Hyandi hanja debe gi uni nꞌa rä curso ko rä mfistꞌofo ¡Johya pa nzäntho!

Änte de gi uni nꞌa rä curso

1. 

   1. Ñhoki xä ñho ko rä imformäsio. Mbeni te thogi, te japäbi mꞌe̱di ꞌne te kamfri näꞌä zi jäꞌi gi uti. ¿Jabu̱ nꞌa rä ntꞌudi näꞌä gi handi ge ma dä japäbi xä nhei dä ntiende o dä me̱fi ha rä mꞌu̱i? Hyandi nuꞌu̱ yä bideo ꞌne näꞌä rä imformäsio ehe ha rä sección «Habu̱ dä za gi pädi mä nꞌa tu̱i», ꞌne mbeni hanja dä za gi usa pa gi fatsꞌi ri estudiante.

Durante rä curso

1. 2. Yꞌambäbi mu̱ dä za gi ja nꞌa rä sadi änte de gi nxadihu̱ ꞌne ora xki huadihu̱.

2. 

   3. Ogi ñä ndunthi. Usa se̱he̱ näꞌä rä imformäsio ehe ha rä lección ꞌne umbäbi rä tiempo pa dä dädi näꞌä gi ambäbi o pa dä mää te di mbeni.

3. 4. Änte de gi fu̱dihu̱ mä nꞌa rä ntheke, hñeti nuꞌu̱ yä noya ehe habu̱ mää te ma gi nxadihu̱ ꞌne no̱ni rꞌa de nuꞌu̱ yä lección ehe ha näꞌä nthekeꞌä.

4. 5. Xti uadi nꞌa rä ntheke, usa rä repaso pa gi fatsꞌi ri estudiante dä beni nuꞌu̱ yä ntꞌudi bi bädi.

5. 6. Mentä gi nxadihu̱ kada nꞌa rä lección:

   1. Hñetihu̱ gatꞌho yä parrafo de rä mu̱di parte.

   2. Hñetihu̱ gatꞌho nuꞌu̱ yä testo di ñꞌoui rä noya «Hñetihu̱».

   3. Mu̱ ja mꞌe̱di hñetihu̱ nuꞌu̱ märꞌa yä testo ehe ha kada nꞌa rä lección.

   4. 

      Mu̱ dä za, hyandihu̱ gatꞌho nuꞌu̱ yä bideo di ñꞌoui rä noya «Yꞌe̱ntsꞌihu̱».

   5. Yꞌo̱tꞌe gatꞌho nuꞌu̱ yä ntꞌani ehe.

   6. Hyandihu̱ nuꞌu̱ yä kꞌoi o yä foto ehe habu̱ enä «Hanja dä za dä maxꞌäꞌi rä Noya Äjuä».

   7. Usa rä rekuadro «Hyoki de gä tarea», pa gi fatsꞌi ri estudiante dä hyandäse̱ hängu xä bansa. Animäbi dä zu̱di näꞌä meta ehe ha näꞌä rekuadroꞌä o xipäbi ngu te mä meta dä hogi dä zu̱di.

   8. Yꞌambäbi mu̱ bi ho nꞌa rä bideo o nꞌa de nuꞌu̱ yä imformäsio ehe ha rä sección «Habu̱ dä za gi pädi mä nꞌa tu̱i».

   9. Tsapi gi nxadihu̱ xo̱ge nꞌa rä lección tatꞌä semänä.

Mꞌe̱fa de rä curso

1. 

   7. Yꞌapäbi Jeoba dä jäpi gatꞌho näꞌä pe̱fi ri estudiante pa dä johyabi rä koraso. ꞌNehe, bäntebi rä mfatsꞌi Jeoba pa gi pädi hanja dä za gi sigi gi fatsꞌi pa dä zo̱ho̱ dä me̱päbi rä bolunta.