Rꞌa yä presentasion pa nunä zänä

Rä ntꞌani: ¿Xkä ñꞌani te me̱ꞌä rä Tsꞌu̱tꞌhui Äjuä?

Rä testo: Mt 6:9, 10

Rä he̱ꞌmi: Nunä tratado udi te me̱ꞌä rä Tsꞌu̱tꞌhui Äjuä ꞌne te ma dä me̱fi po nuju̱. ¿Gi pe̱ꞌtsi rꞌa yä minuto pa gi yꞌo̱de te mää nunä tratado? [Yꞌe̱ntsꞌi rä audio de rä tratado ꞌne ꞌñuti näꞌä jäꞌi hanja dä yu̱tꞌi ha jw.org.]

Rä ntꞌani: ¿Por hanja ja ndunthi yä sufrimiento?

Rä testo: 1Jn 5:19

Näꞌä mäjuäni: Rä Zithu go geꞌä di mända nunä xiꞌmhai.

Rä he̱ꞌmi: Yä testigo rä Jeoba di unihe yä ntꞌudi de rä Mäkä Tꞌofo ꞌne hinte mä bojä di adihe, ha nuya yä ntꞌudi di thädihe yä ntꞌani ngu: ¿por hanja ja ndunthi yä sufrimiento? ¿Hanja dä za dä me̱ꞌtsi rä johya yä familia? Nunä tꞌu̱kä bideo udi hanja di tꞌo̱tꞌe yä estudio. [Yꞌe̱ntsꞌi rä bideo ¿Hanja di tꞌo̱tꞌe nꞌa rä ntꞌudi de rä Mäkä Tꞌofo?] Mu̱ gi ne dä za gä nxadihu̱ ko nunä publicación. [ꞌÑuti nꞌa de nuꞌu̱ yä publicación di usahu̱ pa di unihu̱ yä estudio, ꞌne mu̱ dä za, ꞌñuti hanja di tꞌo̱tꞌe nꞌa rä estudio.]