Нывты фӕрцы цы вӕййы базонӕн?

Нӕ публикациты вӕййы бирӕ нывтӕ, ӕмӕ уыдон фембарын кӕнынц ахсджиаг хъуыдытӕ. Дӕ бон цы у аразын, цӕмӕй дын уыцы нывтӕ фылдӕр пайда хӕссой?

• Статья бакӕсыны размӕ уал-иу нывтӕм ӕркӕс. Чи зоны, нывтӕм кӕсгӕйӕ смондаг уай ӕмӕ дӕ тынгдӕр бафӕнда статья бакӕсын. Уый абарӕн ис, тӕбӕгъыл дзӕбӕх хӕринаг куыд фенай ӕмӕ йӕм дӕ комыдӕттӕ куыд ӕруайой, уыимӕ. Уӕдӕ-иу ахъуыды кӕн: «Нывы цы уынын?» (Амос 7:7, 8).

• Статья кӕсгӕйӕ-иу ахъуыды кӕн, уыцы нывтӕ цӕмӕн равзӕрстой, ууыл. Нывы бынмӕ цы фыст ис, уый дӕр-иу бакӕс. Ахъуыды-иу кӕн, нывтӕ статьяимӕ куыд баст сты ӕмӕ сыл ӕвдыст цы ис, уымӕй дӕ бон куыд у царды спайда кӕнын.

• Статья каст куы фӕуай, уӕд та-иу ногӕй нывтӕм ӕркӕс ӕмӕ-иу сӕйраг хъуыдытӕ дӕ зӕрдыл ӕрлӕууын кӕн. Уый фӕстӕ-иу дӕ цӕстытӕ сӕхгӕн ӕмӕ-иу ӕрхъуыды кӕн, статьяйы цавӕр нывтӕ ис ӕмӕ цавӕр хъуыдытӕ ӕмбарын кӕнынц.

• Ацы журналы цы нывтӕ ис, уыдонмӕ ногӕй ӕркӕс ӕмӕ, сӕ фӕрцы цы базыдтай, уый дӕ зӕрдыл ӕрлӕууын кӕн.