байхъуыстой 185, 214, 195 ӕмӕ 188 адӕймаджы.

◼ Фӕнды нӕ фехъусын кӕнын, уӕхицӕн куы хос кӕнат, уӕд уын чи фӕахъаз уыдзӕн, ахӕм хабар. УФ-йы Ӕнӕниздзинад хъахъхъӕнынады министрад 2002 азы 25 ноябры приказӕй №363 сфидар кодта «Туджы сӕйраг хӕйттӕй пайда кӕныны фӕдыл инструкци». Инструкциимӕ ма ис бланкы хуызӕг. Уыцы бланкы амынд у, рынчынӕн уый бар кӕй ис, цӕмӕй ма сразы уа туг кӕнӕ йӕ сӕйраг хӕйттӕ уадзыныл. Афтӕ ма — туг уадзыны бӕсты цы мадзӕлттӕ ис, уыдонӕй рынчынӕн цавӕртӕй у йӕ бон хос кӕнын, уый дӕр. Уыцы бланк куы байдзаг кӕнат, уӕд хорз уаид, уӕхӕдӕг ма ӕндӕр документ дӕр куы саразиккат ӕмӕ йӕ йемӕ куы нывӕриккат. Уым уӕ бон у лӕмбынӕг ӕмӕ бӕлвырд ныффыссын, ахӕм хъуыдыйыл хӕст цӕмӕн стут, уый (кӕс «Кӕсджыты фарстытӕ» «Хъахъхъӕнӕн мӕсыг»-ы, 2000 аз, 15 июнь, уыр. ӕмӕ 2000 аз, 1 ноябрь.). Кӕнӕ та уын кӕм хос кӕной, уым уын цы бланк раттой, уым хъӕугӕ ивындзинӕдтӕ скӕнат ӕмӕ\кӕнӕ йӕ баххӕст кӕнат.

Хос кӕнынмӕ ӕндӕр горӕтмӕ куы цӕуат ӕмӕ, цалынмӕ хос кӕнат, уӕдмӕ уӕ куы хъӕуа цӕрӕнбынат ӕмӕ\кӕнӕ Рынчындӕттимӕ ӕмгуыстгӕнӕг комитеты ӕххуыс, уӕд уый тыххӕй, уӕ хорзӕхӕй, зӕгъут уе ’мбырды хистӕр нӕлгоймӕгтӕн ӕмӕ уыдон фӕдзурдзысты, кӕм хос кӕндзынӕ, уыцы горӕты ӕмбырдтӕн горӕты цӕстдарӕгмӕ.

Дӕ ныхас Библийыл араз

1. Дӕ бон уацамындмӕ цӕттӕ кӕнын куыд у?

¹ Уацамынды нӕ литературӕйӕ цыфӕнды ма парахат кӕнӕм, хорз уаид Библийӕ ахӕм стих равзарын, адӕймаджы хъуыдытыл чи бафтауа. Ӕмӕ-иу ӕй бакӕсӕм, чи нӕм хъуса, уыдонӕн (Дзут. 4:12). Цы литературӕ дӕ фӕнды раттын, стих уырдыгӕй куы райсай, уӕд дын стӕй ӕнцондӕр уыдзӕн адӕймаджы ӕргом уымӕ раздахын. Иуӕй-иу рӕтты, хъусынгӕнджытӕ куыд бафиппайдтой, афтӕмӕй уынджы кӕнӕ та хӕдзарӕй-хӕдзармӕ хъусынгӕнгӕйӕ хуыздӕр у Библи къухы дарын.

2. а) Нӕ бон куыд у нӕ ныхас Библийы стихӕй райдайын? ӕ) Кӕм хъусын кӕнут, уым Библийӕ адӕмимӕ цӕуыл ис ныхас кӕнӕн?

² Райдай Фыстадӕй. Иуӕй-иу хъусынгӕнджытӕ сӕ ныхас райдайынц хуымӕтӕг фарстӕй. Уый баст вӕййы, Библийы сӕ цы стих фӕнды бакӕсын, уыимӕ. Афтӕмӕй адӕймаджы ӕргом уайтагъд раздахынц Хуыцауы Ныхасмӕ. Кӕм хъусын кӕнут, уым дӕлдӕр амынд цӕвиттонтӕй никӕцытӕ сбӕззид?

◼ «Дӕ бон куы уаид, уӕд мӕнӕ ахӕм цард нӕ саразис?» (Бакӕс Раргомад 21:4.)

◼ «Ахӕм уӕззау рӕстӕджытӕ цӕмӕн скодта?» (Бакӕс 2 Тимофеймӕ 3:1—5.)

◼ «Алчидӕр ацы уынаффӕмӕ гӕсгӕ куы цӕрид, уӕд нӕ цард хуыздӕр нӕ уаид?» (Бакӕс Матфейы 7:12.)

◼ «Куыд хъуыды кӕныс, дӕ сывӕллӕттӕн ахӕм уавӕрты цӕрыны фадат уыдзӕн?» (Бакӕс Псалом 36:10, 11.)

◼ «Куыд хъуыды кӕныс, искуы ацы ныхӕстӕ сӕххӕст уыдзысты?» (Бакӕс Исай 33:24.)

◼ «Искуы фехъуыстай, ног хицауад кӕй уыдзӕн, уый тыххӕй мӕнӕ ам цы фыст ис?» (Бакӕс Данелы 2:44.)

◼ «Никуы дӕ фӕндыд Хуыцауы мӕнӕ ацы хъуыддагӕй бафӕрсын?» (Бакӕс Иов 21:7.)

◼ «Бирӕ кӕй уарзтам ӕмӕ немӕ чи нал ис, уыдоны ма искуы фендзыстӕм?» (Бакӕс Иоанны 5:28, 29.)

◼ «Удӕгӕсты хабӕрттӕн мард исты зоны?» (Бакӕс Екклесиаст 9:5.)

3. Библийӕ цы стихтӕ бакӕсӕм, уыдон цӕмӕй адӕм ӕмбарой, уый тыххӕй сын нӕ бон куыд у ӕххуыс кӕнын?

³ Ӕмбарын кӕн, цӕстуынгӕ цӕвиттонтӕ хӕсс ӕмӕ ӕвдис, царды кӕм бахъӕудзӕн. Адӕймаджы ныхас кӕнын куы фӕнда, уӕд стих бакӕсыны фӕстӕ тагъд ма кӕн. Бамбарын ын ӕй кӕн, цӕстуынгӕ цӕвиттон ын ӕрхӕсс ӕмӕ йын равдис, царды йӕ кӕм бахъӕудзӕн (Неем. 8:8). Хуыцауы Ныхас цы амоны, уый адӕм куы бамбарынц ӕмӕ йӕ сӕ зӕрдӕмӕ куы айсынц, уӕд сын уый сӕ цардыл, зӕгъӕн куыд нӕй, афтӕ фӕзыны (1 Фес. 2:13).

4. Адӕймагмӕ дыккаг-ӕртыккаг хатт бацӕугӕйӕ нӕ бон куыд у нӕ ныхас Библийыл аразын?

⁴ Адӕймагмӕ дыккаг-ӕртыккаг хатт бацӕугӕйӕ дӕр дӕ ныхас Библийыл араз. Уый тыххӕй дӕ бон у, фыццаг хатт куыд фӕкӕныс, афтӕ аразын: 1) Равзар стих Библийӕ. 2) Ратт стихимӕ баст хуымӕтӕг фарст, цӕмӕй адӕймаджы хъуыды базонай. Уый фӕстӕ стих бакӕс. 3) Стих бамбарын кӕн, цӕстуынгӕ цӕвиттонтӕ ӕрхӕсс ӕмӕ равдис, царды кӕм бахъӕудзӕн. Архай, цӕмӕй дӕ алы бацыдӕй дӕр адӕймагӕн Хуыцауы Ныхасӕй йӕ зонындзинӕдтӕ фылдӕр кӕной. Афтӕмӕй тагъд рӕстӕджы искӕимӕ Библи ахуыр кӕнын райдайдзынӕ!

Журнал дӕтгӕйӕ цы ис зӕгъӕн

Хъахъхъӕнӕн мӕсыг, 1 окт.

«Не ’ппӕты дӕр тынг фӕнды, фыдракӕндтӕ, тыхми ӕмӕ хӕстытӕн сӕ кой дӕр куы нал уаид. Цымӕ ацы ныхӕстӕ куыд сӕххӕст уыдзысты, уый искуы фендзыстӕм? [Бакӕс Псалом 36:11. Бауадз ӕй йӕ хъуыды зӕгъын.] Ацы журналы дзырд цӕуы, ацы зӕрдӕвӕрд, Хуыцаумӕ адӕмы тыххӕй фыццаг цы фӕнд уыди, уыимӕ куыд баст у, ӕмӕ цы хъӕуы, цӕмӕй мах дӕр зӕрдӕвӕрд бын райсӕм».