¿Por hanja yä testigo rä Jeoba hingi embäbi nijä nuꞌu̱ yä luga habu̱ di muntsꞌi?

Ha rä Mäkä Tꞌofo näꞌä rä noya «nijä» de rä idioma griego ri bo̱ni nꞌa mhuntsꞌi yä jäꞌi nuꞌu̱ di ntini pa dä xo̱kämbeni Äjuä, hingä nꞌa rä luga.

Nuju̱ dä za gä handihu̱ ge ha Efesios 5:24, 25 xikägihu̱ ge “rä nijä o̱te Ñhesukristo” ꞌne ge “Ñhesukristo bi mädi rä nijä ꞌne bi unse̱ rä te” po geꞌä. Nuya yä xe̱ni xikägihu̱ de nꞌa mhuntsꞌi yä jäꞌi nuꞌu̱ o̱te ꞌne pe̱ꞌspäbi rä mhäte Ñhesukristo, hingä nꞌa rä nguu o nꞌa rä nijä.

Hänge nuje hindi embäbihe nijä nuꞌu̱ yä Ngu de gä Mhuntsꞌi nuꞌu̱ yä luga habu̱ di mhuntsꞌihe pa gä xo̱kämbenihe Äjuä.

¿Por hanja tꞌembi Ngu de gä Mhuntsꞌi de yä testigo rä Jeoba?

Ja ndunthi yä raso pa tꞌembäbi njabu̱. Ma gä hanthu̱ rꞌa de geꞌu̱:

• Näꞌä nꞌa rä luga habu̱ di muntsꞌi o di ntini yä jäꞌi.

• Di muntsꞌihe pa gä xo̱kämbenihe Jeoba, näꞌä rä Zi Dada no̱ni rä Mäkä Tꞌofo ꞌne pa di uñhe ntꞌo̱de de geꞌä (Salmo 83:18; Isaías 43:12).

• ꞌNehe di muntsꞌihe pa gä sigi gä pädihe de näꞌä rä Tsꞌu̱tꞌhui Äjuä, näꞌä bi ꞌñudi nzäntho rä Hesu (Mateo 6:9, 10; 24:14; Lucas 4:43).

Di mbitaꞌihe gi tso̱ni näꞌä Rä Ngu de gä Mhuntsꞌi ja getbu̱ de habu̱ gi ꞌmu̱i, pa gi pädi te ngu nuꞌu̱ yä mhuntsꞌi yä testigo rä Jeoba.