6 милуан адӕймаджы амард коронавирусӕй. Библийы цы фыст ис?

Ӕнӕниздзинад хъахъхъӕныны ӕппӕтдунеон организаци куыд сбӕрӕг кодта, афтӕмӕй 2022 азы 23 маймӕ коронавирусӕй амард 6 270 000 адӕймаджы. Фӕлӕ 2022 азы 5 майы ног хабӕртты фыстой, Ӕнӕниздзинад хъахъхъӕныны ӕппӕтдунеон организаци кӕй загъта, чи амард, уыдонӕн сӕ нымӕц бирӕ фылдӕр кӕй у. Фыст ма дзы уыд, зӕгъгӕ, 2020 ӕмӕ 2021 азты коронавирусӕй кӕнӕ йӕ фӕстиуджыты аххосӕй амард иу-14 900 000 адӕймаджы. Цымӕ Библийы ахӕм бӕллӕхты тыххӕй исты фыст ис?

Библийы фыст ис, фыднизтӕ-иу кӕй сыстдзӕн

• Чырысти загъта, кӕй-иу сыстдзӕн «фыднизтӕ», Библи «фӕстаг бонтӕ» кӕй хоны, уыцы рӕстӕг (Лукайы 21:11; 2 Тимофеймӕ 3:1).

Чырыстийы ныхӕстӕ ӕххӕст кӕнынц нӕ рӕстӕджы. Фылдӕр базоныны тыххӕй бакӕс статья «„Фӕстаг бонты“ нысан цы у?».

Библи хӕссы удӕнцой

• «Удӕнцойдӕттӕг Хуыцау... нын удӕнцой дӕтты не ’ппӕт зындзинӕдты дӕр» (2 Коринфӕгтӕм 1:3, 4).

Зиан кӕуыл ӕрцыд, уыдонӕй бирӕтӕн удӕнцой хӕссы, Библийы цы фыст ис, уый. Фылдӕр базонӕн ис статьятӕй «Как справиться с болью утраты. Что можно сделать» ӕмӕ «Самая лучшая помощь для тех, кто скорбит».

Библийӕ базонӕн ис, фыднизтӕн кӕрон кӕй ӕрцӕудзӕн

• «Ӕрцӕуӕд дӕ паддзахад. Дӕ фӕндон уӕлӕрвты куыд ис, афтӕ уӕд зӕххыл дӕр» (Матфейы 6:10).

Тагъд «Хуыцауы паддзахад» зӕххыл бартӕ йӕ къухмӕ райсдзӕн ӕмӕ «адӕмӕй иу дӕр нал зӕгъдзӕн: „Ӕз рынчын дӕн“» (Марчы 1:14, 15; Исай 33:24). Бакӕс видеороликмӕ «Цы у Хуыцауы Паддзахад?», цӕмӕй фылдӕр базонай уӕларвон хицауады тыххӕй ӕмӕ цы сараздзӕн, уый тыххӕй.

Библийы цы фыст ис, уый тыххӕй фылдӕр базон. Цы уынаффӕтӕ дзы ис, уыдон дӕхицӕн дӕр ӕмӕ дӕ бинонтӕн дӕр стыр ӕххуыс уыдзысты. Ӕмӕ, Хуыцау зӕрдӕ цӕмӕй ӕвӕры, уый уын удӕнцой ӕрхӕсдзӕн.