«Уыдӕттыл хъуыды кӕнут ӕдзухдӕр»

Цӕуыл? Филиппӕгтӕм 4:8 стихы фыст ис, цӕмӕй хъуыды кӕнӕм, цыдӕриддӕр у ӕцӕг, цыдӕриддӕр у ахсджиаг, цыдӕриддӕр у раст, цыдӕриддӕр у сыгъдӕг, цыдӕриддӕр у уарзинаг, хорз цӕмӕйдӕриддӕр фӕзӕгъынц, цыдӕриддӕр у хӕрзӕгъдау ӕмӕ раппӕлинаг, ууыл. Кӕй зӕгъын ӕй хъӕуы, уый ууыл дзурӕг нӕу, ӕмӕ чырыстӕттӕ хъуамӕ ӕдзухдӕр Библийыл хъуыды кӕной. Фӕлӕ цӕуыл фӕхъуыды кӕнӕм, уый хъуамӕ Йегъовӕйы зӕрдӕмӕ цӕуа. Уӕдӕ хъуамӕ нӕхи хизӕм, Йегъовӕйӕ нӕ чи адард кӕндзӕн, ахӕм хъуыдытӕй (Пс 19:14).

Ӕвзӕр хъуыдытӕй хи хизын ӕнцон нӕу. Мах ӕрмӕст не ’нӕххӕстдзинадимӕ нӕ тох кӕнӕм, фӕлӕ ма Хӕйрӕгимӕ, «ацы цардӕвӕрды хуыцауимӕ» (2Кр 4:4). Хӕйрӕгӕн ацы дунейыл йӕ бар кӕй цӕуы, уый тыххӕй, телевизоры цы февдисынц, радиойы цы фӕдзурынц, чингуыты цы фӕфыссынц ӕмӕ интернеты цы вӕййы, уыдӕттӕй бирӕ цыдӕртӕ адӕймаджы ӕгъдау халгӕ кӕнынц. Хъуамӕ лӕмбынӕг уӕм, нӕ зонд цӕмӕй йедзаг кӕнӕм, уымӕ, уымӕн ӕмӕ уый бандавы нӕ зондахастыл ӕмӕ ӕппынфӕстаг та нӕ хъуыддӕгтыл (Иак 1:14, 15).

БАКӔС ВИДЕОРОЛИКМӔ «УӔХИ ХИЗУТ, УӔ ИУЗӔРДИОНДЗИНАДӔН ТӔССАГ ЦӔМӔЙДӔРИДДӔР У, УЫМӔЙ. ЧИ НЕ ’МБӔЛЫ, АХӔМ ИРХӔФСӔНТӔ» ӔМӔ УЫЙ ФӔСТӔ ДЗУАПП РАТТ АЦЫ ФАРСТАТӔН:

• 

  Ӕфсымӕр йӕ телефоны цӕмӕ каст ӕмӕ йыл уый куыд бандӕвта?

• 

  Куыд ын баххуыс кодтой Галатӕгтӕм 6:7, 8 стихтӕ ӕмӕ Псалом 119:37 стих?