Hñutsꞌi de ri parte

Näꞌä bi me̱fi rä Hesu

RÄ BIDEO: Rä Hesu bi ꞌñuti de Äjuä Nicodemo

1. Hyandi rä BIDEO o hñeti Juan 3:​1, 2. ꞌNepu̱ thädi nuya yä ntꞌani:

1. ¿Por hanja Nicodemo bi ma bä kꞌäꞌtsä rä Hesu de gä xui? (Hyandi Juan 12:​42, 43).

2. ¿Hanja bi ꞌñudi rä Hesu ge xa mi ne dä matsꞌi yä zi jäꞌi dä me̱päbi Äjuä?

¿Te utkägihu̱ rä ejemplo rä Hesu

2. Koꞌmu̱ nuju̱ xa di mädihu̱ yä zi jäꞌi, di handihu̱ ngu nꞌa rä däta nsu gä fatsꞌihu̱ dä zo̱ho̱ dä me̱päbi ra Zi Dada Jeoba.

De̱mbäbi rä ejemplo rä Hesu

3. ꞌÑuti näꞌä zi jäꞌi ha näꞌä ora ꞌne ha näꞌä luga go dä huahni. ¿Xä huahni ri estudiante nꞌa rä pa ꞌne nꞌa rä ora pa gi umbäbi rä curso? ¿Habu̱ ne dä nxadi: ha rä ꞌme̱fi, ha rä nguu o ha mä nꞌa rä luga? Mu̱ dä za, dä hogi gi yꞌapäbi go dä huahni te mä pa ꞌne te mä ora dä hogi gi nxadihu̱ ꞌne yꞌo̱tꞌe ntsꞌe̱di po gi kumplibi.

4. Mähyoni gi umbäbi rä curso tatꞌä semänä. Mu̱ nꞌa rä pa hindä za gi umbäbi rä curso ha näꞌä rä pa ꞌne rä ora xkä kohihu̱, hyandi te dä za gi pe̱fi:

1. Yꞌapäbi dä huahni mä nꞌa rä pa de rä semänä.

2. Dä za gi nxadihu̱ po rä teléfono o po nꞌa rä videollamada.

3. Yꞌapäbi mä nꞌa rä publicador go dä umbäbi rä curso.

5. Xatuäbi Jeoba pa gi hyandi ri estudiante ja ngu handiꞌä. Yꞌapäbi rä mfatsꞌi rä Zi Dada Jeoba pa dä maxꞌäꞌi gi hyoni hanja gi fatsꞌi ri estudiante. Mänꞌa nuꞌmu̱ ri estudiante hingi nxadi tatꞌä semänä o di japäbi xä ñhei dä me̱fi näꞌä yꞌo ri bädi de rä Noya Äjuä (Filip. 2:13). Yꞌapäbi rä Zi Dada Jeoba dä maxꞌäꞌi gi hyandi gatꞌho nuꞌu̱ yä hogä mꞌu̱i pe̱ꞌtsi ri estudiante.