• «Ӕмвӕндӕй бауынаффӕ кодтам»
    Бӕстон хъусын кӕнӕм Хуыцауы Паддзахады тыххӕй

    • 9. Иаков цы хъуыды загъта, уый хорз цӕмӕй уыд?

      9 Цымӕ Иаков хорз хъуыды загъта? О, уымӕн ӕмӕ фӕстӕдӕр апостолтӕ ӕмӕ хистӕр нӕлгоймӕгтӕ йемӕ сразы сты. Уыцы хъуыды хорз цӕмӕй уыд? Иуӕй уымӕн, ӕмӕ, афтӕ куы бакодтаиккой, уӕд ӕндӕр адӕмты нӕ «къуылымпы кодтаиккой», кӕнӕ сыл «уӕлдай уаргъ не ’вӕрдтаиккой», ома сын Моисейы закъон не ’ххӕст кӕнын кодтаиккой (Хъуыд. 15:19; «Ног Фӕдзӕхст», 2004 аз). Иннӕмӕй та, ӕфсымӕртӕ афтӕмӕй равдыстаиккой, дзуттӕгтӕй чырыстӕттӕ чи сси, уыдоны ӕнкъарӕнтыл кӕй хъуыды кӕнынц – уыдон раджы замантӕй фӕстӕмӕ хъуыстой «Моисейы ныхӕстӕ... уымӕн ӕмӕ сӕ алы сабаты дӕр ӕмбырдгӕнӕнты хъӕрӕй кастысты»b (Хъуыд. 15:21). Афтӕ куы бакодтаиккой, уӕд уый фӕрцы, дзуттӕгтӕй ӕмӕ ӕндӕр адӕмтӕй чырыстӕттӕ чи сси, уыдон ӕнӕмӕнг кӕрӕдзиимӕ ноджы ӕнгомдӕр фӕуыдаиккой. Сӕйраджыдӕр та, уый ӕхсызгон уыдаид Йегъовӕ Хуыцауӕн, уымӕн ӕмӕ уый йӕ фӕндонмӕ гӕсгӕ уыд. Ӕвӕдза, ӕфсымӕртӕ куыд хорз аскъуыддзаг кодтой уыцы фарста, цӕмӕй ӕмбырды фарн ӕмӕ иудзинад бахъахъхъӕдтаиккой! Ӕмӕ абон чырыстон ӕмбырдӕн цӕй хорз цӕвиттон сты!

  • «Ӕмвӕндӕй бауынаффӕ кодтам»
    Бӕстон хъусын кӕнӕм Хуыцауы Паддзахады тыххӕй

    • b Иаков ӕфсымӕртӕн сӕ хъус ӕрдардта, Моисей ӕрмӕст Закъон кӕй нӕ ныффыста, фӕлӕ, Закъон куы нӕма фӕзынд, уӕд Хуыцау адӕмимӕ куыд архайдта ӕмӕ йӕ фӕндон цы уыди, уый тыххӕй дӕр. Зӕгъӕм, Хуыцау тугмӕ, хӕтындзинадмӕ ӕмӕ мӕнг хуыцӕуттӕм кувынмӕ цы цӕстӕй кӕсы, уый тыххӕй бӕлвырд фыст ис Райдианы чиныджы (Райд. 9:3, 4; 20:2–9; 35:2, 4). Афтӕмӕй Йегъовӕ равдыста, уыцы уагӕвӕрдтӕ кӕй хауынц ӕппӕт адӕммӕ дӕр, дзуттӕгтӕ уой ӕви нӕ, уӕддӕр.