Библи иртасгӕйӕ цы базоныс, уый-иу иннӕтӕн радзур

Библи куы фӕиртасӕм, уӕд нын уый циндзинад ӕрхӕссы ӕмӕ нӕ ног хъарутӕ бауадзы. Цы базонӕм, уый иннӕтӕн куы радзурӕм, уӕд нын уый та ноджы стырдӕр циндзинад ӕрхӕссы. Афтӕ кӕй вӕййы, уый бӕрӕг у, Ӕмбисӕндты 11:25 стихы цы фыст ис, уымӕй дӕр: «Иннӕтӕн дон чи нӕ хӕлӕг кӕны, уымӕн ӕй йӕхицӕн дӕр нӕ бахӕлӕг кӕндзысты».

Цы базонӕм, уый иннӕтӕн куы радзурӕм, уӕд ӕй хуыздӕр бахъуыды кӕнӕм ӕмӕ йӕ нӕхӕдӕг дӕр ноджы хуыздӕр бамбарӕм. Стӕй йӕ зонӕм, уыцы хъуыдытӕ иннӕтӕн дӕр кӕй баххуыс кӕндзысты. Ӕмӕ сын уыцы хӕзнатӕй куы фӕхай кӕнӕм, уӕд нӕхӕдӕг дӕр фӕцин кӕнӕм (Хъуыд. 20:35).

Бафӕлвар. Ацы къуыри бацархай, цӕмӕй, цы базыдтай, уый радзурай, зӕгъӕм, дӕ бинонтӕй, де ’мбырдӕй, де ’мкусджытӕй, дӕ къласӕгтӕй кӕнӕ дӕ сыхӕгтӕй искӕмӕн, йе та, кӕмӕн хъусын кӕнай, ахӕм адӕймагӕн. Архай, цӕмӕй дӕ ныхас уа хуымӕтӕг ӕмӕ ӕнцонӕмбарӕн.

Дӕ зӕрдыл дар. Дӕ нысан уый ма уӕд, цӕмӕй дӕ зонындзинӕдтӕй иннӕты дисы бафтауай, фӕлӕ-иу сӕ цӕмӕй бафидар кӕнай (1 Кор. 8:1).