс ӕххӕст кӕнын? Хъуамӕ-иу алы бон дӕр рӕстӕг ссарой сӕ сывӕллӕттимӕ аныхас кӕнынӕн, цӕмӕй йӕ зоной, сӕ зӕрдӕты ӕмӕ сӕ зонды цы ис, уый (Ӕмб. 20:5). Стӕй цӕмӕй сӕ сывӕллӕтты уырнындзинад фидар кӕной, уый тыххӕй хъуамӕ пайда кӕной, арты чи нӕ судзы, ахӕм ӕрмӕгӕй (1 Кор. 3:10–15). Видеофильмӕй «Эти слова „должны быть в твоем сердце“» зыны, бинонты ахуыр ӕдзухдӕр уадзын ахсджиаг кӕй у, уый. Уӕ бинонтимӕ йӕм иумӕ бакӕсут ӕмӕ уый фӕстӕ дӕлдӕр фыст фарстатыл аныхас кӕнут.

1) Роуманты бинонтӕн иуафон Хуыцауы хъуыддӕгтӕ царды ӕппӕты сӕйрагдӕр цӕуылнӕуал уыдысты? 2) Ӕфсымӕр Томасӕн фыццаг цӕуылнӕ ӕнтыст алы къуыри дӕр бинонты ахуыр уадзын? 3) Ныййарджытӕн Библийы уагӕвӕрдтӕй тынгдӕр кӕцы баххуыс кӕндзӕн сӕ сывӕллӕтты ӕнтыстджынӕй хъомыл кӕнынӕн? (Дык. з. 6:6, 7). 4) Бинонтӕн цы баххуыс кӕндзӕн, цӕмӕй-иу кӕрӕдзиимӕ ноджы зӕрдиагдӕрӕй ӕмӕ ӕргомдӕр ныхас кӕной? 5) Ныййарджытӕ-иу сӕхи цӕмӕй хъуамӕ фӕцух кӕной, цӕмӕй-иу сӕ сывӕллӕттӕн рӕстӕг ссарой? 6) Мартин Бэрроу ӕмӕ йӕ бинойнаг Изабель Роуманты бинонтӕн куыд баххуыс кодтой? (Ӕмб. 27:17). 7) Бинонты хистӕр рагацау цы хъуамӕ араза, цӕмӕй бинонты ахуыр се ’ппӕтӕн дӕр пайда хӕсса? 8) Ӕфсымӕр Томас куыд райдыдта архайын, цӕмӕй йӕ бинонты уавӕр хуыздӕрырдӕм фӕивтаид? 9) Бинонты ахуыр алы къуыри дӕр цӕмӕн хъӕуы уадзын? (Еф. 6:4). 10) Бинонты ахуыр уадзынӕн цавӕр мадзӕлттӕ ис? 11) Раст цы у, уый аразын ахсджиаг кӕй у, уый фӕдыл ӕфсымӕр Томас йӕ фырт Маркусимӕ фӕлмӕнӕй, фӕлӕ фидарӕй куыд ныхас кодта? (Йер. 17:9). 12) Ӕфсымӕр Томас ӕмӕ йӕ бинойнаг сӕ чызг Ребеккӕимӕ куыд аныхас кодтой, цӕмӕй бамбӕрстаид, Джастинимӕ кӕй лымӕн кӕны, уый раст кӕй нӕу? (Мар. 12:30; 2 Тим. 2:22). 13) Ӕфсымӕр Томас ӕмӕ йӕ бинойнаг уырнындзинад куыд равдыстой, сӕ царды цавӕрдӕр ивындзинӕдтӕ кӕнын куы райдыдтой, уӕд? (Матф. 6:33). 14) Бинонты хистӕртӕ сӕ бинонты уырнындзинадыл кӕй хъуамӕ тыхсой, уый ацы видеофильмӕй куыд зыны? (1 Тим. 5:8). 15) Бинонты хистӕртӕ, сымахӕн уӕ фидар фӕнд цы у?

ЗӔРДЫЛДАРИНАГ БИНОНТЫ ХИСТӔРТӔН. Ацы видеофильм арӕзт у, 2011 азы регионалон конгрессы цы драмӕ уыд, ууыл. Мыййаг, уӕд конгрессы драмӕмӕ кӕсгӕйӕ бамбӕрстат, уӕ бинонты ахуыры уӕ цыдӕр фӕхуыздӕр кӕнын кӕй хъӕуы? Уӕ бинонты ахуыры тыххӕй ныр та цы ис зӕгъӕн? Кӕд ма уӕ исты фӕхуыздӕр кӕнын хъӕуы, уӕд, уӕ хорзӕхӕй, Хуыцаумӕ скувут ӕмӕ уын уӕ бинонтӕн ӕнустӕм пайда чи ӕрхӕсдзӕн, ахӕм ивындзинӕдтӕ скӕнут (Еф. 5:15–17).