MÄ MꞌU̱IHU̱ NGU YÄ KRISTIANU
Ma gä ñhokihu̱ pa gä ñhanduihu̱ nuya «yä gäxä pa»
Koꞌmu̱ ya di ꞌmu̱ihu̱ xa getbu̱ de rä fin, yä xuñha mänꞌa ri ndunthi (2Ti 3:1; nwtsty rä nota de estudio pa Mt 24:8). Rä hnini rä Zi Dada Jeoba njatꞌä xikägihu̱ te debe gä pe̱fihu̱ pa xti nja nꞌa rä tsꞌo thogi. Pe pa dä za gä ñäni mä tehu̱, pe̱ꞌtsi te gä hutsꞌihu̱ de mä partehu̱ ꞌne gä jamäsuhu̱ näꞌä sikägihu̱. ¿Te debe gä pe̱fihu̱ dende nubye̱? Nꞌaa, gä ñhokihu̱ ko nuꞌu̱ yä kosa ma dä ja mꞌe̱di. Yoho, dende nubye̱ xa mähyoni gä japäbihu̱ dä ze̱di mä ntsitsꞌihu̱ ko rä Zi Dada Jeoba (Lu 16:10).
Japi dä ze̱di ri ntsitsꞌi ko Äjuä. Dende nubye̱, dä hogi gi ꞌueke rä tiempo pa gi hñeti rä Mäkä Tꞌofo ꞌne gi nxadise̱ nuꞌu̱ yä he̱ꞌmi rꞌakägihu̱ rä hnini Äjuä pa gi hyandi te utꞌäꞌi rä Zi Dada Jeoba. Dende nubye̱ tsapi gi predika por telefono, ko yä karta ꞌne habu̱ gatꞌho gi yꞌo. Ogi tsu nixi ogi desanimä mu̱ nubye̱ hingi tsa gi muntsꞌi ko yä ku (Is 30:15). Beni ge rä Zi Dada Jeoba ꞌne rä Hesu nzäntho ꞌmu̱i kongeꞌi (od-S yä nxii 175, 176, yä parr. 15-17).
Ñhoki ko nuꞌu̱ yä kosa ma dä ja mꞌe̱di. Dende nubye̱ mähyoni gi hyoki nꞌa rä mochila habu̱ gi yꞌu̱tꞌi nuꞌu̱ yä kosa ma dä jaꞌi mꞌe̱di mu̱ dä nja nꞌa rä tsꞌo thogi. ꞌNehe dä hogi gi ñhoki ko nꞌa rä despensa, rä dehe, yä ꞌñethi ꞌne märꞌa yä kosa pa mu̱ dä ja mꞌe̱di gi njotꞌihu̱ ha ri nguhu̱ po nꞌa rä tiempo (Pr 22:3; g17.5-S yä nxii 4, 6).
HYANDIHU̱ RÄ BIDEO HANJA DÄ ZA GÄ ÑHOKIHU̱ PA XTI ZO̱HO̱ NꞌA RÄ MBIꞌMHAI O MÄRꞌA YÄ TSꞌO THOGI. MꞌE̱FA THÄDIHU̱ NUYA YÄ NTꞌANI:
Mu̱ dende nubye̱ di pe̱ꞌtsihu̱ nꞌa rä hogä ntsitsꞌi ko rä Zi Dada Jeoba, ¿hanja ma dä maxkägihu̱ xti nja nꞌa rä tsꞌo thogi?
¿Por hanja xa mähyoni ge dende nubye̱...
... gä umbäbihu̱ yä anciano nuꞌu̱ mä datohu̱ de habu̱ dä za dä dingägihu̱ o habu̱ dä za dä nzokägihu̱?
... gä pe̱ꞌtsihu̱ nꞌa rä mochila ko nuꞌu̱ yä kosa ma dä jakägihu̱ mꞌe̱di xti nja nꞌa rä emergencia?
... gä ñähu̱ ko mä familiahu̱ de nuꞌu̱ yä tsꞌo thogi dä za dä nja ha näꞌä luga di ꞌmu̱hu̱ ꞌne te dä za gä pe̱fihu̱ xti thogi njabu̱?
¿Te dä za gä pe̱fihu̱ pa gä fatsꞌihu̱ märꞌa ora di ñhandui yä tsꞌo thogi?
ÑꞌANISE̱: «Durante nuya yä zänä xä nja nunä hñeni de rä coronavirus (COVID-19), ¿hanja xä maxkägi gä pädi te gä pe̱fi xti ꞌñepu̱ mä nꞌa rä tsꞌo thogi?».