АРӔХСТДЖЫНДӔРӔЙ ХЪУСЫН КӔН | ХЪУСЫН КӔНЫНЫ ХЪУЫДДАГ УЫН ФЫЛДӔР ЦИНДЗИНАД ХӔССӔД
Библи кӕимӕ ахуыр кӕнут, уыдонӕн ӕххуыс кӕнут, цӕмӕй сӕ уырнындзинад сӕхӕдӕг фидар кӕной
Библи кӕимӕ ахуыр кӕнӕм, уыдон цӕмӕй Йегъовӕйы базоной ӕмӕ фӕлтӕрдджын чырыстӕттӕ суой, уый тыххӕй Библийы сӕйраг ахуырӕдтӕ базоной, уый фаг нӕу (Мф 5:3; Дзт 5:12–6:2). Хъуамӕ ма сӕ уырнындзинад фидар кӕнын сӕхӕдӕг сахуыр уой.
Адӕймагимӕ Библи ахуыр кӕнын куы райдайай, уӕд-иу ын равдис, Библийы ахуырмӕ йӕхи куыд хъуамӕ цӕттӕ кӕна, уый ӕмӕ йын зӕгъ, цӕмӕй-иу афтӕ кӕна (mwb18.03 6). Зӕгъ ын, цӕмӕй-иу йӕхӕдӕг Библи куы иртаса, уӕд-иу Хуыцаумӕ скува. Равдис ын, Библи иртасынӕн нын цы кусӕнгӕрзтӕ ис, уыдон кӕм ис ссарӕн ӕмӕ сӕ куыд хъӕуы пайда кӕнын, уый. Бацамон ын, йӕ бон куыд у, сайты jw.org ногӕй цы фӕзыны, уый ссарын ӕмӕ «JW Broadcasting®»-ы ӕрвылмӕйон программӕтӕм кӕсын. Разӕнгард ӕй кӕн, цӕмӕй Библи алы бон дӕр кӕса, йӕхи ӕмбырдтӕм цӕттӕ кӕна ӕмӕ йӕ фарстатӕн нӕ публикациты дзуаппытӕ агура. Ахуыр ӕй кӕн, цы базоны, ууыл хъуыды кӕнын.
БАКӔС ВИДЕОРОЛИКМӔ «БИБЛИ КӔИМӔ АХУЫР КӔНУТ, УЫДОНӔН ӔХХУЫС КӔНУТ, ЦӔМӔЙ БИБЛИ СӔХӔДӔГ ИРТАСОЙ» ӔМӔ ДЗУАПП РАТТ АЦЫ ФАРСТАТӔН:
Нитӕ Джейдӕн куыд бамбарын кодта, Библи ахуыр кӕнгӕйӕ фарстатӕн дзуаппытӕ ссарын фаг кӕй нӕу?
Джейд цӕй фӕрцы бамбӕрста, Йегъовӕ хӕтындзинад ӕвзӕр хъуыддагыл кӕй нымайы, уый раст кӕй у?
Библи кӕимӕ ахуыр кӕнут, уыдонӕн ӕххуыс кӕнут, цӕмӕй сахуыр уой Библи иртасын ӕмӕ, цы базонынц, уымӕ гӕсгӕ архайын
Джейд цӕй фӕрцы бамбӕрста, ахсджиаг кӕй у, Библийӕ цы базоны, ууыл хъуыды кӕнын?