Уӕлӕмхасӕн ӕрмӕг «Нӕ цард ӕмӕ нӕ лӕггад»-ы кусӕн тетрадмӕ
13–19 АПРЕЛЫ
ХУЫЦАУЫ НЫХАСЫ ХӔЗНАТӔ | РАЙДИАН 31
«Иаков ӕмӕ Лаван фарны бадзырд скодтой»
(Райдиан 31:44–46) Цӕй ӕмӕ бадзырд скӕнӕм, ӕмӕ уый уыдзӕн ӕвдисӕн нӕ дыууӕйы ’хсӕн». 45 Ӕмӕ уӕд Иаков дур райста ӕмӕ йӕ зӕххы нысанӕн ӕрсагъта. 46 Уый фӕстӕ йе ’фсымӕртӕн загъта: «Дуртӕ-ма ӕрӕмбырд кӕнут!» Уыдон дӕр дуртӕ ӕрӕмбырд кодтой ӕмӕ сӕ кӕрӕдзийыл самадтой. Ӕмӕ стӕй уыцы дурты сӕрыл къӕбӕр бахордтой.
it-U «Галаад», № 4, 3 абз.
Галаад
Иаков ӕмӕ Лаван хъуыддаг куы банывыл кодтой, уӕд бадзырд скодтой. Иаков дур райста ӕмӕ йӕ зӕххы нысанӕн ӕрсагъта, стӕй «йе ’фсымӕртӕн» загъта, цӕмӕй дуртӕй цӕнд скодтаиккой. Уыцы дурты цӕнд уӕлейӕ, ӕвӕццӕгӕн, уыд стъолы хуызӕн тъӕпӕн, ӕмӕ йыл Иаков ӕмӕ Лаван къӕбӕр бахордтой, бадзырд кӕй скодтой, уый номыл. Уыцы дурты цӕнд Лаван схуыдта «Йегар-Сагадуфӕ» (арамейагау, кӕнӕ сириагау), Иаков та йӕ схуыдта «Галаад» (дзуттагау); дыууӕ номӕн дӕр сӕ хъуыды иу у. Лаван загъта: «Абон ацы дурты цӕнд [дзут. гал] у ӕвдисӕн [дзут. эд] нӕ дыууӕйы ’хсӕн» (Рд 31:44–48). Уыцы дурты цӕнд ӕмӕ, зӕххы нысанӕн кӕй ӕрсагътой, уыцы дур, сӕ рӕзты-иу чи фӕцӕйцыдаид, уыдонӕн уыдаиккой ӕвдисӕн, Иаков ӕмӕ Лаван фарны бадзырд кӕй скодтой, уымӕн. 49 стихы куыд кӕсӕм, афтӕмӕй ма уыцы бынат схуыдтой «Хъахъхъӕнӕн мӕсыг [дзут. Мицпа́]». Уый сын сӕ зӕрдыл лӕууын кодтаид, кӕрӕдзийӕн цы дзырд радтой, уый – сӕ иу иннӕмӕн ӕвзӕрдзинад кӕй нӕ араздзӕн ӕмӕ сӕхи бинонтимӕ дӕр фӕрнӕй кӕй цӕрдзысты (Рд 31:50–53). Фӕстӕдӕр-иу дуртӕ нысанӕн сӕвӕрдтой Хуыцауы иннӕ лӕггадгӕнджытӕ дӕр (ЙсН 4:4–7; 24:25–27).
(Райдиан 31:47–50) Уыцы дурты цӕнд Лаван схуыдта Йегар-Сагадуфӕ, Иаков та йӕ схуыдта Галаад. 48 Ӕмӕ Лаван загъта: «Абон ацы дурты цӕнд у ӕвдисӕн нӕ дыууӕйы ’хсӕн». Уый тыххӕй йӕ схуыдтой Галаад дӕр, 49 стӕй Хъахъхъӕнӕн мӕсыг дӕр, уымӕн ӕмӕ Лаван загъта: «Кӕрӕдзийӕ дард куы уӕм, уӕд нын Йегъовӕ хъахъхъӕнӕд нӕ алы къахдзӕф дӕр. 50 Мӕ чызджыты мын куы ’фхӕрай ӕмӕ ма уыдонӕй уӕлдай ӕндӕр устытӕ куы ’рхӕссай, уӕд ӕй зон: уый адӕмӕй ӕппындӕр куы ничи фена, уӕддӕр ӕй Хуыцау фендзӕн – уый у ӕвдисӕн нӕ дыууӕйы ’хсӕн».
it-U «Сторожевая башня», 3 абз.
Хъахъхъӕнӕн мӕсыг
Иаков дуртӕй цы цӕнд скӕнын кодта, уый схуыдта «Галаад» (нысан кӕны «ӕвдисӕн цӕнд») ӕмӕ «Хъахъхъӕнӕн мӕсыг». Уый фӕстӕ Лаван загъта: «Кӕрӕдзийӕ дард куы уӕм, уӕд нын Йегъовӕ хъахъхъӕнӕд нӕ алы къахдзӕф дӕр» (Рд 31:45–49). Уыцы цӕнд Иаковӕн ӕмӕ Лаванӕн сӕ зӕрдыл лӕууын кодта, Йегъовӕ йӕ хъус кӕй дары, цӕмӕй, цы фарны бадзырд скодтой, уый ӕххӕст кӕной.
(Райдиан 31:51–53) Лаван ма Иаковӕн ноджыдӕр загъта: «Мӕнӕ ис ацы дурты цӕнд ӕмӕ, нӕ дыууӕйы ’хсӕн нысанӕн кӕй сӕвӕрдтон, уыцы дур. 52 Ацы цӕнд дӕр ӕмӕ ацы дур дӕр сты ӕвдисӕн, ӕз ацы цӕндӕй дарддӕр кӕй нӕ акъахдзӕф кӕндзынӕн дӕуӕн ӕвзӕрдзинад ракӕнынмӕ ӕмӕ ды дӕр ацы цӕндӕй ӕмӕ ацы дурӕй дарддӕр кӕй нӕ акъахдзӕф кӕндзынӕ мӕнӕн ӕвзӕрдзинад ракӕнынмӕ. 53 Авраамы хуыцау ӕмӕ Нахоры хуыцау, сӕ фыды хуыцау нын уӕд тӕрхонгӕнӕг». Иаков та расомы кодта, йӕ фыд Исахъ кӕмӕй тарст, уыцы Хуыцауӕй.
Цавӕр хӕзнатӕ ссардтай?
(Райдиан 31:19) Лаван та уыцы рӕстӕг хӕдзары нӕ уыди, йӕ фыстӕ ӕлвынынмӕ ацыд. Ӕмӕ Рахил радавта йӕ фыды терафимты.
it-U «Терафим», 2 абз.
Терафим
Месопотамийы ӕмӕ сыхаг бӕстӕты археологтӕ цы бӕлвырдгӕнӕнтӕ ссардтой, уыдонӕй зыны, адӕймагмӕ-иу терафимтӕ (бинонты хуыцӕуттӕ) куы уыд, уӕд-иу уымӕй бирӕ кӕнгӕ кӕй уыди, бинонты бынтӕ уымӕн баззайдзысты ӕви нӕ. Нузийы цы ӕлыджы гӕбаз ссардтой, уымӕн йӕ фыстытӕй базонӕн ис, терафимтӕ-иу сиахсмӕ куы уыдысты, уӕд-иу кӕцыдӕр уавӕрты йӕ бон кӕй уыд тӕрхондонмӕ бацӕуын ӕмӕ зӕгъын, йӕ мард каисы бынтӕ райсыны бар ын кӕй ис (Ancient Near Eastern Texts, редактор Джеймс Притчард, 1974 аз, 219, 220 фф., 51 фип.). Чи зоны, Рахил дӕр уымӕн радавта йӕ фыды терафимтӕ. Афтӕ йӕм каст, ӕмӕ раст бакодта, уымӕн ӕмӕ йӕ фыд йӕ сӕрыхицау Иаковыл сайдӕй иу ӕмӕ дыууӕ хатты нӕ рацыд. (Абар Рд 31:14–16.) Терафимты фӕрцы адӕймагӕн бынтӕ райсыны бар кӕй уыд, уый ма уымӕй дӕр у бӕрӕг, ӕмӕ Лаван тынг архайдта, цӕмӕй фӕстӕмӕ йӕ къухы бафтыдаиккой – суанг ма йе ’фсымӕрты дӕр йемӕ ракодта ӕмӕ Иаковы авд боны фӕстейӕ сырдта (Рд 31:19–30). Рахил цы сарӕзта, уымӕн Иаков ӕппындӕр ницы зыдта (Рд 31:32), стӕй никуы ис фыст, ӕмӕ Иаков уыцы терафимты фӕрцы Лаваны фыртты бынтӕ байсынмӕ хъавыд. Иаковмӕ къухӕйконд хуыцӕуттӕ нӕ уыд ӕмӕ сын нӕ куывта. Уыцы терафимтӕ, гӕнӕн ис, сӕфт ӕрцыдысты, Иаков, йӕ хӕдзаронтӕм цыдӕриддӕр ӕцӕгӕлон хуыцӕуттӕ уыд, уыдон Сихеммӕ хӕстӕг стыр бӕласы бын куы баныгӕдта, уӕд, кӕнӕ та раздӕр (Рд 35:1–4).
(Райдиан 31:41, 42) Афтӕмӕй дыууын азы арвыстон дӕ хӕдзары. Цыппӕрдӕс азы дын дӕ дыууӕ чызджы тыххӕй фӕкуыстон, ӕхсӕз азы та – дӕ фосы тыххӕй. Ды та, цӕуыл баныхас кодтам, уый дӕс хатты аивтай. 42 Ӕмӕ мӕ фыды Хуыцау, Авраамы Хуыцау ӕмӕ, Исахъ кӕмӕй тӕрсы, уыцы Хуыцау, мемӕ куы нӕ уыдаид, уӕд мӕ ныр дӕр афтидкъухӕй арвитис. Фӕлӕ мын Хуыцау федта мӕ тухитӕ ӕмӕ мӕ фыдӕбон, ӕмӕ дын дысон бауайдзӕф кодта».
(1 Петры 2:18) Лӕггадгӕнджытӕ дӕр сӕ хицӕутты нымайӕнт ӕмӕ сын коммӕгӕс уӕнт – хорз ӕмӕ сӕ ӕмбаргӕ чи у, ӕрмӕст уыдонӕн нӕ, фӕлӕ йӕ зӕрдӕ кӕмӕн ницӕмӕй ис балхӕнӕн, уыдонӕн дӕр.
Йегъовӕ у нӕ фидар мӕсыг
8 Иаков Харранмӕ куы бахӕццӕ, уӕд ыл йӕ мадыфсымӕр Лаван тынг бацин кодта ӕмӕ йын фӕстӕдӕр Лийӕ ӕмӕ Рахилы радта. Фӕлӕ цасдӕры фӕстӕ Лаван Иаковыл хинӕй цӕуын райдыдта – цӕуыл баныхас кодтой, уый дӕс хатты аивта! (Райд. 31:41, 42). Фӕлӕ Иаков ӕппӕт уыдӕттӕн бабыхста, уымӕн ӕмӕ фидарӕй ӕууӕндыд, Йегъовӕ йын дарддӕр дӕр кӕй ӕххуыс кӕндзӕн. Ӕмӕ йын, ай-гъай дӕр, ӕххуыс кодта! Хуыцау Иаковӕн ахӕм арфӕ ракодта, ӕмӕ йын афтӕ куы загъта, фӕстӕмӕ Ханаанмӕ аздӕх, зӕгъгӕ, уӕдмӕ йын уыд «стыр дзугтӕ, теуатӕ ӕмӕ хӕрджытӕ, лӕггадгӕнӕг-нӕлгоймӕгтӕ ӕмӕ лӕггадгӕнӕг-сылгоймӕгтӕ» (Райд. 30:43). Иаков Йегъовӕйӕ тынг бузныг уыд ӕмӕ йӕм скуывта: «Ды мӕн, дӕ цагъары, де ’нувыд уарзтӕй куыд барӕвдыдтай ӕмӕ мыл куыд иузӕрдион уыдтӕ, ӕз уый аккаг нӕ дӕн. Иорданы цӕугӕдоныл куы ахызтӕн, уӕд мӕм лӕдзӕг йеддӕмӕ ницы уыди, ныр та дыууӕ стыр къорды хицау дӕн» (Райд. 32:10).
Библийӕ бакӕсинаг
(Райдиан 31:1–18) Цасдӕры фӕстӕ Иаков фехъуыста, Лаваны фырттӕ цы дзырдтой, уый: «Нӕ фыдмӕ цыдӕриддӕр уыди, уыдон Иаков йӕхи бакодта ӕмӕ нӕ фыды фӕллойӕ схъӕздыг». 2 Иаков ма уыдта уый дӕр, ӕмӕ йӕм Лаван раздӕрау хорз цӕстӕй кӕй нал каст. 3 Ӕмӕ иу бон Йегъовӕ Иаковӕн загъта: «Аздӕх дӕ фыдӕлты зӕхмӕ ӕмӕ дӕ хиуӕттӕм. Ныронг куыд уыдтӕн демӕ, афтӕ дарддӕр дӕр демӕ уыдзынӕн». 4 Уӕд Иаков арвыста Рахил ӕмӕ Лийӕмӕ, цӕмӕй йӕм, йӕ дзугтӕ кӕм уыдысты, уырдӕм быдырмӕ ӕрбацыдаиккой. 5 Ӕмӕ куы ’рбацыдысты, уӕд сын загъта: «Ӕз уынын, уӕ фыд мӕм раздӕрау хорз цӕстӕй кӕй нал кӕсы. Фӕлӕ мӕ фыды Хуыцау мемӕ ис. 6 Уӕхӕдӕг дӕр ӕй зонут, мӕхиуыл кӕй нӕ ауӕрстон, афтӕмӕй кӕй куыстон уӕ фыдӕн. 7 Уый та мыл сайдӕй цыди, цӕуыл баныхас кодтам, уый дӕс хатты аивта. Фӕлӕ йӕ Хуыцау нӕ бауагъта мӕнӕн зиан ракӕнын. 8 Афтӕ-иу куы загъта, зӕгъгӕ, тӕппытӕ фос уыдзысты дӕу, уӕд-иу фос иууылдӕр ныззадысты тӕппытӕ уӕрыччытӕ ӕмӕ сӕныччытӕ. Афтӕ-иу куы загъта, гӕрӕмтӕ фос уыдзысты дӕу, уӕд та-иу ӕппӕт фос дӕр ныззадысты гӕрӕм уӕрыччытӕ ӕмӕ сӕныччытӕ. 9 Афтӕмӕй Хуыцау уӕ фыдӕн йӕ фосы дзугтӕ байста ӕмӕ сӕ мӕнӕн радта. 10 Иухатт, фосӕн се схъазыны афон, ахӕм фын федтон, цыма сӕгътӕ кӕмӕй схъазыдысты, уыцы цӕутӕ уыдысты гӕрӕмтӕ, тӕппытӕ ӕмӕ хъулӕттӕ. 11 Ӕмӕ мӕм уӕд фыны фӕзынд ӕцӕг Хуыцауы зӕд ӕмӕ мӕм бадзырдта: „Иаков!“ Ӕз ын дзуапп радтон: „Мӕнӕ дӕн“. 12 Ӕмӕ мын загъта: „Дӕ хорзӕхӕй, акӕс-ма, уӕртӕ сӕгътыл чи гӕпп кӕны, уыцы цӕутӕм. Иууылдӕр сты гӕрӕмтӕ, тӕппытӕ ӕмӕ хъулӕттӕ, уымӕн ӕмӕ ӕз уынын, Лаван дын цытӕ кӕны, уый. 13 Ӕз дӕн ӕцӕг Хуыцау, Вефилы дӕм чи фӕзынд, уыцы Хуыцау. Уым ды дур нысанӕн сӕвӕрдтай ӕмӕ йыл сой рауагътай ӕмӕ мын расомы кодтай. Ныр сыст ацы зӕххӕй ӕмӕ фӕстӕмӕ дӕ райгуырӕн зӕхмӕ аздӕх“». 14 Ӕмӕ йын уӕд Рахил ӕмӕ Лийӕ дзуапп радтой: «Уӕвгӕ ма нӕм нӕ фыды хӕдзарӕй исты хауы? 15 Ӕцӕгӕлӕттыл нӕ кӕй нымайы, уый бӕрӕг нӕу? Ауӕй нӕ кодта ӕмӕ мах тыххӕй цы ӕхца райста, уыдонӕй цӕры. 16 Уӕдӕ Хуыцау нӕ фыдӕй цы хъӕздыгдзинад байста, уый иууылдӕр у мах ӕмӕ нӕ сывӕллӕтты. Гъемӕ дын Хуыцау куыд загъта, афтӕ бакӕн». 17 Ӕмӕ уӕд Иаков сыстад, йӕ сывӕллӕтты ӕмӕ йӕ устыты теуатыл сбадын кодта, 18 йӕ разӕй атардта йӕ фосы дзугтӕ иууылдӕр, Паддан-Арамы цы дзугтӕ скодта, уыдон, рахаста, цыдӕриддӕр ӕм мулк ӕрӕмбырд, уый ӕмӕ араст Ханааны зӕхмӕ, йӕ фыд Исахъмӕ.
20–26 АПРЕЛЫ
ХУЫЦАУЫ НЫХАСЫ ХӔЗНАТӔ | РАЙДИАН 32, 33
«Хуыцауы арфӕдзинадыл тох кӕныс?»
(Райдиан 32:24) Иаков иунӕгӕй куы баззад, уӕд ӕм иу адӕймаг фӕзынд ӕмӕ суанг боныцъӕхтӕм йемӕ хъӕбысӕй хӕцыд.
Алкӕддӕр тох кӕн Йегъовӕйы арфӕдзинадыл
6 Хуыцауыл иузӕрдион адӕймаг Иаков тох кодта ӕмӕ фӕуӕлахиз, уымӕн ӕмӕ Йегъовӕйы уарзта ӕмӕ йын йемӕ цы хӕлардзинад уыд, уымӕн аргъ кодта. Иаков фидарӕй ӕууӕндыд, Йегъовӕ йын зӕрдӕ цӕмӕй бавӕрдта, уый ӕнӕмӕнгӕй кӕй сӕххӕст кӕндзӕн – йӕ байзӕддӕгтӕн ын кӕй раарфӕ кӕндзӕн (Райд. 28:3, 4). Ӕмӕ йыл сӕдӕ азы бӕрц куы цыди, уӕд дӕр, йӕ бон цыдӕриддӕр уыд, уый арӕзта, цӕмӕй Хуыцауы арфӕдзинадӕй схайджын уыдаид. Уый тыххӕй ма суанг зӕдимӕ дӕр тохы бацыд. (Бакӕс Райдиан 32:24–28.) Цымӕ Иаков ӕцӕгӕй афтӕ тыхджын уыд, ӕмӕ йӕ бон уыди хъомысджын зӕдимӕ хъӕбысӕй хӕцын? Кӕй зӕгъын ӕй хъӕуы, нӕ! Фӕлӕ зӕды ауагътаид, уый йӕ хъуыдыйы кӕрон дӕр нӕ уыд. Бӕрӕг уыди, Хуыцауы арфӕдзинад ссарыны тыххӕй цыфӕнды уӕззау тохыл дӕр разы кӕй уыд. Ӕмӕ йын Хуыцау йӕ фӕразондзинады тыххӕй раарфӕ кодта. Йегъовӕ йӕ схуыдта Израил, ома, «Хуыцауимӕ чи тох кӕны, уый» кӕнӕ «Хуыцау тох кӕны». Иаков схайджын, не ’ппӕт дӕр цы хӕрзиуӕгмӕ тырнӕм, уымӕй – Йегъовӕйы хорзӕх ӕмӕ арфӕдзинадӕй.
w03-U 15/8 25 ф., 3 абз.
Ищешь ли ты Иегову настойчиво?
В Писании можно встретить много примеров тех, кто прилагал все усилия, чтобы найти Иегову. Одним из них был Иаков, который до зари упорно боролся с материализовавшимся ангелом. После этого Иакову было дано имя Израиль («боровшийся с Богом»), так как он «боролся» с Богом, или другими словами «упорно, настойчиво добивался», «напрягал силы». Ангел благословил его за такую настойчивость (Бытие 32:24–30).
(Райдиан 32:25, 26) Ӕмӕ уый куы федта, ӕмӕ Иаковыл нӕ тых кӕны, уӕд ын йӕ сины нуармӕ февнӕлдта, ӕмӕ хӕцгӕ-хӕцын Иаковӕн йӕ син фелвӕст. 26 Ӕмӕ йын уый фӕстӕ уыцы адӕймаг загъта: «Ауадз мӕ, бон цъӕх кӕнын райдыдта». Фӕлӕ йын Иаков загъта: «Цалынмӕ мын нӕ раарфӕ кӕнай, уӕдмӕ дӕ нӕ ауадздзынӕн».
it-U «Хромота», дӕлсӕргонд «Иаков»
Къуылых цӕуын
Иаков. Иаковыл 97 азы бӕрц куы цыди, уӕд иухатт ӕнӕхъӕн ӕхсӕв Хуыцауы зӕдимӕ хъӕбысӕй хӕцыд. Иаков зӕды не суӕгъд кодта, цалынмӕ йын уый нӕ раарфӕ кодта, уӕдмӕ. Зӕд Иаковы сины нуармӕ февнӕлдта, ӕмӕ хӕцгӕ-хӕцын Иаковӕн йӕ син фелвӕст. Уый тыххӕй Иаков къуылых цӕуын райдыдта (Рд 32:24–32; Ос 12:2–4). Уый йын йӕ зӕрдыл лӕууын кодта иу хъуыддаг. Кӕд ын зӕд афтӕ загъта, «ды тох кодтай Хуыцауимӕ [ома Хуыцауы зӕдимӕ] ӕмӕ адӕймӕгтимӕ, ӕмӕ фӕуӕлахиз дӕ», зӕгъгӕ, уӕддӕр уый ууыл дзурӕг нӕ уыд, ӕмӕ Хуыцауы хъомысджын зӕдыл фӕуӕлахиз. Иаков зӕдимӕ ӕрмӕстдӕр уый тыххӕй хӕцыд, ӕмӕ йӕ Хуыцау бауагъта, стӕй уый уыд Хуыцауы фӕндонмӕ гӕсгӕ, уымӕн ӕмӕ афтӕмӕй Иаковӕн йӕ бон уыд равдисын, йӕ арфӕдзинадӕн тынг кӕй аргъ кӕны, уый.
(Райдиан 32:27, 28) Ӕмӕ йӕ уӕд бафарста: «Дӕ ном куыд у?» Уый йын дзуапп радта: «Иаков». 28 Уӕд ын уый загъта: «Нырӕй фӕстӕмӕ дӕ ном Иаков нал уыдзӕн, фӕлӕ Израил, уымӕн ӕмӕ ды тох кодтай Хуыцауимӕ ӕмӕ адӕймӕгтимӕ, ӕмӕ фӕуӕлахиз дӕ».
it-U «Израиль», № 1
Израил
1. Ацы ном Хуыцау Иаковӕн радта, 97 азы бӕрц ыл куы цыд, уӕд. Иаков Иавокы дӕлвӕзыл куы ахызт, цӕмӕй йе ’фсымӕр Исавимӕ фембӕлдаид, уӕд уыцы ӕхсӕв зӕдимӕ хъӕбысӕй хӕцыд. Иаков ахӕм фӕндфидар кӕй разынд, уымӕ гӕсгӕ йын лӕвӕрд ӕрцыд ном Израил, ӕмӕ уый дзурӕг уыд Хуыцауы арфӕдзинадыл. Уыцы хабӕрттӕ зӕрдыл дарыны тыххӕй Иаков уыцы бынат схуыдта Пенуел (Рд 32:22–31; кӕс ИАКОВ, 1). Фӕстӕдӕр Иаков Вефилы куы уыд, уӕд та йын Хуыцау ногӕй загъта, йӕ ном ивд кӕй ӕрцыд, ӕмӕ Иаковы уӕдӕй йӕ мӕлӕты онг арӕх хуыдтой Израил (Рд 35:10, 15; 50:2; 1Аз 1:34). Ном «Израил» Библийы ӕмбӕлы 2 500 хаттӕй фылдӕр. Фӕлӕ, уыцы ном кӕм ӕмбӕлы, уым арӕх дзырд фӕцӕуы, Иаковы байзӕддӕгтӕй чи равзӕрд, уыцы адӕмыхаттыл (Рц 5:1, 2).
Цавӕр хӕзнатӕ ссардтай?
(Райдиан 32:11) Лӕгъстӕ дын кӕнын, ме ’фсымӕры къухӕй, Исавы къухӕй мӕ фервӕзын кӕн. Тӕрсын, куы ’рцӕуа ӕмӕ мын мӕхи дӕр ӕмӕ мадӕлты дӕр ӕд сывӕллӕттӕ куы амара.
(Райдиан 32:13–15) Уыцы ӕхсӕв Иаков уым арвыста. Ӕмӕ йӕм цы уыди, уымӕй йе ’фсымӕр Исавӕн лӕварӕн рахицӕн кодта 14 дыууӕсӕдӕ сӕгъы ӕмӕ дыууын цӕуы, дыууӕсӕдӕ фысы ӕмӕ дыууын фыры, 15 ӕртын сыл теуайы ӕд лӕппынтӕ, цыппор хъуджы ӕмӕ дӕс галы, дыууын сыл хӕрӕджы ӕмӕ дӕс нӕл хӕрӕджы.
Фӕлмӕн ныхас ӕххуыс кӕны хӕларӕй цӕрынӕн
10 Фӕлмӕн ӕмӕ ӕргом ныхас ӕххуыс кӕны иннӕтимӕ хӕларӕй цӕрынӕн. Ӕмӕ нӕ бон цы у, уый куы аразӕм, цӕмӕй иннӕтимӕ фидауӕм, уӕд нын семӕ ӕнцондӕр уыдзӕн ныхас кӕнын. Иннӕтӕн хорзы куы цӕуӕм, зӕгъӕм, истӕмӕй сын куы ӕххуыс кӕнӕм, зӕрдиагӕй сын исты куы лӕвар кӕнӕм, уазӕгуаты сӕ куы хонӕм, уӕд нӕ бон уыдзӕн семӕ ӕргом ныхас кӕнын. Ахӕм хъуыддӕгтӕ кӕнгӕйӕ ма, гӕнӕн ис, адӕймагыл «судзгӕ цӕхӕртӕ» дӕр ӕркалӕм ӕмӕ афтӕмӕй йӕ хорз миниуджытӕ рабӕрӕг уой, ӕмӕ нын уӕд ӕнцондӕр уыдзӕн йемӕ ӕргом аныхас кӕнын ӕмӕ бафидауын (Ром. 12:20, 21).
11 Иаков дӕр ӕмбӕрста, хорз хъуыддӕгтӕ бафидауынӕн кӕй ӕххуыс кӕнынц. Йӕ фаззон ӕфсымӕр Исав ӕм тынг мӕсты уыд. Иаков тарсти, кӕй йӕ амардзӕн, уымӕй ӕмӕ ӕндӕр бӕстӕм алыгъд. Бирӕ азты фӕстӕ Иаков сӕхимӕ ’рыздӕхт. Исав йӕ размӕ рацыд, йемӕ 400 нӕлгоймаджы, афтӕмӕй. Иаков Йегъовӕйӕ ӕххуыс ракуырдта. Уый фӕстӕ йӕ разӕй Исавмӕ арвыста стыр лӕвар – фосы рӕгъӕуттӕ, ӕмӕ йӕ лӕвар ӕнӕхъуаджы нӕ фӕци. Куы фембӕлдысты, уӕд Исавы зӕрдӕ ӕрфӕлмӕн, ӕмӕ Иаковы размӕ азгъордта ӕмӕ йын ныхъхъӕбыс кодта (Райд. 27:41–44; 32:6, 11, 13–15; 33:4, 10).
(Райдиан 33:20) Ӕмӕ уым скодта нывондхӕссӕн ӕмӕ йӕ схуыдта «Хуыцау у Израилы Хуыцау».
it-U «Бог – Бог Израиля», 2 абз.
Хуыцау у Израилы Хуыцау
Иаков Пенуелы Йегъовӕйы зӕдимӕ хъӕбысӕй куы хӕцыд, уӕд ын лӕвӕрд ӕрцыд ном Израил, ӕмӕ уый фӕстӕ йе ’фсымӕр Исавимӕ фембӕлд ӕмӕ бафидыдтой. Уыцы хабӕртты фӕстӕ Иаков ӕрцард Сокхофы, стӕй та – Сихемы. Сихемы Емморы фырттӕй зӕхх балхӕдта ӕмӕ йӕ цатыр уым ӕрӕвӕрдта (Рд 32:24–30; 33:1–4, 17–19). «Уым скодта нывондхӕссӕн ӕмӕ йӕ схуыдта „Хуыцау у Израилы Хуыцау“» (Рд 33:20). Нывондхӕссӕн афтӕ кӕй схуыдта, ома уыцы номы йӕ ног ном дӕр кӕй уыд, уый ууыл дзурӕг уыди, ӕмӕ уыцы ном хӕссыныл разы у ӕмӕ йын аргъ кӕны. Стӕй ма афтӕмӕй равдыста, Хуыцауӕй бузныг кӕй у, йӕ разамынды фӕрцы Зӕрдӕвӕрд зӕхмӕ дзӕбӕхӕй кӕй ӕрыздӕхт, уый тыххӕй. Ныхӕстӕ «Хуыцау у Израилы Хуыцау» Библийы ӕмбӕлынц ӕрмӕстдӕр иу хатт.
Библийӕ бакӕсинаг
(Райдиан 32:1–21) Иаков дӕр дарддӕр араст, ӕмӕ йыл фӕндагыл фембӕлдысты Хуыцауы зӕдтӕ. 2 Иаков сӕ куыддӕр федта, афтӕ загъта: «Ай у Хуыцауы ӕфсад!» Ӕмӕ уыцы бынат схуыдта Маханаим. 3 Уый фӕстӕ Иаков йе ’фсымӕр Исавмӕ Сеиры зӕхмӕ, Едомы бӕстӕмӕ, йӕ разӕй арвыста минӕвӕрттӕ 4 ӕмӕ сын бафӕдзӕхста: «Афтӕ-иу зӕгъут мӕ буц хицау Исавӕн: „Дӕ цагъар Иаков зӕгъы: „Лаванмӕ фӕцардтӕн ӕрцӕуӕггагӕй, бирӕ азтӕ йӕм фӕдӕн. 5 Ныр мӕм ис галтӕ, хӕрджытӕ ӕмӕ фыстӕ, стӕй лӕггадгӕнӕг-нӕлгоймӕгтӕ ӕмӕ лӕггадгӕнӕг-сылгоймӕгтӕ. Ӕмӕ мӕ фӕнды уый тыххӕй мӕ буц хицауӕн фӕхабар кӕнын, цӕмӕй йын йӕ хорзӕх ссарон“». 6 Цасдӕры фӕстӕ минӕвӕрттӕ Иаковмӕ ӕрбаздӕхтысты ӕмӕ йын загътой: «Уыдыстӕм де ’фсымӕр Исавмӕ. Ӕмӕ йӕхӕдӕг дӕ размӕ рацӕуы ӕмӕ йемӕ ис цыппарсӕдӕ адӕймаджы». 7 Иаков тынг фӕтарст ӕмӕ катайы бацыд. Ӕмӕ йемӕ чи уыди, уыцы адӕмы, стӕй йӕ фысты ӕмӕ йӕ сӕгъты дзугтӕ, йӕ стурты ӕмӕ йӕ теуаты дыууӕ къордыл фӕдих кодта 8 загъта: «Исав дзы иутӕм куы фӕуа, уӕд иннӕтӕ уӕддӕр аирвӕздзысты». 9 Уый фӕстӕ Иаков скуывта: «О Йегъовӕ, мӕ фыд Авраамы Хуыцау ӕмӕ мӕ фыд Исахъы Хуыцау, мӕнӕн афтӕ чи загъта, аздӕх дӕ райгуырӕн зӕхмӕ ӕмӕ дӕ хиуӕттӕм, ӕз дын ӕххуыс кӕндзынӕн, зӕгъгӕ. 10 Ды мӕн, дӕ цагъары, де ’нувыд уарзтӕй куыд барӕвдыдтай ӕмӕ мыл куыд иузӕрдион уыдтӕ, ӕз уый аккаг нӕ дӕн. Иорданы цӕугӕдоныл куы ахызтӕн, уӕд мӕм лӕдзӕг йеддӕмӕ ницы уыди, ныр та дыууӕ стыр къорды хицау дӕн. 11 Лӕгъстӕ дын кӕнын, ме ’фсымӕры къухӕй, Исавы къухӕй мӕ фервӕзын кӕн. Тӕрсын, куы ’рцӕуа ӕмӕ мын мӕхи дӕр ӕмӕ мадӕлты дӕр ӕд сывӕллӕттӕ куы амара. 12 Ды мын дӕхӕдӕг куы загътай: „Ӕз дын ӕххуыс кӕндзынӕн ӕмӕ дын дӕ байзӕддӕгты афтӕ сбирӕ кӕндзынӕн, ӕмӕ сын банымайӕн дӕр нӕ уыдзӕн, денджызы был змисӕн куыд нӕй банымайӕн, афтӕ“». 13 Уыцы ӕхсӕв Иаков уым арвыста. Ӕмӕ йӕм цы уыди, уымӕй йе ’фсымӕр Исавӕн лӕварӕн рахицӕн кодта 14 дыууӕсӕдӕ сӕгъы ӕмӕ дыууын цӕуы, дыууӕсӕдӕ фысы ӕмӕ дыууын фыры, 15 ӕртын сыл теуайы ӕд лӕппынтӕ, цыппор хъуджы ӕмӕ дӕс галы, дыууын сыл хӕрӕджы ӕмӕ дӕс нӕл хӕрӕджы. 16 Уый фӕстӕ алы дзуг дӕр хицӕнӕй бафӕдзӕхста йӕ лӕггадгӕнджытӕн ӕмӕ сын загъта: «Мӕ разӕй ахизут цӕугӕдоныл, иу дзуг иннӕмӕй дард куыд уа, афтӕ». 17 Стӕй, фыццаг дзугимӕ цы лӕггадгӕнӕг уыди, уымӕн ныффӕдзӕхста: «Ме ’фсымӕр Исав дыл куы фембӕла ӕмӕ дӕ куы бафӕрса, кӕй лӕггадгӕнӕг дӕ, кӕдӕм цӕуыс ӕмӕ адон кӕй фос сты, зӕгъгӕ, 18 уӕд-иу ын афтӕ зӕгъ: „Адон сты дӕ цагъар Иаковы фос. Рарвыста сӕ мӕ буц хицау Исавӕн ӕмӕ йӕхӕдӕг дӕр фӕстейӕ ӕрбацӕуы“». 19 Афтӕ ныффӕдзӕхста дыккагӕн, стӕй ӕртыккагӕн дӕр ӕмӕ, дзугтимӕ чи цыди, уыдонӕн се ’ппӕтӕн дӕр: «Афтӕ-иу зӕгъут Исавӕн, куы уыл фембӕла, уӕд. 20 Стӕй-иу ын ноджыдӕр зӕгъут: „Дӕ цагъар Иаков йӕхӕдӕг дӕр фӕстейӕ ӕрбацӕуы“». Иаков афтӕ уымӕн бакодта, ӕмӕ хъуыды кодта, зӕгъгӕ, мӕ разӕй цы лӕвӕрттӕ арвыстон, уыдонӕй йын йӕ зӕрдӕ ӕрфӕлмӕн кӕнон, ӕмӕ куы фембӕлӕм, уӕд мӕм кӕд хорз цӕстӕй ракӕсид. 21 Гъемӕ йӕ лӕггадгӕнджытӕ лӕвӕрттимӕ йӕ разӕй цӕугӕдоныл ахызтысты. Йӕхӕдӕг та уыцы ӕхсӕв уым баззади.
27 АПРЕЛӔЙ 3 МАЙМӔ
ХУЫЦАУЫ НЫХАСЫ ХӔЗНАТӔ | РАЙДИАН 34, 35
«Ӕвзӕр ӕмбӕлттимӕ чи лымӕн кӕны, уыдон бӕллӕхы бахауынц»
(Райдиан 34:1) Иаковы чызг Динӕ, Лийӕ йын кӕй ныййардта, уый, арӕх цыди уымы чызджытӕм.
w10 15/6 8, 9 фф., 13, 14 абз.
Ӕдасдзинад Хуыцауы адӕмы ’хсӕн агур
13 Ацы дунейы адӕмимӕ чи балымӕн ӕмӕ уый тыххӕй бӕллӕхы чи бахауд, уыдонӕй иу уыд Иаковы чызг Динӕ. Райдианы чиныджы фыст ис, Динӕ кӕй фӕцахуыр, хӕстӕг сӕм чи цард, уыцы ханаайнаг чызджытимӕ йӕ рӕстӕг ӕрвитын. Ханаайнӕгтӕ, Йегъовӕйы лӕггадгӕнджытӕй уӕлдай, хӕрзӕгъдау цард нӕ кодтой. Археолӕгтӕ куыд сбӕрӕг кодтой, афтӕмӕй ханаайнӕгтӕ мӕнгхуыцӕуттӕн кувгӕйӕ алы ӕлгъаг митӕ кодтой, стӕй уыдысты ӕнӕгъдау ӕмӕ ӕгъатыр адӕм (Рац. 23:23; Лев. 18:2–25; Дык. з. 18:9–12). Нӕ зӕрдыл-ма ӕрлӕууын кӕнӕм, Динӕ уыцы адӕмимӕ йӕхи кӕй сбаста, уый йӕ цӕмӕ ӕркодта, уый.
14 Ханааны цард иу лӕг, Сихем, зӕгъгӕ. «Йӕ фыды хӕдзары уымӕй нымаддӕр лӕг нӕ уыди». Сихем Динӕйыл йӕ цӕст ӕрӕвӕрдта ӕмӕ йын иуахӕмы «тыхми бакодта» (Райд. 34:1, 2, 19). Цӕй ӕнамонд хабар ыл ӕрцыд! Цымӕ Динӕ искуы ахъуыды кодтаид, ахӕм ӕвирхъау хабар ыл кӕй ӕрцӕудзӕн, ууыл? Ӕвӕццӕгӕн, йӕхицӕн ӕмбӕлттӕ агуырдта йе ’мгӕртты ’хсӕн ӕмӕ йӕм афтӕ касти, цыма йын тӕссаг ницӕмӕй уыдзӕн. Фӕлӕ хъуыддаг бынтон ӕндӕрхуызон рауад.
w97-U 1/2 30 ф., 4 абз.
Сихем – город в долине
Что могли думать городские юноши об этой молодой девственнице, которая постоянно и, по-видимому, без провожатых приходила к ним в город? Сын князя «увидел ее... взял ее, и спал с нею, и сделал ей насилие». Почему Дина играла с огнем, общаясь с безнравственными хананеями? Ощущала потребность в подружках-сверстницах? Была такой же своевольной и независимой, как некоторые ее братья? Прочтите сообщение в Бытии и постарайтесь понять, какое горе и позор, должно быть, принесли Иакову и Лии трагические последствия хождений их дочери в Сихем (Бытие 34:1–31; 49:5–7; смотрите также «Сторожевую башню» от 15 июня 1985 года, страница 31, англ.).
(Райдиан 34:2) Ӕмӕ йыл уымы адӕмы хистӕр евейаг Емморы фырт Сихем йӕ цӕст ӕрӕвӕрдта. Иуахӕмы Сихем ацыд ӕмӕ Динӕйӕн тыхми бакодта.
«Хӕтындзинадӕй дард лидзут»
14 Динӕ Сихемы куы федта, уӕд, ӕвӕццӕгӕн, йемӕ ӕмуат ӕрцӕуыныл хъуыды дӕр нӕ акодта. Фӕлӕ Сихем бакодта, ахӕм уавӕры ханаайнӕгтӕн сӕ фылдӕр куыд бакодтаиккой, афтӕ: йӕ монцты фӕдыл ацыд, ома, дам, адӕймаг афтӕ конд у, ӕмӕ, дам, уым ӕвзӕрӕй ницы ис. Кӕд ма йӕ Динӕ фӕстагмӕ бауромыныл архайдта, уӕддӕр ын ницыуал баххуыс кодта – Сихем ын «тыхми бакодта». Кӕд Сихем фӕстӕдӕр Динӕйы «тынг... бауарзта», уӕддӕр, цы сарӕзта, уый сарӕзта. (Бакӕс Райдиан 34:1–4.) Ӕмӕ масты хай ӕрмӕст Динӕ нӕ фӕци. Ӕвзӕр ӕмбӕлттимӕ кӕй балымӕн, уый ахӕм бӕллӕхтӕ расайдта, ӕмӕ ма йӕ бинонтӕ дӕр фӕхудинаг сты (Райдиан 34:7, 25–31; Галатӕгтӕм 6:7, 8).
(Райдиан 34:7) Уӕдмӕ Иаковы фырттӕ дӕр хабар фехъуыстой, ӕмӕ уайтагъд быдырӕй ӕрбаздӕхтысты. Уыцы хъуыддаг сӕхицӕн стыр ӕфхӕрдыл банымадтой ӕмӕ мӕстӕй фыхтысты, уымӕн ӕмӕ Сихем сарӕзта, чи не ’мбӕлд, ахӕм ӕнӕзонд ми – Иаковы чызгӕн тыхми бакодта, ӕмӕ уымӕй фӕхудинаг кодта Израилы.
(Райдиан 34:25) Фӕлӕ ӕртыккаг бон, сӕ тӕккӕ рынчыныл куы уыдысты, уӕд Иаковы фырттӕ Симеон ӕмӕ Леви, Динӕйы ӕфсымӕртӕ, райстой сӕ хъаматӕ, бацыдысты горӕтмӕ, никӕй зӕрдӕ сӕм фехсайдта, афтӕмӕй, ӕмӕ нӕлгоймӕгты цӕгъдын райдыдтой.
Исчи дӕ куы фӕхъыг кӕны...
Арӕхдӕр адӕмы сӕ маст райсын фӕфӕнды, цӕмӕй сын фенцондӕр уа, уый тыххӕй. Зӕгъӕм, Библийы фыст ис, дзуттӕгты кадджын хистӕр Иаковы фырттӕ куы базыдтой, ханаайнаг Сихем сын сӕ хо Динӕйы кӕй фӕхудинаг кодта, уӕд «уыцы хъуыддаг сӕхицӕн стыр ӕфхӕрдыл банымадтой ӕмӕ мӕстӕй рафыхтысты» (Райдиан 34:1–7). Иаковы фырттӕ сфӕнд кодтой Сихемӕй ӕмӕ йӕ бинонтӕй сӕ маст райсын. Симеон ӕмӕ Леви ханаайнӕгтыл хинӕй рацыдысты, горӕтмӕ бацыдысты ӕмӕ Сихемы ӕмӕ нӕлгоймӕгты се ’ппӕты дӕр амардтой (Райдиан 34:13–27).
Сӕ маст кӕй райстой, уый исты пайда уыд? Иаков куы базыдта, йӕ фырттӕ цы сарӕзтой, уый, уӕд сын бауайдзӕф кодта: «Фыдбылызы мӕ баппӕрстат. Сымах тыххӕй ацы бӕстӕйы адӕмӕн... се знаг фестадтӕн... уыдон иумӕ мӕ ныхмӕ рацӕудзысты ӕмӕ мын мӕхи дӕр ӕмӕ мӕ хӕдзар дӕр бабын кӕндзысты» (Райдиан 34:30). Сӕ фыдми хорзӕй ницӕмӕ ’ркодта: Иаков ӕмӕ йӕ бинонтӕн тӕссаг уыд, сӕ сыхӕгтӕ сӕ сӕ маст куы райсой, уымӕй. Цӕмӕй сӕхи фыдбылызӕй бахызтаиккой, уый тыххӕй, ӕвӕццӕгӕн, Хуыцау Иаковӕн загъта, цӕмӕй йӕ бинонтимӕ ацыдаид ӕндӕр бынатмӕ, Вефилмӕ (Райдиан 35:1, 5).
Цавӕр хӕзнатӕ ссардтай?
(Райдиан 35:8) Цасдӕры фӕстӕ амард Ревеккӕйы хъомылгӕнӕг сылгоймаг Деворӕ, ӕмӕ йӕ бавӕрдтой Вефилмӕ хӕстӕг стыр бӕласы бын. Уыцы бӕлас Иаков уый тыххӕй схуыдта Аллон-Бакут дӕр.
it-U «Девора», № 1
Деворӕ
1. Ревеккӕйы хъомылгӕнӕг сылгоймаг. Ревеккӕ йӕ фыд Вафуилы хӕдзар куы ныууагъта ӕмӕ Палестинӕмӕ куы ацыд, цӕмӕй Исахъмӕ смой кодтаид, уӕд Деворӕ дӕр йемӕ ацыд (Рд 24:59). Деворӕ бирӕ азты дӕргъы фӕлӕггад кодта Исахъы бинонтӕн, ӕмӕ стӕй (ӕвӕццӕгӕн, Ревеккӕйы мӕлӕты фӕстӕ) ӕрцард Иаковы хӕдзары. Куыд зыны, афтӕмӕй, Ревеккӕ Исахъмӕ куы смой кодта, уымӕй иу-125 азы фӕстӕ Деворӕ амард, ӕмӕ йӕ Вефилмӕ хӕстӕг стыр бӕласы бын бавӕрдтой. Уыцы бӕлас Иаков куыд схуыдта, уымӕй бӕрӕг у, йӕхӕдӕг дӕр ӕмӕ йӕ бинонтӕ дӕр Деворӕйы тынг кӕй уарзтой; бӕлас схуыдта Аллон-Бакут, нысан кӕны «хъарӕджы стыр бӕлас» (Рд 35:8).
(Райдиан 35:22–26) Ӕмӕ Израил уыцы зӕххыл цатырты куы цард, уӕд иу бон Рувим бацыд йӕ фыды номылус Валлӕмӕ ӕмӕ йемӕ ӕмуат ӕрцыд. Ӕмӕ Израил уыцы хабар базыдта. Иаковӕн уыди дыууадӕс фырты. 23 Йӕ хистӕр фырт Рувим, стӕй Симеон, Леви, Иудӕ, Иссахар ӕмӕ йын Завулон уыдысты Лийӕйӕ. 24 Рахилӕй та йын уыди Иосиф ӕмӕ Вениамин. 25 Дан ӕмӕ Неффалим та йын уыдысты Рахилы лӕггадгӕнӕг-сылгоймаг Валлӕйӕ. 26 Ӕмӕ Гад ӕмӕ Асир та Лийӕйы лӕггадгӕнӕг-сылгоймаг Зелфӕйӕ. Адон сты Иаковы фырттӕ, ӕмӕ йын райгуырдысты Паддан-Арамы.
Кӕсджыты фарстатӕ
Цымӕ рагон Израилы, Мессийӕ кӕй хӕдзарвӕндагӕй хъуамӕ рацыдаид, уыдонмӕ-иу ӕнӕмӕнг хистӕр фырты бартӕ хъуамӕ уыдаид?
Раздӕр нӕ публикациты фыстам, хабар афтӕ кӕй у. Афтӕ хъуыды кодтам, ӕмӕ уый Дзуттӕгтӕм 12:16 стихмӕ гӕсгӕ раст у. Уыцы стихы фыст ис, Исав «Хуыцауы хъуыддӕгтӕн... [кӕй] нӕ аргъ кодта» ӕмӕ «хистӕр фырты бартӕ [кӕй] баивта хӕринаджы къусыл». Афтӕ хъуыды кодтам, ӕмӕ Иаковӕн «хистӕр фырты» бартӕ лӕвӕрд куы ’рцыдысты, гъе-уӕд сси, Мессийӕ кӕй хӕдзарвӕндагӕй хъуамӕ рацыдаид, уый (Матф. 1:2, 16; Лук. 3:23, 34).
Фӕлӕ Библи лӕмбынӕгдӕр куы раиртӕстам, уӕд федтам, Мессийӕ кӕй хӕдзарвӕндагӕй рацыд, уыдон се ’ппӕт хистӕр фырттӕ кӕй нӕ уыдысты. Ӕркӕсӕм-ма цалдӕр хабармӕ.
Иаковӕн, кӕнӕ Израилӕн, Лийӕйӕ цы фырттӕ райгуырд, уыдонӕй фыццаг уыд Рувим. Фӕстӕдӕр Иаковӕн фыццаг фырт райгуырд йӕ уарзон ус Рахилӕй дӕр. Уый уыд Иосиф. Рувим фыдхъуыддаг куы бакодта, уӕд хистӕр фырты бартӕ лӕвӕрд ӕрцыдысты Иосифӕн (Райд. 29:31–35; 30:22–25; 35:22–26; 49:22–26; 1 Аз. 5:1, 2). Фӕлӕ Мессийӕ нӕдӕр Рувимы ӕмӕ нӕдӕр Иосифы хӕдзарвӕндагӕй рацыд. Уыцы кад ӕрхауд, Иаковӕн Лийӕйӕ цы фырттӕ райгуырд, уыдонӕй цыппӕрӕммӕ, Иудӕмӕ (Райд. 49:10).
Библийӕ бакӕсинаг
(Райдиан 34:1–19) Иаковы чызг Динӕ, Лийӕ йын кӕй ныййардта, уый, арӕх цыди уымы чызджытӕм. 2 Ӕмӕ йыл уымы адӕмы хистӕр евейаг Емморы фырт Сихем йӕ цӕст ӕрӕвӕрдта. Иуахӕмы Сихем ацыд ӕмӕ Динӕйӕн тыхми бакодта. 3 Ӕмӕ Иаковы чызг Динӕ Сихемы зӕрдӕйӕ нал хызти, тынг ӕй бауарзта ӕмӕ йын дзырдта, уарзын дӕ, зӕгъгӕ. 4 Ӕмӕ уӕд Сихем йӕ фыдӕн загъта: «Ракур мын ацы чызджы». 5 Иаков фехъуыста, Сихем ын йӕ чызг Динӕйы кӕй фӕхудинаг кодта. Йӕ фырттӕ та уыцы рӕстӕг фосимӕ быдыры уыдысты. Ӕмӕ цалынмӕ не ’рбацыдысты, уӕдмӕ никӕмӕн ницы загъта. 6 Иуцасдӕры фӕстӕ Сихемы фыд Еммор ӕрбацыд Иаковимӕ аныхас кӕнынмӕ. 7 Уӕдмӕ Иаковы фырттӕ дӕр хабар фехъуыстой, ӕмӕ уайтагъд быдырӕй ӕрбаздӕхтысты. Уыцы хъуыддаг сӕхицӕн стыр ӕфхӕрдыл банымадтой ӕмӕ мӕстӕй фыхтысты, уымӕн ӕмӕ Сихем сарӕзта, чи не ’мбӕлд, ахӕм ӕнӕзонд ми – Иаковы чызгӕн тыхми бакодта, ӕмӕ уымӕй фӕхудинаг кодта Израилы. 8 Гъемӕ сын Еммор загъта: «Мӕ фырт Сихем уын уӕ чызджы бауарзта. Ӕмӕ уӕ курӕг дӕн, раттут нын уӕ чызджы. 9 Ӕмӕ немӕ хӕстӕгдзинад кӕнут: уӕ чызджыты дӕттут нӕ лӕппутӕн, уӕ лӕппутӕн та курут нӕ чызджыты. 10 Ам немӕ цӕрут, нӕ зӕхх иууылдӕр уӕ разы ис. Цӕрут ыл, уӕ хъуыддӕгтӕ кӕнут ӕмӕ ам баззайут». 11 Уый фӕстӕ Сихем Динӕйы фыдӕн ӕмӕ йе ’фсымӕртӕн загъта: «Уӕ хорзӕхӕй, „нӕ“ мын ма зӕгъут. Цыдӕриддӕр зӕгъат, уый уын ратдзынӕн. 12 Цыфӕнды стыр ирӕд ӕмӕ мӕ цавӕрфӕнды лӕвӕрттӕ ма ’рцагурат, ратдзынӕн уын сӕ, ӕрмӕст мын уӕ чызджы раттут». 13 Иаковы фырттӕ сфӕнд кодтой Сихемыл ӕмӕ йӕ фыд Емморыл хинӕй рацӕуын, Сихем сын сӕ хо Динӕйы кӕй фӕхудинаг кодта, уый тыххӕй. 14 Ӕмӕ сын загътой: «Нӕ бон нӕу нӕ хойы, сунӕтгонд чи нӕу, ахӕм адӕймагӕн раттын. Уый махӕн стыр худинаг у. 15 Кӕд мах хуызӕн суат,– кӕд уӕ нӕлгоймӕгтӕ иууылдӕр сунӕт скӕной,– уӕд сразы уыдзыстӕм. 16 Уӕд уын дӕтдзыстӕм нӕ чызджыты, ӕмӕ уын уӕ чызджыты дӕр курдзыстӕм, ӕмӕ уемӕ цӕрдзыстӕм ӕмӕ суыдзыстӕм иу адӕм. 17 Фӕлӕ нӕм куы нӕ байхъусат ӕмӕ сунӕт куы не скӕнат, уӕд нӕ чызджы ракӕндзыстӕм ӕмӕ ацӕудзыстӕм». 18 Ӕмӕ сӕ ныхӕстӕ фӕцыдысты Емморы ӕмӕ йӕ фырт Сихемы зӕрдӕмӕ. 19 Ӕмӕ лӕппу уайтагъд ацыд, цы йын загътой, уый бакӕнынмӕ, уымӕн ӕмӕ тынг уарзта Иаковы чызджы. Стӕй йӕ фыды хӕдзары уымӕй нымаддӕр лӕг нӕ уыди.