АРӔХСТДЖЫНДӔРӔЙ ХЪУСЫН КӔН | ХЪУСЫН КӔНЫНЫ ХЪУЫДДАГ УЫН ФЫЛДӔР ЦИНДЗИНАД ХӔССӔД
Хотӕ ӕмӕ-иу ’фсымӕрты ӕххуысыл сразы ут
Йегъовӕ нын ӕххуыс кӕны, ӕгас дунейы нын цы хотӕ ӕмӕ ’фсымӕртӕ ис, уыдоны уылты (1Пт 5:9). Уыдон нын феххуыс кӕнынц, уацамынды цы зындзинӕдтыл сӕмбӕлӕм, уыдоны сӕрты хизынӕн. Зӕгъӕм, апостол Павелӕн ӕххуыс кодтой Акилӕ ӕмӕ Прискиллӕ, Силӕ, Тимофей ӕмӕ иннӕ чырыстӕттӕ (Хъд 18:1–5).
Хотӕ ӕмӕ нын ӕфсымӕртӕ куыд баххуыс кӕнынц, цӕмӕй арӕхстджындӕрӕй хъусын кӕнӕм? Иутӕ нын раттынц хорз уынаффӕтӕ, уацамынды нын исчи нӕ ныхас ӕрдӕгыл куы аскъуына, уӕд ын нӕ бон цы уаид зӕгъын, уый фӕдыл. Иннӕтӕ нын бацамонынц, адӕймаджы ногӕй куы бабӕрӕг кӕнӕм, уӕд нӕ бон куыд уаид йемӕ аныхас кӕнын. Чидӕртӕ та нын бацамонынц, нӕ бон куыд уаид искӕимӕ Библи ахуыр кӕнын райдайын ӕмӕ Библийы ахуыр уадзын. Ахъуыды кӕн, ӕмбырды дын кӕй бон уаид баххуыс кӕнын, цӕмӕй арӕхстджындӕрӕй хъусын кӕнай, ӕмӕ уыцы адӕймагӕй ӕххуыс ракур. Афтӕ куы архайай, уӕд уый уӕ дыууӕйӕн дӕр стыр пайда ӕрхӕсдзӕн ӕмӕ уын стыр цины хос уыдзӕн (Фп 1:25).
БАКӔС ВИДЕОРОЛИКМӔ «АХУЫРГӔНИНӔГТӔ ЦӔТТӔ КӔНЫНЫ ХЪУЫДДАГ ХӔССЫ ЦИНДЗИНАД. ЙЕГЪОВӔЙӔ ӔХХУЫС КУРУТ. НЕ ’ФСЫМӔРТӔ» ӔМӔ ДЗУАПП РАТТ АЦЫ ФАРСТАТӔН:
Нитӕ цы арӕзта, цӕмӕй Джейд ӕмбырдтӕм цӕуын райдыдтаид?
Хотӕ ӕмӕ-иу ’фсымӕрты нӕ Библийы ахуырмӕ цӕмӕн хъуамӕ фӕхонӕм?
Адӕймаг Чырыстийы фӕдылдзӕуӕг свӕййы, ӕмбырды йын алчидӕр кӕй феххуыс кӕны, уый фӕрцы
Джейдӕн дӕр ӕмӕ Абигейлӕн дӕр сӕ зӕрдӕмӕ цы цыд?
Уацамынды хотӕ ӕмӕ ’фсымӕртӕй дӕ бон цӕуыл у сахуыр кӕнын?