MA GÄ UDIHU̱ MÄNꞌA XÄ ÑHO | DÄ TE RI JOHYA ORA GI FATSꞌI YÄ JÄꞌI DÄ BÄDI DE ÄJUÄ
Tso̱mbäbi ha yä koraso yä jäꞌi
Pa gä o̱tehu̱ Äjuä, mähyoni gä mädihu̱ ko ngatꞌho mä korasohu̱ (Pr 3:1). Hänge ora di utihu̱ yä zi jäꞌi xa mähyoni gä o̱tꞌehu̱ ntsꞌe̱di po gä tso̱mbäbihu̱ asta ha yä koraso. ¿Hanja dä za gä jahu̱?
Ora gi uti yä zi jäꞌi, hingi debe ho̱nse̱ gi xipäbi te udi rä Biblia. Mähyoni gi fatsꞌi dä hyandi hanja dä za dä matsꞌi ha rä mꞌu̱i näꞌä yꞌo ri bädi, ꞌne hanja dä za dä me̱ꞌtsi nꞌa rä hogä ntsitsꞌi ko rä Zi Dada Jeoba. ꞌÑuti hanja nuꞌu̱ yä tsꞌofo di tinihu̱ ha rä Biblia udi rä mhäte ꞌne rä justisia rä Zi Dada Jeoba. Ko rä mhäte ꞌne rä tꞌekꞌei, yꞌo̱tpäbi yä ntꞌani pa gi pädi te di mbeni de näꞌä gi uti. Fatsꞌi dä hyandi hanja mänꞌa ma dä mabi xä ñho mu̱ dä hye̱pu̱ näꞌä rä mꞌu̱i u̱tsa rä Zi Dada Jeoba. Xki hyandi hanja näꞌä rä zi jäꞌi gi uti de rä Biblia dä zo̱ho̱ dä mädi rä Zi Dada Jeoba, nuꞌi xa ma gi johya.
HYANDIHU̱ RÄ BIDEO TINI RÄ JOHYA DE GI FATSꞌI MÄRꞌA DÄ ME̱PÄBI ÄJUÄ: ꞌÑUDI MÄNꞌA XÄ ÑHO— TSO̱MBÄBI HA YÄ KORASO YÄ JÄꞌI. MꞌE̱FA THÄDIHU̱ NUYA YÄ NTꞌANI:
¿Por hanja Rita bi yꞌambäbi Coral mu̱ xki ntso̱ꞌmi de näꞌä xki ñäꞌu̱ rä pa märte?
¿Te mä ejemplo bi hñutsꞌi Rita pa bi matsꞌi Coral dä ntiende por hanja rä Zi Dada Jeoba rꞌakägihu̱ yä mhända?
Mu̱ gä tso̱mbäbihu̱ ha yä koraso nuꞌu̱ yä zi jäꞌi di utihu̱, nuꞌu̱ ma dä ne dä me̱päbi Jeoba.
Ja ngu dä handihu̱ ha rä bideo, ¿te bi xipäbi Rita dä me̱fi Coral pa dä ꞌñudi hängu di mädi rä Zi Dada Jeoba?