Йегъовӕ цы ахуырад дӕтты, уымӕ тырн

УЫЙ АХСДЖИАГ ЦӔМӔН У. Йегъовӕ у нӕ Кадджын Зондамонӕг ӕмӕ нын дӕтты ӕппӕты хуыздӕр ахуырад. Ахуыр нӕ кӕны, цӕмӕй нӕ цард хуыздӕр кӕна ӕмӕ нӕ диссаджы фидӕнмӕ цӕттӕ кӕны. Ӕмӕ нӕ уый тыххӕй ӕхца фидын нӕ хъӕуы! (Ис 11:6–9; 30:20, 21; Рар 22:17). Йегъовӕ нӕ кӕй ахуыр кӕны, уый фӕрцы ма нӕ бон у иннӕтӕн хорз хабар хъусын кӕнын (2Кр 3:5).

УЫЙ КУЫД ИС АРАЗӔН:

• Сӕрныллӕг у (Пс 25:8, 9).

• Пайда кӕн, Йегъовӕ дӕ ныр цӕй фӕрцы ахуыр кӕны, уымӕй, зӕгъӕм, ӕмбырдты нын цы хӕслӕвӕрдтӕ вӕййы, уыдоны архай.

• Хуыцауы хъуыддаджы дӕ разы нысӕнттӕ ӕвӕр (Фп 3:13).

• Дӕхи истӕмӕй фӕцух кӕнынмӕ дӕр цӕттӕ у, цӕмӕй ноджы фылдӕр цӕуылдӕрты сахуыр уай (Фп 3:8).

БАКӔСУТ ВИДЕОРОЛИКМӔ «ЙЕГЪОВӔ НӔ АХУЫР КӔНЫ ӔМӔ ХАЙДЖЫН СТӔМ БИРӔ АРФӔДЗИНӔДТӔЙ» ӔМӔ ДЗУАПП РАТТУТ АЦЫ ФАРСТАТӔН:

• Нӕ хотӕ ӕмӕ не ’фсымӕртӕй иуӕй-иутӕ цавӕр зындзинӕдты сӕрты ахызтысты, цӕмӕй сӕ бон уыдаид Хуыцауы Паддзахад хъусынгӕнджыты скъолайы ахуыр кӕнын?

• Хуыцауы Паддзахад хъусынгӕнджыты скъолайы цӕуыл ахуыр кӕнынц?

• Скъола каст чи фӕци, уыдонӕн сӕ ног ӕмбырдты хотӕ ӕмӕ ’фсымӕртӕ куыд баххуыс кодтой?

• Хуыцауы Паддзахад хъусынгӕнджыты скъоламӕ кӕй фӕхонынц? (kr 213)

• Йегъовӕйы организацийы ма цавӕр скъолатӕ ис?