Нӕ сайты сӕйраг фарсӕй уацамынды пайда кӕн

Сайты jw.org сӕйраг фарсыл цы статьятӕ ӕмӕ видеороликтӕ вӕййы, уыдон афтӕ конд сты, цӕмӕй-иу сыгъдӕгзӕрдӕ адӕмы зӕрдӕтӕ бацагайой (Хъд 13:48). Арӕхдӕр дзы вӕййы, ног хабӕртты кӕй кой фӕкӕнынц кӕнӕ адӕмы чи тыхсын кӕны, ахӕм темӕтӕ.

Нӕ сайты сӕйраг фарсӕй дӕ бон куыд у уацамынды пайда кӕнын?

• Нӕ сайтмӕ-иу арӕх бацу. «Темӕтӕ» фыст кӕм ис, уым цы ’рмӕг вӕййы, уымӕ-иу ӕркӕс. Ахъуыды-иу кӕн, дӕ бон дзы куыд у спайда кӕнын, цӕмӕй, рӕстдзинады тыххӕй кӕимӕ дзырдтай, уыдонӕй алкӕмӕн дӕр баххуыс кӕнай. Сайты ногӕй цы ис, уый куы зонай, уӕд-иу уацамынды дӕ бон уыдзӕн ног хъуыдытӕ дзурын. (Цӕмӕй фенай, сӕйраг фарсыл ма ӕрӕджы цы темӕтӕ уыд, уыдон, уый тыххӕй ныххӕц «Фылдӕр бакӕсын» фыст кӕм ис, уым.)

• Сӕйраг фарсыл цы видеороликтӕ ӕмӕ статьятӕ вӕййы, уыдонӕй пайда кӕн, цӕмӕй-иу адӕймагимӕ ныхас кӕнын райдайай. Уыдоны фӕрцы базондзынӕ, адӕмӕн сӕ фылдӕр ныртӕккӕ цӕуыл хъуыды кӕнынц, уый.

• Адӕймагӕн равдис сайты сӕйраг фарс. Йӕ хъус ын темӕтӕм ӕрдар ӕмӕ йын бацамон, сайтӕй пайда кӕнын куыд хъӕуы, уый.

• Адӕймагмӕ ссылкӕ арвит. Иуӕй-иуты ныхас кӕнын нӕ фӕфӕнды, фӕлӕ сайтмӕ бахизын та сразы вӕййынц. Уымӕ гӕсгӕ ма ’фсӕрмы кӕн, адӕймагӕн сайты сӕйраг фарсмӕ йе та кӕцыдӕр статьямӕ кӕнӕ видеороликмӕ ссылкӕ арвитын.