Ахуыр кӕнӕм брошюрӕ «Ма бафынӕй ут!»
2005 азы 23 майӕ райдагӕ къуырийӕ 20 июнӕй райдайгӕ къуыримӕ ӕгас зӕххыл ӕмбырдтӕ сӕ чиныгахуырты ахуыр кӕндзысты брошюрӕ «Ма бафынӕй ут!». Уӕ хорзӕхӕй, спайда кӕнут ацы фарстатӕй, чиныгахуырмӕ куы цӕттӕ кӕнат ӕмӕ йӕ куы уадзат, уӕд. Ахуыры рӕстӕджы кӕсут мыхуыр ӕрмӕг ӕмӕ, рӕстӕг куы амона, уӕд амынд стихтӕ дӕр.
23 майӕ райдайгӕ къуыри
◼ 3, 4 фӕрстӕ. Ацы ран цы хабӕрттыл дзырдӕуы, уыдонӕй дӕ цардыл тынгдӕр кӕцы фӕзынд? Цӕмӕ гӕсгӕ у дӕ бон зӕгъын ахӕм хабӕрттӕ ӕрмӕст иу ран кӕй нӕ цӕуы, уый?
◼ 5 фарс. Хуыцау ныл ӕцӕгӕй кӕй тыхсы, уый дӕ цӕмӕ гӕсгӕ уырны? Хуыцауы ӕцӕгдӕр кӕй нымайӕм ӕмӕ йын йӕ хъуыддӕгтыл кӕй хъуыды кӕнӕм, уый цӕмӕй бӕрӕг у?
◼ 6–8 фӕрстӕ. Абоны дунейы уавӕртӕ цӕуыл дзурӕг сты, уый Матфейы 24:1–8, 14 стихтӕ куыд ӕмбарын кӕнынц? 2 Тимофеймӕ 3:1–5 цы дзуры, уымӕ гӕсгӕ цавӕр рӕстӕджы цӕрӕм? Фӕстаг бонтӕ кӕмӕн сты? Библи ӕцӕгдӕр Хуыцауы Ныхас у, уый дӕ цӕмӕ гӕсгӕ уырны? Адӕмӕн кӕй тыххӕй хъусын кӕнӕм, уыцы Паддзахад цы у?
◼ 9, 10 фӕрстӕ. Нӕ ӕрвылбоны хъуыддӕгтыл ӕмӕ нын царды сӕйрагдӕр цы у, ууыл нӕ лӕмбынӕг ахъуыды кӕнын цӕмӕн хъӕуы? (Ром. 2:6; Гал. 6:7). 10-ӕм фарсыл фарстытӕ кӕсгӕйӕ дӕ зӕрдыл кӕцы стихтӕ ӕрлӕууынц, дӕ цард куыд аразыс, ууыл чи хъуамӕ фӕзына, уыдонӕй?
30 майӕ райдайгӕ къуыри
◼ 11 фарс. Ацы фарсыл цы фарстытӕ ис, уыдоныл нӕ алкӕйдӕр цӕмӕн хъӕуы ахъуыды кӕнын? (1 Кор. 10:12; Еф. 6:10–18). Матфейы 24:44 фыст Йесойы уынаффӕмӕ цас лӕмбынӕг хъусӕм, уый, ацы фарстытӕн цы дзуапп дӕттӕм, уымӕй куыд у бӕрӕг?
◼ 12–14 фӕрстӕ. Раргомады 14:6, 7 кӕй кой цӕуы, уыцы «тӕрхоны сахат» цы у? Куыд ӕмбаргӕ у, зӕгъгӕ, «фӕтӕрсут Хуыцауӕй ӕмӕ раттут Уымӕн кад»? Цы у Стыр Вавилон ӕмӕ йыл цы ’рцӕудзӕн? Стыр Вавилоныл куы дзурӕм, уӕд нӕ ныр цы бакӕнын хъӕуы? Тӕрхоны сахат ма ноджы цы ’рцӕудзӕн? Хуыцауы тӕрхонӕн «нӕдӕр [йӕ] бон, нӕдӕр [йӕ] сахат» кӕй нӕ зонӕм, уый нын цавӕр фадат дӕтты ӕмӕ нӕ цардыл куыд зыны? (Матф. 25:13).
◼ 15 фарс. Цы у, Дун-дунейы ӕххӕстбарджын хицау чи у, уый фӕдыл дзырддаг фарста, ӕмӕ нӕ алкӕмӕдӕр куыд хауы?
◼ 16–19 фӕрстӕ. Цы сты «ног арв» ӕмӕ «ног зӕхх»? (2 Пет. 3:13). Уыдонӕй нын зӕрдӕ чи ӕвӕры? «Ног арв ӕмӕ ног зӕхх» ногӕй цы ’рхӕсдзысты? Алчидӕр нӕ уыцы хорзӕхтӕй хайджын уыдзӕн?
6 июнӕй райдайгӕ къуыри
◼ 20, 21 фӕрстӕ. Йесо фыццаг ӕнусы йӕ фӕдылдзӕуджыты куыд бафӕдзӕхста, лидзын кӕй хъӕуы, уый тыххӕй? (Лук. 21:20, 21). Йесо куыд дзырдта, афтӕмӕй лидзынӕн фадат кӕд фӕци? Ӕвӕстиатӕй лидзын цӕмӕн хъуыд? (Матф. 24:16–18, 21). Бирӕтӕ фӕдисы хъӕрмӕ цӕуылнӕ хъусынц? Китай ӕмӕ Филиппинты мингай адӕм, ӕууӕндӕн кӕуыл уыдис, уыцы фӕдзӕхстмӕ кӕй байхъуыстой, уый сын куыд фӕахъаз? Ацы цардӕвӕрды кӕроны тыххӕй Библийы цы фӕдзӕхст ис, уымӕ нӕ абон ноджы тынгдӕр цӕмӕн хъӕуы нӕ хъус ӕрдарын? Рӕстӕг бирӕ кӕй нал баззад, уымӕ гӕсгӕ ныл цавӕр хӕс ис? (Ӕмб. 24:11, 12).
◼ 22, 23 фӕрстӕ. 1974 азы Австралийы ӕмӕ 1985 азы та Колумбийы бирӕтӕ фӕдисы хъӕрмӕ сӕ хъус цӕуылнӕ ӕрдардтой ӕмӕ сыл уый фыдӕй цы ’рцыд? Куыд хъуыды кӕныс, ды уым куы уыдаис ӕмӕ уыцы фӕдзӕхстытӕ куы фехъуыстаис, уӕд куыд бакодтаис ӕмӕ цӕмӕн? Нойы бонты куы цардаиккам, уӕд Хуыцауы ныхасмӕ байхъуыстаиккам ӕви нӕ, уый куыд сбӕрӕг кӕнӕн ис? Адӕмы Содомы ӕмӕ йӕ алфамбылай цӕрын цӕмӕн фӕндыд? Содомыл цы ’рцыд, ууыл арф хъуыды кӕнын цӕмӕн хъӕуы?
13 июнӕй райдайгӕ къуыри
◼ 24–27 фӕрстӕ. Ӕрмӕг равзарынӕн спайда кӕн фӕлгӕтӕй, «Фарстытӕ ахуыр кӕнынӕн», зӕгъгӕ, 27-ӕм фарсыл.
20 июнӕй райдайгӕ къуыри
◼ 28–31 фӕрстӕ. Ӕрмӕг равзарынӕн спайда кӕн фӕлгӕтӕй, «Фарстытӕ ахуыр кӕнынӕн», зӕгъгӕ, 31-ӕм фарсыл.
Брошюрӕ кӕй ӕвзарӕм, уый нын баххуыс кӕндзӕн, цӕмӕй «ма бафынӕй уӕм» ӕмӕ «цӕттӕ уӕм». Уӕдӕ, адӕмӕн куыд хъусын кӕнӕм, уымӕй алкӕддӕр бӕрӕг уӕд, зӕд цы дзуры, ууыл фӕстиат кӕнӕн кӕй нӕй. Уый та дзуры: «Фӕтӕрсут Хуыцауӕй ӕмӕ раттут Уымӕн кад, уымӕн ӕмӕ райдыдта [«ӕрцыд», НФ] Йӕ тӕрхоны сахат» (Матф. 24:42, 44; Рарг. 14:7).