¿Te ma dä me̱fi rä Gobiernu Äjuä pa dä hñäki gatꞌho nuꞌu̱ te tsꞌoni rä planeta?

«Nuꞌu̱ yä mpadi thogi ko rä clima xpä hämpäbi yä xuñha tanto yä jäꞌi, yä dähni, yä planta ꞌne yä zuꞌue. Mänꞌa xä nja yä däta bu̱nthi yꞌee, ꞌne po nuꞌu̱ yä tsꞌo thogi xa ndunthi nuꞌu̱ yä jäꞌi xä gohi nsi yä nguu ꞌne nsi yä ꞌme̱fi. Nuꞌu̱ yä dehe ja ha yä ndehe xä patꞌi ꞌne ndunthi de nuꞌu̱ yä zuꞌue ꞌmu̱ini yꞌo ri du» (Inger Andersen, secretaria general adjunta de las Naciones Unidas y directora ejecutiva del Programa de las Naciones Unidas para el Medio Ambiente, 25 de rä julio de rä 2023)

¿Ma dä za dä ja nꞌa rä acuerdo nuꞌu̱ yä gobiernu pa dä huati nuꞌu̱ te tsꞌoni nunä rä planeta? ¿Pädi te dä za dä me̱fi pa dä hñäki nuꞌu̱ yä xuñha?

Rä Biblia ñä de nꞌa rä gobiernu näꞌä hää dä za dä huati gatꞌho nuꞌu̱ yä dañu xä tꞌo̱tꞌpäbi nunä rä planeta. Enä ge «rä Zi Dada de mähetsꞌi ma dä hñutsꞌi nꞌa rä gobiernu» näꞌä ma dä mända ha gatꞌho rä Xiꞌmhai (Daniel 2:44). Nuꞌmu̱ xti mända rä Gobiernu Äjuä, yä jäꞌi «hinte mä ntsꞌomꞌu̱i ma dä yꞌo̱tꞌe» entre geꞌu̱, «nixi hinte ma dañu» ma dä yꞌo̱tpäbi rä Xiꞌmhai (Isaías 11:9).