Амондджын у фӕлмӕнзӕрдӕ адӕймаг!

1. У амондджын фӕлмӕнзӕрдӕ!

Хуыцауӕй зоны стыр хӕрзтӕ,

Рӕстзӕрдӕтӕн йӕ ныхас у,

Хуыцау фӕлмӕнзӕрдӕ кӕй у.

Хуыцау нын хатыр бакодта –

Йӕ Фырт ыстыр аргъ бафыста.

Фӕлмӕнзӕрдӕ у сабыртӕм,

Уый зоны – мах лӕмӕгъ ыстӕм.

2. Йегъовӕйау чи у фӕлмӕн,

Уый ссардта ’нцой йӕ зӕрдӕйӕн.

Чырысти ’рлӕууыд Фыды раз,

Цӕмӕй нын уа тӕригъӕд барст.

Ныр адӕмӕн ӕвӕллайгӕ

Хӕссӕм хорз хабар цингӕнгӕ.

Нӕ ныхас алкӕмӕн дӕр у:

«Ног Паддзахадыл цин кӕнут!»

3. Тӕрхон кӕндзӕн Йегъовӕ раст –

Уый таудзӕн сабыртыл йӕ уарзт.

Уыдзӕн сын хай йӕ хорзӕхӕй,

Хатыр кӕй кодтой, уый тыххӕй.

Цӕй, уӕм уӕдӕ фӕлмӕнзӕрдӕ,

Уӕд не ’гъдау уый кӕддӕриддӕр.

Хуыцау ’мӕ Йесойы фӕзмӕм,

Фӕлмӕнзӕрдӕ ӕдзухдӕр уӕм!