НӔ ЧЫРЫСТОН ЦАРД
«Павел Хуыцауӕн раарфӕ кодта ӕмӕ дзы ныфс бацыд»
Ромы ӕмбырды ӕфсымӕртӕ куы базыдтой, Павел сӕм кӕй ӕрцӕуы, уӕд цалдӕрӕй йӕ размӕ рацыдысты (фӕцыдысты иу-64 километры). Цымӕ Павел уымӕ цы цӕстӕй ракаст? «Павел сӕ куы федта, уӕд Хуыцауӕн раарфӕ кодта ӕмӕ дзы ныфс бацыд» (Хъд 28:15). Павел-иу цы ӕмбырдтӕ бӕрӕг кодта, уыдон-иу бафидар кодта, фӕлӕ йын ацы хатт йӕхи хъуыди бафидар кӕнын, ахст кӕй уыди, уый тыххӕй (2Кр 13:10).
Абон дӕр районон цӕстдарджытӕ ӕмбырдтӕ фӕбӕрӕг кӕнынц, цӕмӕй хотӕ ӕмӕ ’фсымӕрты фидар кӕной. Иннӕ хотӕ ӕмӕ ’фсымӕртау уыдон дӕр хатт бафӕллайынц, цӕуылдӕр фӕмӕт кӕнынц ӕмӕ сӕ ныфс дӕр асӕтты. Иннӕ хатт уын районон цӕстдарӕг йӕ бинойнагимӕ уе ’мбырд куы бӕрӕг кӕна, уӕд уӕ бон цы уыдзӕн саразын, цӕмӕй кӕрӕдзи бафидар кӕнат? (Ро 1:11, 12).
Уацамындон фембӕлдтӕ ма цух кӕн. Районон цӕстдарӕгӕн ӕхсызгон вӕййы, хъусынгӕнджытӕ сӕ хъуыддӕгтӕ афтӕ кӕй спълан кӕнынц, цӕмӕй сын ӕнӕхъӕн къуырийы программӕ фылдӕр пайда ӕрхӕсса (1Фс 1:2, 3; 2:20). Хорз уаид, районон цӕстдарӕг уын уе ’мбырд цы мӕй бӕрӕг кӕндзӕн, уыцы мӕй ӕххуысгӕнӕг пионерӕй куы балӕггад кӕнис. Дӕ бон нӕ уаид йемӕ кӕнӕ йӕ бинойнагимӕ уацамынды ацӕуын кӕнӕ сӕ иуы Библийы ахуырмӕ фӕхонын? Уыдонӕн ӕхсызгон вӕййы алыхуызон хъусынгӕнджытимӕ лӕггад кӕнын, суанг, хъусынгӕнӕг ӕрӕджы чи сси кӕнӕ, афтӕ кӕмӕ кӕсы, ӕмӕ йын хъусын кӕнын бынтон хорз нӕ уайы, уыдонимӕ дӕр.
Уазӕгуарзон у. Уый фадат дын ис, цӕмӕй дӕм районон цӕстдарӕг ӕмӕ йӕ бинойнаг ӕрлӕууой кӕнӕ сӕ сихор бахӕрынмӕ фӕхонай? Афтӕмӕй равдисдзынӕ, кӕй сӕ уарзыс. Уыдоны бирӕ цыдӕртӕ нӕ фӕхъӕуы (Лк 10:38–42).
Йӕ уынаффӕтӕм ын хъус. Районон цӕстдарӕг нын баххуыс кӕны, цӕмӕй бамбарӕм, нӕ лӕггады нӕ фӕхуыздӕр кӕнын цы хъӕуы, уый. Чи зоны йӕ хатт бахъӕуы карзӕй бауайдзӕф кӕнын дӕр (1Кр 5:1–5). Районон цӕстдарӕгӕн тынг ӕхсызгон вӕййы, йӕ уынаффӕтӕм ын куы байхъусӕм, уӕд (Дзт 13:17).
Бузныг у. Районон цӕстдарӕгӕн ӕмӕ йӕ бинойнагӕн зӕгъ, сӕ фыдӕбоны тыххӕй сӕ бузныг кӕй дӕ. Уый сын дӕ бон у сӕхицӕн зӕгъын кӕнӕ та сӕм открыткӕ арвитын (Кл 3:15).