НӔ ЧЫРЫСТОН ЦАРД
Ма рох кӕнут, ӕфхӕрд чи ӕййафы, уыцы чырыстӕтты тыххӕй кувын
Библийы рагацау фыст ӕрцыд, Хӕйрӕг кӕй архайдзӕн, цӕмӕй нын нӕ лӕггад бакъуылымпы кӕна (Ин 15:20; Рар 12:17). Ӕндӕр бӕстӕты ӕфхӕрд чи ӕййафы, уыцы хотӕ ӕмӕ ’фсымӕртӕн нӕ бон куыд у ӕххуыс кӕнын? Нӕ бон у уыдоны тыххӕй кувын. «Рӕстгӕнӕджы зӕрдиаг куывдӕн стыр тых ис, уымӕн ӕмӕ Хуыцаумӕ фехъуысы» (Иак 5:16).
Фӕлӕ цӕй тыххӕй у нӕ бон кувын? Нӕ бон у Йегъовӕмӕ кувын, цӕмӕй нӕ хотӕ ӕмӕ не ’фсымӕртӕн хъӕбатырдзинад ратта ӕмӕ мацӕмӕй тӕрсой (Ис 41:10–13). Нӕ бон ма у кувын, цӕмӕй хицауад хорз цӕстӕй кӕса хъусын кӕныны хъуыддагмӕ, «цӕмӕй нӕ бон уа нӕхицӕн ӕнцад ӕмӕ сабырӕй цӕрын» (1Тм 2:1, 2).
Павел ӕмӕ Петры фӕдыл куы зылдысты, уӕд фыццаг ӕнусы цӕрӕг чырыстӕттӕ уыдоны тыххӕй номгай куывтой (Хъд 12:5; Ро 15:30, 31). Ӕфхӕрд чи ӕййафы, уыцы хотӕ ӕмӕ ’фсымӕрты нӕмттӕ куы нӕ зонӕм, уӕддӕр нӕ бон у кувын се ’мбырды кӕнӕ бӕстӕйы тыххӕй.