Сӕйраг хъуыдытӕ-иу дӕ зӕрдыл ӕрлӕууын кӕн

Цы раиртӕстай, уый бахъуыды кӕнын дын, мыййаг, зын вӕййы? Уый хатт алкӕмӕн дӕр зын вӕййы. Уӕдӕ дын цы баххуыс кӕндзӕн? Сӕйраг хъуыдытӕ-иу дӕ зӕрдыл ӕрлӕууын кӕн.

Исты куы иртасай, уӕд-иу ӕрлӕуу ӕмӕ, цы бакастӕ, ууыл ахъуыды кӕн. Павел дӕр хоты ӕмӕ ’фсымӕрты йӕ фыстӕджытӕй иуы уымӕ баразӕнгард кодта. Уый ныффыста: «Ныхас та ууыл у» (Дзут. 8:1). Афтӕмӕй сын баххуыс кодта, цӕмӕй бамбӕрстаиккой, цы зӕгъынмӕ хъавыд ӕмӕ йӕ хъуыдытӕ кӕрӕдзиимӕ куыд баст сты.

Исты куы раиртасай, уӕд-иу уый фӕстӕ иу-10 минуты рахицӕн кӕн, цӕмӕй сӕйраг хъуыдытыл ахъуыды кӕн. Дӕ бон сӕ ӕрхъуыды кӕнын куы нӕ уа, уӕд-иу ӕркӕс дӕлсӕргӕндтӕм кӕнӕ сӕйраг хъуыдыйӕдтӕм (арӕхдӕр уыцы хъуыдыйӕдтӕ вӕййынц абзацы райдианы). Кӕд ног цыдӕр базыдтай, уӕд ӕй афӕлвар дӕхи ныхӕстӕй радзурын. Сӕйраг хъуыдытӕ-иу дӕ зӕрдыл куы ӕрлӕууын кӕнай, уӕд-иу сӕ ӕрмӕст хъуыды нӕ бакӕндзынӕ, фӕлӕ ма-иу хуыздӕр бамбардзынӕ, дӕ бон сӕ куыд у дӕ царды спайда кӕнын.