Кӕронмӕ фидар лӕуу

1. Хуыцауы Ныхас у ӕцӕг,

Стӕм фидар уый фӕрцы.

Цы базыдтай, цы бауарзтай,–

Бындур дӕ ныфсӕн ысты.

Хуыцауы бон дӕ зӕрдыл дар

’Мӕ йыл фидарӕй ӕууӕнд.

Фӕлварӕнты дӕ удыхъӕд

Хуыздӕрӕй-хуыздӕр кӕнӕд.

2. Цӕхӕрӕй судзӕд алкӕддӕр

Дӕ зӕрдӕйы дӕ уарзт.

Зындзинӕдты куы уай, уӕддӕр

Дӕ къухтӕ макуы ӕруадз.

Фӕлварӕнты ды макуы тӕрс

Ӕмӕ ма дызӕрдыг кӕн:

Йегъовӕ дын ӕххуыс кӕндзӕн,

Дӕ фарсмӕ ӕдзух уыдзӕн.

3. Кӕронмӕ фидар чи лӕууа,

Уый фервӕздзӕни, зон.

Хуыцауы царды чиныджы

Уыдзӕн ӕнустӕм йӕ ном.

Цӕй, фидар лӕуу кӕддӕриддӕр

Ӕмӕ сӕххӕст кӕн дӕ хӕс.

Хуыцау дӕ райгонд уӕд уыдзӕн,

Уыдзынӕ уӕд цинӕфсӕст.