Rꞌa yä presentasion

La Atalaya 1 de octubre

«Di ze̱njuahe gatꞌho yä zi jäꞌi ꞌne di utihe nunä ntꞌani hutsꞌi ha nunä rebista La Atalaya. [ꞌÑuti näꞌä ntꞌani hutsꞌi ha rä hmi rä rebista.] Ndunthi yä jäꞌi di mbeni ge ho̱nse̱ rä nthäkä tiempo toꞌo xatuäbi Äjuä, ngeꞌä huyämu̱i ge näꞌä hingi o̱de yä sadi. Pe märꞌaa enä ge Äjuä hää o̱de yä sadi. Xi nuꞌi, ¿te gi mbeni? [To̱ꞌmi dä dädi näꞌä jäꞌi.] Hyandi te udi rä Mäkä Tꞌofo. [Hñeti Isaías 30:19.] Nunä rebista xikägihu̱ ge Äjuä hää o̱de ꞌne thädi yä sadi, pe nuꞌmu̱ di xatuäbihu̱ ngu di hoꞌä, ꞌne nuꞌmu̱ di adihu̱ yä hogä tꞌo̱tꞌe.»

Yꞌo̱te Äjuä pa dä za gi ꞌmu̱i pa nzäntho

ꞌÑuti näꞌä jäꞌi rä nxii 2 ꞌne 3, ꞌne yꞌambäbi: «¿Gi hohmä gi ꞌmu̱i ha nꞌa rä luga ngu nunä? [Hyopi dä dädi näꞌä jäꞌi.] Rä Mäkä Tꞌofo mää ge Äjuä, nguntꞌä ma dä hyoki mähotho rä Xiꞌmhai habu̱ ya hinto ma dä ñhoya, nixi dä nja yä tuhni, nixi yä ñheni. Pa geꞌä, hyandi te mähyoni gä pe̱fihu̱ pa dä za gä ꞌmu̱hu̱ni. [Hñeti näꞌä mää ha rä nxii 3, habu̱ hutsꞌi rä testo de Isaías 55:3.] Nuua xikägihu̱ ge mähyoni gä o̱dehu̱ näꞌä mää Äjuä. Pe, ¿hanja dä za gä o̱dehu̱ näꞌä xikhu̱? Hyandi te mää nuua ha rä nxii 4 ꞌne 5». Mu̱ näꞌä jäꞌi ja rä tiempo, nxadihu̱ mähye̱gi rä mpengi näꞌä ntꞌani. Pe mu̱ hindä za, kohi gi pengi mä nꞌa rä pa, pa gi thädihu̱ näꞌä ntꞌani huxpu̱.