Иудзинады лӕггад кӕнӕм

1. Мах ыстӕм Хуыцауы кӕрты,

Алцы нын рӕдауӕй дӕтты.

Не ’хсӕн и ’цӕг иудзинад, фарн –

Уый у зынаргъ лӕвар.

Иудзинад хӕзна у,

Адджын у мыдау.

Аразӕм Хуыцауы хъуыддаг,

Йесо ’вдисы махӕн фӕндаг.

Цӕй, ӕнувыд, коммӕгӕс уӕм,

Иумӕ лӕггад кӕнӕм.

2. Кӕд Хуыцаумӕ кувӕм, цӕмӕй

Архайӕм ӕмзондӕй, фӕрнӕй,

Уӕд нӕ уарзт тыхджындӕр кӕндзӕн,

Не ’хсӕн уӕд фарн уыдзӕн.

Фарн у ’ртӕхау сатӕг,

Удӕнцой хӕссы.

Кӕд цӕрӕм ӕфсымӕртау мах,

Уӕд Хуыцау ӕруадздзӕн йӕ фарн.

Алкӕддӕр уыдзыстӕм ӕмвӕнд,

Уый у нӕ фидар фӕнд.