Дӕ бон куыд у Библийы стихтӕ бахъуыды кӕнын?

Искуы афтӕ уыди, ӕмӕ Библийӕ цавӕрдӕр стих дӕ бон ӕрхъуыды кӕнын нӕ уыд? Чи зоны, уый уыд, дӕ зӕрдӕ дын чи ’рсабыр кӕны кӕнӕ дын ӕвзӕр хъуыдытӕй фервӕзынӕн чи баххуыс кӕны, ахӕм стих (Пс. 119:11, 111). Цы дын баххуыс кӕндзӕн Библийы стихтӕ бахъуыды кӕнынӕн? Мӕнӕ цалдӕр уынаффӕйы.

• Скӕн тег приложенийы JW Library^®. Скӕн тег ӕмӕ йӕ схон «Мӕ зӕрдӕмӕ тынгдӕр чи цӕуы, уыцы стихтӕ». Ӕмӕ-иу уырдӕм бахӕсс, цы стихтӕ бахъуыды кӕнын дӕ фӕнды, уыдон.

• Стих-иу бакӕн, арӕх ӕй кӕм уындзынӕ, ахӕм ран. Бахъуыды кӕнын дӕ кӕй фӕнды, уыцы стих гӕххӕттыл ныффысс ӕмӕ йӕ бафидар кӕн кӕсӕныл кӕнӕ та холодильникы дуарыл. Дӕ бон ма у стихӕн скриншот скӕнын ӕмӕ йӕ дӕ компьютеры кӕнӕ дӕ телефоны экраныл сӕвӕрын.

• Скӕн карточкӕтӕ. Карточкӕйыл иуырдыгӕй ныффысс, кӕцы чиныг, кӕцы сӕр ӕмӕ кӕцы стих у, уый, иннӕрдыгӕй та – стихы ныхӕстӕ. Уый фӕстӕ стих бакӕс ӕмӕ бацархай, кӕцӕй ист у, уый ӕрхъуыды кӕныныл. Кӕнӕ та иннӕрдӕм: стих кӕцӕй ист у, уымӕ ӕркӕс ӕмӕ бацархай, стихы цы фыст ис, уый ӕрхъуыды кӕныныл.