Аргъ кӕнӕм Хуыцауы лӕвӕрттӕн

1. Цыдӕриддӕр нӕм хорзӕй ис,

Цӕмӕн ис царды аргъ,

Цы ис рӕсугъдӕй – уый нын у

Хуыцауы стыр лӕвар.

Нӕ ивы аууонау Хуыцау,

Йӕ дзырдӕн хицау у.

Йегъовӕ у нӕ Фыд, нӕ Дарӕг,

Нӕ ныфс, нӕ царды рухс.

2. Нӕ мӕт кӕнӕм ӕппындӕр мах

Хӕрдыл ’мӕ дарӕсыл.

Уӕларвон мӕргъты чи ’фсады,

Уый махыл дӕр тыхсы.

Ӕнӕпайда хъуыддӕгтӕн ныр

Нӕ царды нӕй бынат.

Йегъовӕйы хӕрзтӕй стӕм разы,

Кӕнӕм хуымӕтӕг цард.

3. Хуыцауы цӕсты ницы сты,

Цӕмӕн фӕкӕнынц кад.

Тырнӕм ӕнусон хорзӕхтӕм,–

Уый махӕн у сӕйраг.

Хуыцаумӕ ’мбырд кӕнӕм хӕзна –

Ӕнустӕм уый лӕудзӕн.

Цы йӕм ис, уымӕй разы чи у,

Уый амондджын уыдзӕн.