¿Te ma dä me̱fi rä Gobiernu Äjuä pa dä hñäki rä ñꞌäbojä?

Po gatꞌho rä xiꞌmhai, ndunthi yä jäꞌi di japäbi xä ñhei dä dähä näꞌä rä bojä honi pa dä gutꞌi ꞌne pa dä dai näꞌä te japäbi mꞌe̱di. Ngu thogi yä pa, nunä rä xuñha mänꞌa yꞌo ri te.

• Nꞌa rä imforme näꞌä ja xä tꞌo̱tꞌe,a enä ge «näꞌä rä bojä tähä yä jäꞌi ya hingi huadi pa dä dai gatꞌho näꞌä te honi». ꞌNehe enä ge mu̱ hinte dä tꞌo̱tꞌe pa dä thäki nunä rä xuñha, «rꞌa yä jäꞌi ma dä me̱ꞌtsi rä bojä ꞌne märꞌaa, mänꞌa ma dä ñhoya». ꞌNe mä «ndunthi yä familia ya hingä ma dä uadi yä bojä pa dä za dä mꞌu̱i xä ñho».

¿Pe̱ꞌtsi rä tsꞌe̱di nuꞌu̱ yä gobiernu pa dä hñäki rä ñꞌäbojä ꞌne gatꞌho nuꞌu̱ yä xuñha xpä hä?

Rä Biblia xikägihu̱ ge ja nꞌa rä Gobiernu näꞌä pe̱ꞌtsi rä tsꞌe̱di pa dä huati rä ñꞌäbojä ꞌne gatꞌho nuꞌu̱ yä xuñha xpä hä. Enä ge «rä Zi Dada de mähetsꞌi ma dä hñutsꞌi nꞌa rä gobiernu», näꞌä ma dä mända po gatꞌho rä Xiꞌmhai (Daniel 2:44). Näꞌä rä Gobiernuꞌä hingä ma dä pumfri nixi ma dä zopu̱se̱ nuꞌu̱ yä zi hyoya (Salmo 9:18). Rä Gobiernu Äjuä ma dä umbäbi yä jäꞌi gatꞌho näꞌä te di japäbi mꞌe̱di pa dä za dä mꞌu̱i ko rä johya. Ha nuꞌu̱ yä paꞌu̱, yä jäꞌi «xa ma dä johya po gatꞌho näꞌä ma dä me̱fi» (Isaías 65:21, 22).