Usa rä he̱ꞌmi ¡Johya pa nzäntho! pa gi ꞌñuti yä jäꞌi de Äjuä

¡Hängu rä johya rꞌakägihu̱ gä pe̱ꞌtsihu̱ nꞌa rä rꞌayꞌo mfistꞌofo ꞌne nꞌa rä foyeto pa gä unihu̱ yä curso de rä Mäkä Tꞌofo! Di apäbihu̱ Jeoba dä jäpi näꞌä di pe̱fihu̱ pa gä fatsꞌihu̱ yä zi jäꞌi dä me̱päbi rä bolunta (Mt 28:18-20; 1Co 3:6-9). ¿Hanja dä za gä usahu̱ nuya yä rꞌayꞌo erramienta?

Koꞌmu̱ nunä rä curso de rä Mäkä Tꞌofo di nꞌañꞌo de näꞌä xtä nzäihu̱, pe̱ꞌtsi te gä paatihu̱ hanja di udihu̱. Po rängeꞌä, jamäsu nuya yä tsꞌofo ora gi ñhoki pa gi uni ri curso de rä Mäkä Tꞌofo:a

• Hñeti rä imformäsio ꞌne hyombäbi yä mpengi nuꞌu̱ yä ntꞌani.

• Hyoni nuꞌu̱ yä testo enä «Hñetihu̱» ꞌne fatsꞌi näꞌä zi jäꞌi gi uti dä ntiende te utkägihu̱ nuꞌu̱ yä testo.

• Hyandihu̱ nuꞌu̱ yä bideo ꞌne yꞌo̱te nuꞌu̱ yä ntꞌani ehe ha rä he̱ꞌmi.

• Tsapi gi huatihu̱ xo̱ge nꞌa rä lección ora gi nxadihu̱.

Ora gi predika, mꞌe̱tꞌo ofrese rä foyeto pa gi hyandi mu̱ näꞌä zi jäꞌi xa mäjuäni ne dä nxadi (hyandi rä rekuadro «Hanja dä za gi ofrese rä foyeto ¡Johya pa nzäntho! xki fu̱di gi ñäui nꞌa rä jäꞌi»). Xki huadi gi nxadihu̱ rä foyeto, ꞌne näꞌä zi jäꞌi gi uti ne dä sigi dä nxadi, ofresebi rä mfistꞌofo ꞌne sigihu̱ ko rä lección 4. Mu̱ näꞌä zi jäꞌi ya di nxadi rä mfistꞌofo Te udi rä Biblia o rä mfistꞌofo Rä mhäte Äjuä, nxadihu̱bye̱ rä mfistꞌofo ¡Johya pa nzäntho! Ya go gi desidi dende te mä lección gi fu̱dihu̱.

MꞌE̱FA DE GI HYANDIHU̱ RÄ BIDEO HOGÄ ꞌÑEHE HA RI CURSO DE RÄ MÄKÄ TꞌOFO, THÄDIHU̱ NUYA YÄ NTꞌANI:

• ¿Te ma dä bädi nuꞌu̱ yä zi jäꞌi gi uti ko nunä rä rꞌayꞌo mfistꞌofo?

• ¿Por hanja mähyoni gi ꞌñuti nunä bideo nuꞌu̱ yä zi jäꞌi ma dä mu̱di dä nxadi kongeꞌi?

• ¿Te mä meta dä za gi tsokuäbi näꞌä zi jäꞌi gi uti? (Hyandihu̱ rä rekuadro «Yä meta ꞌne yä punto xa mähyoni de kada nꞌa rä sección»).