Ӕххуыс Карибы сакъадӕхтыл цӕрӕг хотӕ ӕмӕ ’фсымӕртӕн

Фыццаг ӕнусы чырыстӕттау махӕн дӕр нӕ бон вӕййы нӕ хотӕ ӕмӕ не ’фсымӕртӕн ӕххуыс кӕнын, зӕгъӕм, ӕрдзон бӕллӕхы куы бахауынц, уӕд (Ин 13:34, 35). Бакӕс видеороликмӕ «Уарзондзинад хъуыддагӕй ӕвдисӕм. Карибы сакъадӕхтӕ» ӕмӕ базон, Карибы сакъадӕхтыл чи цӕры, уыцы хотӕ ӕмӕ ’фсымӕртӕн се ’мчырыстӕттӕ куыд баххуыс кодтой. Уый фӕстӕ дзуапп ратт ацы фарстатӕн:

• Карибы сакъадӕхтыл чи цӕры, уыцы хотӕ ӕмӕ ’фсымӕртӕн тыхдымгӕ «Ирмӕ» ӕмӕ тыхдымгӕ «Марийӕ» цавӕр зиан ӕрхастой?

• Карибы сакъадӕхтыл чи цӕры, уыцы хотӕ ӕмӕ ’фсымӕртӕн Йегъовӕ се ’мчырыстӕтты фӕрцы куыд баххуыс кодта?

• Тыхдымгӕтӕ зиан кӕмӕн ӕрхастой, уыдоныл хотӕ ӕмӕ ’фсымӕртӕ кӕй батыхстысты, уый сыл куыд фӕзынд?

• Тыхдымгӕтӕ зиан кӕмӕн ӕрхастой, уыдонӕн цал хо ӕмӕ ’фсымӕры ӕххуыс кодтой?

• Алкӕмӕн дӕр нӕ йӕ бон куыд у ӕххуыс кӕнын, ӕрдзон бӕллӕхы чи бахауы, уыдонӕн?

• Хотӕ ӕмӕ ’фсымӕрты ’хсӕн ахӕм уарзондзинад кӕй ис, уый тыххӕй цы хъуыды кӕныс?