MA GÄ UDIHU̱ MÄNꞌA XÄ ÑHO | DÄ TE RI JOHYA ORA GI FATSꞌI YÄ JÄꞌI DÄ BÄDI DE ÄJUÄ
Hyombäbi rä mfatsꞌi yä ku
Rä Zi Dada Jeoba usa mä kuhu̱ pa dä maxkägihu̱ (1Pe 5:9). Nuꞌu̱ faxkägihu̱ pa gä ñhanduihu̱ nuꞌu̱ yä xuñha di thogihu̱ ora di predikahu̱. Por ejemplo, Áquila, Priscila, Silas, Timoteo ꞌne mä ndunthi yä ku, bi matsꞌi rä apostol Pablo (Hch 18:1-5).
¿Hanja dä za dä maxꞌäꞌi märꞌa yä ku? Dä za dä ꞌñutäꞌi te gi thädi ora nꞌa rä jäꞌi o̱tꞌe nꞌa rä ntꞌani o hutsꞌi nꞌa rä pretesto pa hindä yꞌo̱de. ꞌNehe dä za dä maxꞌäꞌi pa gi ja yä rebisita o pa gi ofrese ꞌne gi uni yä curso de rä Mäkä Tꞌofo. De nuꞌu̱ yä ku de rä mhuntsꞌi, ¿ngu toꞌo dä za gi yꞌapäbi dä maxꞌäꞌi? Mu̱ gi jabu̱, xa ma gi johyahu̱ ꞌne ma gi nupä mfenihu̱ nꞌa ngu mänꞌaa (Flp 1:25).
HYANDIHU̱ RÄ BIDEO TINI RÄ JOHYA DE GI FATSꞌI MÄRꞌA DÄ ME̱PÄBI ÄJUÄ: HÑÄNI NÄꞌÄ RÄ MFATSꞌI UNI JEOBA—HYOMBÄBI RÄ MFATSꞌI YÄ KU. MꞌE̱FA THÄDIHU̱ NUYA YÄ NTꞌANI:
¿Te bi me̱fi Rita pa bi mbitabi Coral dä ntini ha yä mhuntsꞌi?
¿Por hanja dä hogi gi mbitabi rꞌa nꞌañꞌo yä ku ora ma gi uni yä curso de rä Mäkä Tꞌofo?
Pa dä nxixtehe nꞌa rä jäꞌi, ja mꞌe̱di rä mfatsꞌi gatꞌho yä ku de rä mhuntsꞌi.
¿Te mä tꞌo̱tꞌe mi ho tanto Coral ꞌne näꞌä rä zi nju bi mbitabi Rita?
¿Te dä za gi pädi de märꞌa yä ku pa gi ungä ntꞌo̱de mänꞌa xä ñho?